ដោយៈ អង្គា​រ៍​ហេង / ភ្នំពេញៈ បុរស​ម្នាក់ រួម​ដំណើរ​ជាមួយ​បុរស​ម្នាក់ទៀត បាន​ជិះ​ម៉ូតូ​បើក​វ៉ា ជែង​រថយន្ត​ដឹក​ដី ផុត​ទៅហើយ តែ​ប៉ះ​ជាមួយ​ម៉ូតូ​មួយគ្រឿង​ទៀត បណ្ដាលឱ្យ​ដួល ក៏ត្រូវ​រថយន្ត​ដឹក​ដី កិន​ពីលើ​ម៉ូតូ អូស​ជាច្រើន​ម៉ែត្រ ធ្វើឱ្យ​ម៉ូតូ​ឆេះ​ខ្ទេច រីឯ​អ្នកបើក​ម៉ូតូ ស្លាប់ និង​អ្នករួមដំណើរ រងរបួស ។ ហេតុការណ៍​នេះ បង្កឱ្យមាន​ការភ្ញាក់ផ្អើល កាលពី​វេលា​ម៉ោង ៥ ព្រឹក ថ្ងៃទី​១ ខែកក្កដា ឆ្នាំ​២០២២ នៅត្រង់ចំណុច​ផ្លូវ​បេតុង កែង​ផ្លូវ​ថៃ​ហ្គ័​រ ក្នុងភូមិ​របោះ​អង្កាញ់​១ សង្កាត់​ព្រែក​ឯង ខណ្ឌ​ច្បារអំពៅ ។​

​សមត្ថកិច្ច បានឱ្យដឹងថាៈ ភាគី​ម៉ូតូ​ម៉ាក​ហុងដា ឌ្រី​ម សេ​១២៥ ពណ៌​ខ្មៅ ពាក់​ស្លាក​លេខ តាកែវ 1W-2090 បេ​ី​កដោយ​ឈ្មោះ ណុប វ៉ៃ អាយុ​២១​ឆ្នាំ (​ស្លាប់​នៅ​កន្លែង​កេ​ី​ត​ហេតុ​) ។ ចំណែក​អ្នករួមដំណើរ​ពីក្រោយ ឈ្មោះ ជា បញ្ញា អាយុ​១៨​ឆ្នាំ មុខរបរ កម្មករ (​រងរបួស​)​។ យុវជន​ទាំងពីរ​នាក់​នេះ មានមុខ​របរ កម្មករ និង​ស្នាក់នៅ​ភូមិ​តោ​ល ឃុំ​រវៀង ស្រុក​សំរោង ខេត្តតាកែវ​។​

​សមត្ថកិច្ច បាន​បន្តថាៈ ម៉ូតូ​ខាងលើ បេ​ី​កប​រលេ​ី​ផ្លូវ​ថៃ​ហ្គ័​រ ក្នុងទិសដៅ​ពី​ខាងលិច ទៅខាង​កេ​ី​ត លុះ​មកដល់​ត្រង់ចំណុច​កេ​ី​ត​ហេតុ ក៏បាន​បើក​វ៉ា​រថយន្ដ​ដឹក​ដី មិន​ស្គាល់​ម៉ាក និង​ស្លាក​លេខ ដោយ​បេ​ី​ក​វ៉ា​ផុត​បន្តិច ក៏បាន​បុក​ជាមួយ​ម៉ូតូ​១​គ្រឿង មិន​ស្គាល់​ម៉ាក​និង​ស្លាក​លេខ (​រត់គេច​បាត់​) បេ​ី​កប​រលេ​ី​ផ្លូវ​ថៃ​ហ្គ័​រ ក្នុងទិសដៅ​ពី​ខាង​កេ​ី តទៅ​ខាងលិច បណ្តាលឱ្យ​ដួល ហើយ​ត្រូវ​រថយន្ត​ដឹក​ដី មកពី​ក្រោយ បើក​កិន និង​អូស​ជាច្រើន​ម៉ែត្រ ធ្វើឱ្យ​ម៉ូតូ​មួយគ្រឿង ឆេះ​ខ្ទេច ឯម​នុស្ស ស្លាប់​ម្នាក់ និង​របួស​ម្នាក់ បន្ទាប់មក រថយន្ត​បង្ក​បាន​បើក​គេច​បាត់ មិន​នៅ​ឈប់​ទទួលខុសត្រូវ​ឡើយ ។​

​បច្ចុប្បន្ន សព​ត្រូវបាន​ប្រគល់ជូន ទៅ​ក្រុមគ្រួសារ ដេ​ី​ម្បី​ធ្វេ​ី​បុណ្យ តាម​ប្រពៃណី ។ ចំណែក​សម្ភារ​ខូចខាត ត្រូវ​យកមក​រក្សាទុក នៅ​អធិការដ្ឋាន​នគរបាល ខណ្ឌ​ច្បារអំពៅ រង់ចាំ​ដោះស្រាយ​បន្ត នាពេល​ក្រោយ ៕/V​