​ដោយៈ ភ្នំ​ស្វាយ / បន្ទាយ​មាន​ជ័​យៈ នៅ​ខេត្តបន្ទាយមានជ័យ ការចាក់​វ៉ាក់សាំង​ដូ​ស​ទី​៥ មាន​ល្បឿន​យឺត នៅពេល​គ្រូពេទ្យ​ស៊ីវិល និង​យោធា ចាប់ផ្តើម​។ តែ​ពេលនេះ​ហាក់​មាន​សន្ទុះ ឡើងវិញ នៅពេល​កម្ពុជា ចាប់ផ្តើម​រកឃើញ​អ្នក​ឆ្លង​ជំងឺ​កូ​វីដ ១៩ ដែលជា​ករណី​សហគមន៍ ជាថ្មី​ហើយ​ប្រមុខ​រាជរដ្ឋាភិបាល ប្រកាស​ឱ្យ​បង្កើន ការប្រុងប្រយ័ត្ន​នឹង​ការឆ្លង​រាលដាល ជាថ្មី​។ ខណ​:​នេះដែ រដ្ឋបាលខេត្ត ក៏​ប្រកាសថា គ្រូពេទ្យ ក៏​បន្ត​ចាក់​ដូ​ស​ទី​៣ , ៤ , ៥ ដល់​កុមារ​អាយុ ៣ ឆ្នាំ ដល់​អាយុ​ក្រោម ១២ ឆ្នាំ​ផងដែរ ។​

​នេះ​បើតាម​អ្នកស្រី ឆាន់ ច័ន្ទ​សោភ័ណ អនុប្រធាន​មន្ទីរ​សុខាភិបាល ខេត្តបន្ទាយមានជ័យ បាន​ប្រា​ប់ក​កាសែត​រស្មី​កម្ពុជា នៅ​ថ្ងៃទី​១ ខែកក្កដា ឆ្នាំ​២០២២ ។​

​លោកស្រី បានឱ្យដឹងថាៈ ការចាក់​វ៉ាក់សាំង​ដូ​ស​ទី​៥ ប្រើ​វ៉ាក់សាំង​ផលិតផល​សហរដ្ឋអាមេរិក (Pfizer) ដែល​ដំណើរការ ពីថ្ងៃ​ទី​៩ ខែមិថុនា មកទល់​ថ្ងៃនេះ បាន​ចំនួន ១៨.២៧៩ នាក់ ស្មើនឹង ២១,៦៥% គឺ​បាន​តិច យឺត​ជាង​ការរំពឹងទុក ។​

​ចំណែក ការចាក់​វ៉ាក់សាំង ជាទូទៅ កន្លងមក គឺ​ដូ​ស​ទី​១ (​កុមារ​ចាប់ពី​អាយុ ៣ ឆ្នាំ​ឡើង និង​មនុស្ស​ធំ​) បាន​ចំនួន ៦៨២.៩១០ នាក់ ស្មើនឹង ១០០,៥២% និង​ដូ​ស​ទី​២ បាន​ចំនួន ៤២៧.២៩៣ នាក់ ស្មើនឹង ៧៣,៩៦% ។​

​លោកស្រី បាន​បន្តថាៈ ចំពោះមុខ​នេះ រដ្ឋបាលខេត្ត​បន្ទាយមានជ័យ បាន​ជូនដំណឹង​ស្តីពី ការចាក់​វ៉ាក់សាំង​បង្ការ​ជំងឺ​កូ​វីដ ១៩ ដូ​ស​ទី​៣ ជូន​ដល់​កុមារ​ដែលមាន​អាយុ ៣​ឆ្នាំ ដល់​ក្រោម ៦​ឆ្នាំ និង​ដូ​ស​ទី​៤ ជូន​ដល់​កុមារ អាយុ​៦​ឆ្នាំ ដល់​ក្រោម ១២​ឆ្នាំ និង​ដូ​ស​ទី​៥ ដល់​កុមារ ១២ ឆ្នាំ​ឡើង​ផងដែរ នៅតាម​មណ្ឌល​សុខភាព ទាំង ៦៨ កន្លែង ទៅគ្រប់​ឃុំ សង្កាត់ ទាំង ៦៧ នៃ ៩ ស្រុក ក្រុង តាម​កាលបរិច្ឆេទ ពីថ្ងៃ​ទី​៦ ខែកក្កដា ឆ្នាំ​២០២២ តទៅ តាម​កម្មវិធី​ម៉ោង ដែល​បានកំណត់ នៅក្នុង​សេចក្ដីជូនដំណឹង ៕/V​