​ប្រែ​សម្រួលៈ​បំណង​(ST)៖​អគ្គិភ័យ​ធំ​មួយ​នៅ​ក្រុង​បាងកក​កាលពី​ថ្ងៃអាទិត្យ​បាន​បំផ្លាញ​អាគារ​និង​រថយន្ត​ជាច្រើន​នៅក្នុង​សហគមន៍​ផ្សារ​មួយ​នៅក្បែរ​សង្កាត់​ឆា​ណា​ថោ​ន​(Chinatown)​ដោយបាន​​សម្លាប់​មនុស្ស​ពីរ​នាក់​និង​ប្រាំបួន​នាក់​ទៀត​រង​ការ​ឈ្លួកផ្សែង​។​

​មាន​ការផ្ទុះ​បញ្ចេញ​សម្លេង​ខ្លាំងៗ ហើយ​ប្រជាជន​ថា​ត្រង់​ស្វមម៉ា​ទ័រ​(​ប្រដាប់​ទប់​ភ្លើង​)​​ផ្ទុះ​ហើយ​ពួកគេ​បាន​នាំគ្នា​រត់​ចេញ​ទៅ​ឆ្ងាយ​។​

​អភិបាល​ក្រុង​បាងកក​លោក ឆាត់​ឆាត ស៊ីត​ទី​ពុន​(Chadchart Sittipunt)​បាន​ប្រាប់​អ្នកយកព័ត៌មាន​ថា ត្រង់​ស្វមម៉ា​ទ័រ​នៅ​អាគារ​កំ​ពស់បី​ជាន់​មួយ​បាន​ផ្ទុះ បង្ក​ជា​អគ្គិភ័យ​ដែល​បាន​លេប​​ត្របាក់​អាគារ​នោះ​យ៉ាង​លឿន តែ​«​អគ្គិភ័យ​ត្រូវបាន​គ្រប់គ្រង​ហើយ​នៅពេល​ឥឡូវ​។​មនុស្ស​ពីរ​នាក់​បាន​ស្លាប់​និង​ប្រាំបួន​នាក់​ទៀត ភាគច្រើន​ជា​បុគ្គលិក​អគ្គិភ័យ​បាន​ឈ្លួកផ្សែង​»​។​

​អ្នកស្លាប់​ជា​កម្មករ​ចំណាកស្រុក​មក​ពី​មី​យ៉ាន់​ម៉ា​ម្នាក់​និង​ជនជាតិ​ថៃ​ម្នាក់​ដែល​ធ្វើការ​នៅ​ហាង​មួយ​។​អ្នក​ទាំង​ពីរ​បាន​ជាប់​នៅក្នុង​អាគារ​នៅពេល​ភ្លើង​ឆេះ​នៅ​មាត់ច្រក​ចូល​ហាង​៕

​ផ្ទុះ​ឧបករណ៍​ទប់​ភ្លើង​នៅ​អាគារ​មួយ​នៅក្បែរ​សង្កាត់​ឆា​ណា​ថោ​ន ក្នុង​ក្រុង​បាងកក​បង្ក​អគ្គិភ័យ​សម្លាប់​មនុស្ស​ពីរ​នាក់​កាលពី​ថ្ងៃអាទិត្យ