ដោយៈ អង្គា៍​ហេង / ភ្នំពេញៈ យោងតាម​របាយការណ៍​របស់ អគ្គស្នងការដ្ឋាន នគរបាលជាតិ បានឱ្យដឹង នៅ​ថ្ងៃអាទិត្យ ទី​២៦ ខែមិថុនា ឆ្នាំ​២០២២ នេះ​ថាៈ ជនសង្ស័យ​ចំនួន ៤៨ នាក់ ( ស្រី ២​នាក់ ) ត្រូវបាន​សមត្ថកិច្ច​ឃាត់ខ្លួន ក្នុង​ប្រតិបត្តិ ការបង្ក្រាប​បទល្មើស​គ្រឿងញៀន ចំនួន ១៧ ករណី នៅ​ទូទាំងប្រទេស នៅ​ថ្ងៃទី​២៦ ខែមិថុនា នេះ​។​

​ក្នុងចំណោម​ជនសង្ស័យ ទាំង​៤៨​នាក់​នោះ រួមមាន ការជួញដូរ ៧​ករណី ឃាត់ ២០​នាក់ ( ស្រី ១​នាក់ ), ដឹកជញ្ជូន រក្សាទុក ៣​ករណី ឃាត់ខ្លួន ៦​នាក់ ( ស្រី ១​នាក់ ) , ប្រើប្រាស់ ៧​ករណី ឃាត់ខ្លួន ២២ នាក់​។ ចំណែក​វត្ថុតាង ដែល​ចាប់យក សរុប​ក្នុង​ថ្ងៃទី​២៦ ខែមិថុនា រួមមានៈ មេ​តំ​ហ្វេ​តា​មីន (Ice) ស្មើនឹង ២៣,៨០ ក្រាម និង ១​កញ្ចប់​តូច​, កេ​តា​មីន (Ke) ស្មើនឹង ០,៣៣ ក្រាម​, អ៊ិ​ច​ស្តា​ស៊ី (mdma) ស្មើនឹង ០,១២ ក្រាម ។​

​លទ្ធផល​ខាងលើ គឺមាន ៧ អង្គភាព បាន​ចូលរួម​បង្ក្រាប ក្នុងនោះ​មាន នគរបាល ៥​អង្គភាព គឺ​មន្ទីរ​ប្រឆាំង​គ្រឿងញៀន នគរបាល​បាត់ដំបង កណ្តាល សៀមរាប និង​កងរាជអាវុធហត្ថ ២ អង្គភាព គឺ​កងរាជអាវុធហត្ថ ខេត្តកំពង់ចាម និង​ខេត្ត ព្រះសីហនុ ៕/V​-PC