ដោយ​: សុវណ្ណ​កុម្ភៈ / ភ្នំពេញ​: សហព័ន្ធ​កីឡា​បាល់ ទាត់​កម្ពុជា បានបង្ហាញ​នូវ​បញ្ជី​ឈ្មោះ​ក្រុម​កីឡាករ អាយុ​ក្រោម​១៩​ឆ្នាំ ដែល​ត្រូវ​ចេញទៅ​ចូលរួម​ប្រកួត ក្នុង​ព្រឹត្តិការណ៍ AFF BOYS U19CHAMPIONSHIP 2022 CHAMPIONSHIP 2022 ជា​ផ្លូវការ​ហើយ ។

​បន្ទាប់ពី​សហព័ន្ធ​កីឡាបាល់ទាត់​អាស៊ីអាគ្នេយ៍ ( AFF) បានបង្ហាញ​ពី​កាលវិភាគ​ប្រកួត នៃ​ព្រឹត្តិការណ៍ AFF BOYS U19CHAMPIONSHIP 2022 CHAMPIONSHIP 2022​ជា ផ្លូវការ ហើយ​កម្ពុជា​ក៏បាន​ត្រៀមខ្លួន​រួចរាល់​ដែរ សម្រាប់​ការមកដល់ នៃ​ព្រឹត្តិការណ៍​នេះ ។

​ព្រឹត្តិការណ៍ ដែលមាន​កីឡាករ ចំនួន ១១ ក្រុម មកពី ១១ ប្រទេស ក្នុង​តំបន់​អាស៊ីអាគ្នេយ៍ មក​ចូលរួម​នោះ ការប្រកួត បែង​ចែកជា ២ ពូ​ល ដោយ​ចាប់ផ្តើម​ពីថ្ងៃ​ទី​២ ដល់​ថ្ងៃទី​១៥ ខែកក្កដា ឆ្នាំ​២០២២ នៅ​ប្រទេស​ឥណ្ឌូណេស៊ី​។

​ក្រុមយុវជន​អាយុ​ក្រោម ១៩ ឆ្នាំ កម្ពុជា ឈរ​នៅ​ពូ​ល B ជាមួយ ម៉ាឡេស៊ី​, ឡាវ​, ទី​ម័​រ​ខាងកើត និង សិង្ហ​បុរី ។ ចំណែក​ពូ​ល A មាន​ម្ចាស់ផ្ទះ ឥណ្ឌូណេស៊ី​, វៀតណាម​, ថៃ​, ព្រុយ​ណេ​, ហ្វីលីពីន និង មី​យ៉ាន់​ម៉ា ។

​តាម​កាលវិភាគ ការប្រកួត នៅ​ថ្ងៃទី​២ កក្កដា កម្ពុជា នឹង​ជួប សឹង្ហ​បូរី មុនគេ បន្ទាប់មក នៅ​ថ្ងៃទី​៥ កក្កដា ជួប​ជាមួយ ម៉ាឡេស៊ី នៅ​ថៃទី​៧ កក្កដា ជួប​ជាមួយ ឡាវ និង​ចុងក្រោយ ជួប​ជាមួយ​ក្រុមទី​ម័​រ​ខាងកើត នៅ​ថ្ងៃទី​១១ កក្កដា​៕/V​