​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ បារាំង​បាន​រាយការណ៍​ករណី​ឆ្លង​មេរោគ​កូរ៉ូណា​ថ្មី​ជាង ១២៥.០០០ នាក់​កាលពី​ថ្ងៃ​សុក្រ​ទី​១​កក្កដា ដោយ​រុញ​ឱ្យ​មាន​ការឆ្លង​ជា​មធ្យម​រយៈពេល​ប្រាំពីរ​ថ្ងៃ​រហូតដល់ ៩៩.៣១៦ នាក់​រៀងរាល់ថ្ងៃ ដែល​ជា​កម្រិត​ខ្ពស់​បំផុត​ចាប់តាំងពី​ថ្ងៃទី ១៩ ខែ​មេសា​។​

​បន្ទាប់ពី​បាន​ធ្លាក់ចុះ​ពី​កម្រិត​ខ្ពស់​ជាង ១៤០.០០០ នាក់​ក្នុង​មួយ​ថ្ងៃ​នៅ​ដើម​ខែ​មេសា ការឆ្លង​ថ្មី​ប្រចាំ​ថ្ងៃ​ជា​មធ្យម​បាន​ធ្លាក់​ចុះ​មកក្រោម ១៨.០០០ នាក់​ក្នុង​មួយ​ថ្ងៃ​នៅ​ចុងខែ​ឧសភា​។​ប៉ុន្តែ​ជាមួយ​​នឹង​ការពាក់​ម៉ា​ស់លែង​ក្លាយ​ជា​កាតព្វកិច្ច​នៅ​កន្លែង​ភាគច្រើន លើកលែងតែ​ក្នុង​មន្ទីរពេទ្យ​និង​ការកើនឡើង​យ៉ាង​ខ្លាំង​នៃ​ការធ្វើដំណើរ​អន្តរជាតិ និន្នាការ​ឆ្លង​នេះ​បាន​កើតឡើង​ម្តងទៀត​នៅក្នុង​​ខែមិថុនា ហើយ​អាជ្ញាធរ​បាន​និយាយថា ប្រទេស​បារាំង​ឥឡូវនេះ​កំពុង​ស្ថិត​ក្នុង​រលក​ទី​ប្រាំពីរ​នៃ​ជំងឺ​រាតត្បាត​។​

​ចំនួន​អ្នកជំងឺ​កូ​វីដ​នៅក្នុង​បន្ទប់សង្គ្រោះបន្ទាន់​បាន​កើនឡើង​ពី ២៩ ទៅ ៩៦០ នាក់​កាលពី​ថ្ងៃ​សុក្រ ប៉ុន្តែ​នៅតែ​មាន​កម្រិត​ទាប​ជាង​កម្រិត​ជាង ៣.០០០ នាក់​ដែល​គេ​មើលឃើញ​នៅ​ដើមឆ្នាំ​នេះ​។​ចំនួន​​អ្នក​ស្លាប់​ដោយសារកូ​វីដ​ថ្មី​ជា​មធ្យម​គឺ​ស្ថិតក្នុង​ចំនួន​ថេរ​ប្រហែល ៤០ នាក់​ក្នុង​មួយថ្ងៃ សម្រាប់​រយៈពេល​ប្រហែល​បី​សប្តាហ៍​មក​នេះ​។​

​នាយករដ្ឋមន្ត្រី​បារាំង​លោកស្រី អេ​លីហ្សា​បេ​ត បន (Elisabeth Borne) នៅ​សប្តាហ៍​នេះ បាន​លើកទឹកចិត្ត​ឱ្យ​រក្សា​គម្លាត​សង្គម​និង​ស្នើ​ឱ្យ​ពលរដ្ឋ​ចាប់ផ្តើម​ពាក់​ម៉ាស់​ម្តងទៀត​នៅ​កន្លែង​ហ​ប់ៗ ជាពិសេស​នៅលើ​មធ្យោបាយ​ដឹកជញ្ជូន​សាធារណៈ ប៉ុន្តែ​មិន​បាន​និយាយ​អំពី​ការពាក់​ម៉ាស់​ជា​កាតព្វកិច្ច​ចាំបាច់​ម្តងទៀត​នោះ​ទេ​។​

​គួរ​រំលឹក​ដែរ​ថា ការពាក់​ម៉ាស់​នី​បារាំង​គឺជា​កាតព្វកិច្ច​នៅ​លើ​មធ្យោបាយ​ដឹកជញ្ជូន​សាធារណៈ​រហូត​ដល់​ពាក់​កណ្តាល​ខែឧសភា​៕

​នាយករដ្ឋមន្ត្រី​បារាំង​លោកស្រី អេ​លីហ្សា​បេ​ត បន លើកទឹកចិត្ត​ឱ្យ​រក្សា​គម្លាត​សង្គម​និង​ស្នើ​ឱ្យ​ពលរដ្ឋ​ចាប់ផ្តើម​ពាក់​ម៉ាស់​ម្តងទៀត​នៅ​កន្លែង​ហប់ៗ​