​ដោយ​៖ សុវណ្ណ​កុម្ភៈ / ភ្នំពេញ​៖ ព្រឹត្តិ​ការប្រកួត​កីឡា​ឧ​ត្ត​មសិ​ក្សា និង​មធ្យមសិក្សា​ថ្នាក់ជាតិ ឆ្នាំ​២០២២ លើ​ប្រភេទ​កីឡា​តេ​ក្វាន់​ដូ ITF (International Taekwondo Federation) ដែលជា​​ប្រភេទ​តេ​ក្វាន់​ដូ របស់​ប្រទេស​កូរ៉េខាងជើង​នោះ បានបញ្ចប់​ការប្រកួត នា​ល្ងាច​ថ្ងៃទី​២៨ មិថុនា ម្សិលមិញ​នេះហើយ​។​

​លោក អ៊ុក ឌី​ម៉​ង់ អគ្គនាយករង នៃ​អគ្គនាយកដ្ឋាន​កីឡា និង​លោក ផាន់ វណ្ណរ័ត្ន អនុប្រធាន​សហព័ន្ធ​កីឡា​តេ​ក្វាន់​ដូ ITF បាន​អញ្ជើញ​ចូលរួម​បំពាក់​មេដាយ ក្នុង​ពិធី​បញ្ចប់​ការប្រកួត​នេះ ។​

​អគ្គលេខាធិការ សហព័ន្ធ​កីឡា​តេ​ក្វាន់​ដូ ITF លោក បួន​ហ៊ីង សុធី​យ៉ា បាន​និយាយថាៈ ” ចំពោះ​ការចូលរួម​ការប្រកួត​វិញ្ញាសា​កីឡា​តេ​ក្វាន់​ដូ ITF មាន​សាកលវិទ្យាល័យ និង​វិទ្យាស្ថាន ចំនួន ៧ ចូលរួម និង​មាន​កីឡាករ ៣៥ នាក់ កីឡាការិនី ២៦ នាក់ សរុប​ចំនួន ៦១ នាក់ ការប្រកួត ចែកជា​ពីរ ផ្នែក​ធំៗ មាន ១៣ វិញ្ញាសា ជារួម​មាន វិញ្ញាសា​មេគុន មាន​៤ ដោយ​ប្រកួត​តាម​រូបមន្ត​វិលជុំ និង​វិញ្ញាសា​ប្រយុទ្ធ មាន ៩ ប្រភេទ​ទម្ងន់ ដោយ​ប្រកួត​តាម រូបមន្ត​វិលជុំ សម្រាប់​ការប្រកួត​សរុប​ទាំង ១៣ វិញ្ញាសា ស្មើនឹង ១៣៣ ប្រកួត រីឯ​លទ្ធផល ខ្ញុំបាទ និង​ជម្រាបជូន នៅពេល​ចែក​ពាន និង​រង្វាន់ ដល់​ជ័យលាភី ” ។​

​អ្វីដែល​គួរ​ឲ្យ​កត់សម្គាល់​នោះ គឺ​ចៅក្រម អាជ្ញាកណ្តាល ដឹកនាំ​ការប្រកួត នៅលើ​ទីលាន មាន​តម្លាភាព និង​សុ​ក្រិ​ត្យ​ភាព អាច​ទទួលយកបាន និង​អាច​ធ្វើជា​ម្ចាស់ការ ក្នុងការ​ដឹកនាំ ការប្រកួត​កម្រិត​អន្តរជាតិ នាពេលខាងមុខ និង​ឆ្លងតាម​ការប្រកួត កីឡាករ កីឡាការិនី ខិតខំ​ប្រឹងប្រែង ប្រកួត​ដោយ​ឈរលើ​ស្មារតី​កីឡា និង​អនុវត្ត​បទបញ្ជា​ការប្រកួត ច្បាប់​ល្បែង បាន​ត្រឹមត្រូវ និង​មាន​ក្រមសីលធម៌​។ អ្វីដែល​នៅ​បន្ត​ឈ្មុសឈ្មុល​បន្តទៀត​នោះ គឺ​សហព័ន្ធ នៅ​ពុំទាន់​មាន​ឧបករណ៍​បច្ចេក ទេស​តាម​បទដ្ឋាន​អន្តរជាតិ (​ឧបករណ៍​អេឡិចត្រូនិក​) សម្ភារ ប្រកួត​របស់​កីឡាករ នៅមានកម្រិត និង​ទីលាន​តូចចង្អៀត​មិន​ស្របតាម​ស្តង់ដា​បច្ចេកទេស​។

​បន្ទាប់ពី​បញ្ចប់​ការប្រកួត​នេះ យើង​ពិនិត្យឃើញថា កីឡាករ​-​កីឡាការិនី​ជា​និស្សិត និង​សិស្ស​មធ្យមសិក្សា មាន​បច្ចេកទេស​ល្អ មាន​ទេពកោសល្យ និង​មាន​សមត្ថភាព មា​អន្តរជាតិ​នានា​បាន​។​

​លោក ផាន់ វណ្ណរ័ត្ន បាន​មានប្រសាសន៍ថាៈ សហព័ន្ធ​បានដាក់​ឲ្យ​ចូលរួម​ការប្រកួត​លើក​នេះ សុទ្ធសឹង​ជា​វិញ្ញាសា មាន​ប្រជា​ប្រី​យ​ភាព និង​មាន​សក្ដានុពល ដើម្បី​សំលាង និង​ដុសខាត់ សមត្ថភាព​កីឡាករ កីឡាការិនី ក៏ដូចជា ដើម្បី​ពង្រឹង​ការអភិវឌ្ឍ​សមត្ថភាព​របស់​ចៅក្រម អាជ្ញាកណ្តាល និង​មន្ត្រី​បច្ចេកទេស ដើម្បី​រៀបចំ​ការប្រកួត​កីឡា SEA GAMES លើក​ទី​៣២ ដែល​កម្ពុជា ធ្វើជា​ម្ចាស់ផ្ទះ ។

​ការផ្តល់​ឱកាស​ពី​ក្រសួង​អប់រំ យុវជន និង​កីឡា ជា​ឱកាស​សម្រាប់​ប្អូនៗ ជា​កីឡាករ -​កីឡាការិនី ជា​និស្សិត និង​សិស្ស​មធ្យម​បច្ចេកទេស បាន​វាស់​ស្ទង់​កម្រិត​បច្ចេកទេស និង​ការអនុវត្ត​ជាក់ស្តែង នៅលើ​ទីលាន ដូច្នេះ​តាម​ការប្រកួត​នេះ ធ្វើ​កីឡាករ​-​កីឡាការិនី និង​ទទួលបាន​បទពិសោធន៍​ថ្មីៗ បន្ថែមទៀត​៕/V​