ដោយៈ​មុនី​រ័​ត្នៈ​ភ្នំពេញៈ សមត្ថកិច្ច​បាន​ចាប់ខ្លួន​អ្នកលេង​បណ្តាញ​សង្គម​ម្នាក់​ដែល​បាន​បង្ហោះ​ព័ត៌មាន​ក្លែងក្លាយ​នៅលើ Tik Tok ថា មាន​អ្នកស្លាប់​ដោយសារ​ជំងឺ​កូ​វីដ​១៩ នៅ​ខេត្តកោះកុង​។

​ការចាប់ខ្លួន​នេះ បានធ្វើ​ឡើង​នៅ​ព្រឹក​ថ្ងៃទី​១ ខែកក្កដា ឆ្នាំ​២០២២ បន្ទាប់ពី​ចាប់ខ្លួន​សមត្ថកិច្ច​ខេត្ត​ត្បូងឃ្មុំ​បាន​បញ្ជូន​ខ្លួន​មក​អគ្គស្នងការដ្ឋាន​ន​គ​របាល​ជាតិ ដើម្បី​ចាត់វិធានការ​តាមច្បាប់​។ ជនសង្ស័យ​ឈ្មោះ ហ៊ៅ អ៊ូ​ខុង នៅ​ភូមិ​ជើង​អង ខេត្ត​ត្បូងឃ្មុំ​។​

​ថ្លែង​ពី​ខេត្តបន្ទាយមានជ័យ ក្នុង​ពិធី​អបអរសាទរ​ទិវា​មច្ឆជាតិ ១​កក្កដា ឆ្នាំ​២០២២ សម្ដេច​តេ​ជោ ហ៊ុន សែន នាយករដ្ឋមន្ត្រី នៃ​កម្ពុជា បានប្រកាស​ពី​ការចាប់ខ្លួន​បុរស​ម្នា​ក់មាន​TikTok ឈ្មោះ «​ហ៊ៅ អ៊ូ​ខុង​» ដែល​ផ្សព្វផ្សាយ​បំពុល​ព័ត៌មាន​ថា មាន​ករណី​ស្លាប់​ដោយ​ជំងឺ​កូ​វីដ​-១៩ នៅ​ខេត្តកោះកុង​។

​សម្តេច​តេ​ជោ ហ៊ុន សែន ព្រមាន​ថា «​ផ្សាយ​បំផុស​ខុស​ការពិត​មួយ ចាប់ខ្លួន​មួយ ដោយ​គ្មាន​ការលើកលែង​ឡើយ ….! បញ្ហា​កូ​វីដ​-១៩​មិនមែនជា​បញ្ហា​គួរ​យកមក​លេងសើច ហើយ​ការផ្សាយ​ខុសពី​ការពិត​ក៏​មិនមែនជា​ការបញ្ចេញមតិ​ដែរ »​៕.mara