ដោយ៖ រ៉ាម៉ន / ភ្នំពេញ៖ ក្រោយពីលោក ជា ពិសី អភិបាលខណ្ឌទួលគោក បានចុះពិនិត្យ និងរកដំណោះស្រាយជួសជុល ផ្លូវលេខ២៨៣ កាលពីពេលកន្លង មកនោះ នៅថ្ងៃទី២៦ ខែមិថុនា ឆ្នាំ២០២២ នេះ អាជ្ញាធរខណ្ឌទួលគោក ដោយមានកិច្ចសហការពីមន្ទីរសាធារណ ការ និងដឹកជញ្ជូន រាជធានីភ្នំពេញ បានជួសជុលជង្ហុកសំបុកមាន់ នៅផ្លូវ២៨៣ រួចរាល់ហើយ ដើម្បីបញ្ចៀសគ្រោះថ្នាក់ ក្នុងការធ្វើដំណើររបស់ បងប្អូនប្រជាពលរដ្ឋ។
គួររំលឹកថា កាលពីថ្ងៃទី២៤ ខែមិថុនា ឆ្នាំ២០២២ លោក ជា ពិសី អភិបាលខណ្ឌ ទួលគោក បានដឹកនាំការិយាល័យសាធារណការខណ្ឌ និងកម្លាំងសណ្ដាប់ធ្នាប់ សហការជាមួយ មន្ទីរសាធារណការ និងដឹកជញ្ជូន រាជធានីភ្នំពេញ ចុះបាញ់លាង សម្អាតផ្លូវ២៨៣ ព្រមទាំង បានចុះពិនិត្យ និងជួសជុលជង្ហុកសំបុកមាន់ តាមបណ្ដោយផ្លូវនេះ ដើម្បីបញ្ចៀសគ្រោះថ្នាក់ ជាយថាហេតុ ក្នុងការធ្វើ ដំណើររបស់ បងប្អូនប្រជាពលរដ្ឋ។
ឆ្លៀតក្នុងឱកាសនេះ លោកអភិបាលខណ្ឌ បានបន្តពិនិត្យមើល ការស្ដារប្រឡាយ អមផ្លូវ២៨៣ ដើម្បីរំដោះការជន់លិចផ្លូវនេះ៕/V-PC
