ដោយៈ មុនី​រ័ត្ន / ភ្នំពេញៈ នៅក្នុង​ការបង្ក្រាប រយៈពេល ៦​ខែ នៃឆ្នាំ​២០២២ នេះ សមត្ថកិច្ច​ជំនាញ បាន​ឃាត់ខ្លួន​មនុស្ស​ជាង ៧​ពាន់​នាក់ ក្នុងនោះ ជនបរទេស​ជិត ១០០​នាក់ ដកហូត​សារធាតុ​ញៀន គ្រប់​ប្រភេទ​ជាង ៣​តោន និង​ឃាត់ទុក​ទ្រព្យសម្បត្តិ ចំនួន ១១​កន្លែង រួមទាំង​កាំភ្លើង​វែង​-​ខ្លី ជិត ៤០​ដើម និង​វត្ថុតាង​ជាច្រើន​ផ្សេងទៀត ។​

​បើ​យោងតាម​របាយការណ៍រ​បស់ គណៈកម្មការ​ទី​៣ នៃ​យុទ្ធនា​ការប្រឆាំង​គ្រឿងញៀន ខុសច្បាប់ ដែល​រស្មី​កម្ពុជា​ទទួលបាន នៅ​ថ្ងៃទី​២ ខែកក្កដា នេះ បាន​ឲ្យ​ដឹងថាៈ លទ្ធផល​អនុវត្តន៍​ច្បាប់ ពីថ្ងៃ​ទី​១ ខែមករា ដល់​ថ្ងៃទី​១ ខែកក្កដា ឆ្នាំ​២០២២ សមត្ថកិច្ច​ជំនាញ បង្ក្រាបបាន ៣.២២៣ ករណី ឃាត់ខ្លួន​មនុស្ស ៧.៦៩០ នាក់ (​ស្រី ៤៦៥ នាក់​) ក្នុងនោះ​មាន ជនបរទេស​ចំនួន ៩៩​នាក់ មាន ៨ សញ្ជាតិ​។ ករណី​ជួញដូរ ១.៥៦១ ករណី ឃាត់ ៣.១៩៧ នាក់ (​ស្រី ២៤១​នាក់​)​។ ករណី​ដឹកជញ្ជូន រក្សាទុក ៤៦៥ ករណី ឃាត់ ៧៥៨ នាក់ (​ស្រី ៤៩​នាក់​)​។ ករណី​ផលិត កែច្នៃ ៦ ករណី ឃាត់ ៨​នាក់ (​ស្រី 0 នាក់​) ។ ករណី​ចាត់ចែង សម្រួល ២​ករណី ឃាត់ ៤​នាក់ (​ស្រី 0​នាក់​) និង​ដាំ​ដុះ ១១ ករណី ឃាត់ ២​នាក់ (​ស្រី 0​នាក់​)​។ បើកបរ​ក្រោម​ឥទ្ធិពល ២៦ ករណី ឃាត់ ២៧ នាក់ (​ស្រី 0​នាក់​)​។ ប្រើប្រាស់ ១.១៥២ ករណី ឃាត់ ៣.៦៩៤ នាក់ (​ស្រី ១៧៥​នាក់​)​។ អនុវត្ដ​ន៍​ដីកា ២១១ ដីកា ចាប់ ១៨៥​នាក់ (​ស្រី ៤​នាក់​)​។​

​របាយការណ៍​ដដែល បានបញ្ជាក់​ថាៈ សមត្ថកិច្ច​ជំនាញ បាន​ដកហូត​សារធាតុ​ញៀន គ្រប់​ប្រភេទ ចំនួន ៣​តោន ១២២ កី​ឡូ​ក្រាម ៣៦៧,៦៨ ក្រាម​, កញ្ឆា ១៥.៥២៧ ដើម​, កញ្ឆា​ស្ងួត ៣២​គីឡូក្រាម ៤៤១,១៣​ក្រាម​, សារធាតុ​ផ្សំ​គីមី ១៨៥​តោន ១៦៨,២៦​គីឡូក្រាម​។ សម្ភារៈ​ចាប់យក​មាន រថយន្ត ៦៧​គ្រឿង​, ម៉ូតូ ៦៨៦​គ្រឿង​, ទូរស័ព្ទ ២.៦៥៣​គ្រឿង​, ជញ្ជីង ១៨៩​គ្រឿង​, អាវុធខ្លី ១៦​ដើម និង​អាវុធ​វែង ២៣​ដើម​។ លុយ​ខ្មែរ ២៣.៣១៩.២០០ រៀល​, លុយ​អាមេរិក ៤៥.៩០៣ ដុល្លារ​, លុយ​ថៃ ៣៧.០៤០ បាត និង​លុយ​ចិន ៧០០ យាន់​។ សម្អាត​ប្រាក់ ៤​ករណី ឃាត់ ៣​នាក់ (​ស្រី ១​នាក់​)​។ ឃាត់ទុក​ទ្រព្យសម្បត្តិ ១១​កន្លែង (​ខុន​ដូ ៤​បន្ទប់​, ដីឡូត៍ ៤​កន្លែង​, ផ្ទះ​និង​ដី ៣​កន្លែង​)៕/V


​រូប​ថ​តៈ មន្ទីរ​ប្រឆាំង​គ្រឿងញៀន​