​ប្រែ​សម្រួលៈ​បំណង​(ST)៖ ម៉ា​កាវ​បាន​ចាប់ផ្តើម​ធ្វើតេស្តិ៍​រក​កូវី​ដ​១៩​ទ្រង់ទ្រាយ​ធំ​ជុំ​ទី​បី​លើ​អ្នកស្រុក​ជាង​៦០០.០០០​នាក់​របស់​ខ្លួន​កាលពី​ថ្ងៃ​ច​អាន្ទ​ទី​២៧​មិថុនា ក្នុង​យុទ្ធនាការ​មួយ​ដើម្បី​ទប់ស្កាត់​ការឆ្លង​ជំងឺ​​នៅក្នុង​មជ្ឈមណ្ឌល​ល្បែង​ធំ​បំផុត​នៅក្នុង​លោក​មួយ​នេះ​។​

​អាជ្ញាធរ​នៅ​ម៉ា​កាវ​បាន​បិទ​ខ្ទប់​អាគារ​ជាច្រើន​និង​ដាក់​មនុស្ស​ជាង​៥.០០០​នាក់​អោយធ្វើ​ចត្តា​ឡីស័​កនៅ​ពីរ​បី​ថ្ងៃ​មកនេះ​។​

​អាជ្ញាធរ​សុខាភិបាល​បាន​និយាយថា ករណី​ឆ្លងកូវី​ដ​១៩​ថ្មី​ចំនួន​៣៨​នាក់​ត្រូវបាន​រកឃ់ញ​កាលពី​ថ្ងៃអាទិត្យ ដែល​នាំអោយ​ទីក្រុង​ល្បែង​នេះ​មាន​អ្នក​ឆ្លង​សរុប​ចំនួន​២៩៩​នាក់​ក្នុង​ការផ្ទុះ​ជំងឺ​កូវី​ដ​លើកចុង​​ក្រោយនេះ​។​

​អ្នកក្រុង​ម៉ា​កាវ​តម្រង់​ជួរ​រង់ចាំ​ធ្វើតេស្តិ៍​រក​កូវី​ដ​១៩​កាលពី​ថ្ងៃ​២០​មិថុនា ឆ្នាំ​២០២២

​ការ​ធ្វើតេស្តិ៍​ទ្រង់ទ្រាយ​ធំ​ពីរ​ជុំមុន​ត្រូវ​បាន​ធ្វើឡើង​កាលពី​សប្តាហ៍​មុន​និង​ជុំ​ទី​បី​នេះ​ត្រូវ​រំពឹងថា​នឹង​បញ្ចប់​នៅ​ថ្ងៃ​អង្គារ​។​

​ក្នុងពេល​ជាមួយគ្នា អាជ្ញាធរ​បាន​ស្នើសុំ​ប្រជាជន​នៅក្នុង​ផ្ទះ​អោយបាន​ច្រើន​តាម​លទ្ធភាព​អាចធ្វើ​បាន​នៅពេល​ភាគច្រើន​នៃ​ទីក្រុង​នេះ​ត្រូវ​បិទ រួម​មាន​បារ ហាង​សា​ឡូ​ន​និង​ឧទ្យាន​។​មាន​តែ​ការទិញ​​និង​លក់​អាហារ​យក​ទៅ​បរិភោគ​នៅក្រៅ​ហាង​ទេ​ទើប​អនុញ្ញាត​។​

​ក្នុង​ចំណាត់ការ​មួយ​ដើម្បី​រក្សា​ការងារ​ធ្វើ បណ្តា​កាស៊ីណូ​ត្រូវបាន​អនុញ្ញាត​អោយ​នៅ​បន្ត​បើកទ្វារ តែ​ភាគច្រើន​មិនសូវ​មាន​មនុស្ស​ចូល​លេង​ទេ​។​

​វិធានការ​តឹងរ៉ឹង​នេះ​កើតឡើង​បន្ទាប់​ពី​តំបន់​រដ្ឋបាល​ពិសេស​របស់​ចិន​នេះ​បាន​គេ​ផុតពី​ការ​រាតត្បាត​របស់​មេ​រោគកូ​វីដ​១៩​ចាប់តាំងពី​ការផ្ទុះ​ជំងឺ​នេះ​ម្តង​នៅ​ខែតុលា​ឆ្នាំ​២០២១​។​ម៉ា​កាវ ប្រកាន់​យក​គោល​​នយោបាយ​«​កូ​វីដ​សូន្យ​»​របស់​ចិន ក្នុង​បំណង​កំចាត់​ចោល​មេរោគ​នេះ​អោយ​អស់​ក្រោយ​រកឃើញ​ផ្ទុះ​នៅ​កន្លែង​ណាមួយ ទោះជា​ត្រូវ​ចំណាយ​ក្នុង​តំលៃ​ណាក៏ដោយ​៕