​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ វិស្វករ​នៅ​ពីក្រោយ​ផ្លូវ​ទាំងនេះ​ជឿ​លើ​ពាក្យបុរាណ​ពោលថា “​បើ​មាន​នរណា​ម្នាក់​ធ្វើ​គុណ​មក​លើ​អ្នក អ្នក​សមតែ​តបស្នង​ដល់​គេ​វិញ​”​។​

​ផ្លូវ​បុរាណ​ប៉ាន​ឡុង (Panlong) ដែល​ទើប​សាងសង់​ថ្មីៗ​នេះ នៅ​ភាគ​ខាងលិច​ប្រទេស​ចិន មាន​ចំណុច​កោង​ជាង ២០០ ដែល​វា​បាន​ក្លាយជា​កន្លែង​ទាក់ទាញ​ទេសចរណ៍​យ៉ាង​ឆាប់រហ័ស​។​

​ផ្លូវ​អស្ចារ្យ​សម្រាប់​ថតរូប​នេះ​មាន​ចំណុច​បត់​កោង​ចុះឡើងៗ​ជា​ច្រើនតង់​មុននឹង​ឈាន​ដល់​កំពូល​ភ្នំ​ដែល​គ្រប​ដោយ​ព្រិល​។ វា​ជា​ឋានសួគ៌​សម្រាប់​អ្នក​ចូលចិត្ត​បើកបរ និង​ជា​ឋាននរក​សម្រាប់​អ្នកពុល​ឡាន​។​

​មើល​ពី​លើ​មេឃ ផ្លូវ​នេះ​មាន​រាង​ដូច​នាគរាជ បង្កើតបាន​ជា​ឈ្មោះ​របស់​វា​។ ប៉ាន​ឡុង (Panlong) គឺជា​នាគ​ក្នុង​ទឹក​ក្នុង​ទេវ​កថា​ចិន​។​

​ផ្លូវ​ប្រវែង ៧៥ គីឡូម៉ែត្រ ដែល​អ្នកស្រុក​ដាក់​មាន​រហស្សនាម​ថា ផ្លូវ​ខ្ពង់រាប​មេ​ឃា គឺ​ស្ថិតនៅក្នុង​តំបន់​ស្វយ័ត​ថា​ក់ក័រ​ហ្គាន​តាជីក (Taxkorgan Tajik) ខេត្ត​ស៊ីន​ជាំ​ង​។​

​គោលបំណង​ដើម​របស់​វា​គឺ​ផ្តល់​ផ្លូវ​ឆ្លងកាត់​តាម​ជួរ​ភ្នំ​ឃុន​លុន (Kunlun) សម្រាប់​កសិករ និង​អ្នក​ចិញ្ចឹមសត្វ​ក្នុង​តំបន់​។​

​ចាប់តាំងពី​វា​បាន​បើក​ដំណើរការ​ក្នុង​ឆ្នាំ​២០១៩​មក ផ្លូវ​នេះ​ត្រូវ​បាន​ចែករំលែក​ដោយ​អ្នកលេង YouTube, Instagram និង​អ្នកបញ្ជា​ដ្រូ​ន ដែល​អន្ទះអន្ទែង​ចង់​ថត​សម្រស់​មិន​គួរឱ្យ​ជឿ​របស់​វា​។

​ផ្លូវ​នេះ​មាន​កម្ពស់​រហូតដល់ ៤.២០០ ម៉ែត្រ ហើយ​មាន​មនុស្ស​រាប់រយ​នាក់​បាន​បង្ហោះ​ការវាយតម្លៃ​អំពី​ការធ្វើដំណើរ​របស់​ពួកគេ​នៅ​តាម​ដងផ្លូវ​នេះ ដោយ​ពណ៌នា​ការធ្វើដំណើរ​របស់​ពួកគេ​ថា​ជា “​ការ​ប្រឈម​ពោរពេញ​ដោយ​ភាព​រំភើប​” “​មិន​អាច​ប្រៀបផ្ទឹម​បាន​” និង “​ស្រស់​ស្អាត​ខ្លាំងណាស់​”៕

ផ្លូវ​បុរាណ​បាន​ឡុង​ល្អ​សម្រាប់​អ្នក​ចូលចិត្ត​បើកបរ តែ​អាក្រក់​សម្រាប់​អ្នកពុល​ឡាន​ព្រោះ​វា​មាន​ចំណុច​បត់​កោង​រហូតដល់​ទៅ​ជាង ២០០