​ដោយៈ ប​.​ខុន / ភ្នំពេញៈ អនុវត្តតាម​បទបញ្ជា​ដ៏​ខ្ពង់ខ្ពស់​របស់​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី ក្នុងឱកាស​ទិវា​មច្ឆជាតិ កាលពី​ថ្ងៃទី​១ ខែកក្កដា ឆ្នាំ​២០២២ នៅ​អាង​ត្រពាំងថ្ម ក្នុង​ឃុំ​ប៉ោយចារ ស្រុក​ភ្នំស្រុក ខេត្តបន្ទាយមានជ័យ នៅ​ព្រឹក​ថ្ងៃអាទិត្យ ទី​៣ ខែកក្កដា ឆ្នាំ​២០២២​នេះ លោក លឹម គានហោ រដ្ឋមន្ត្រីក្រសួង​ធនធានទឹក និង​ឧតុនិយម បានចាប់ផ្តើម​បើក​ការដ្ឋាន​ចាក់​ក្រាល​កៅស៊ូ​ផ្លូវ លើ​ខ្នង​ទំនប់​អាងទឹក​ត្រពាំងថ្ម ដែលមាន​ប្រវែង សរុប ២១ គីឡូម៉ែត្រ ពី​ចំណុច​ទីតាំង​ព្រំប្រទល់​ឃុំ​ពន្លៃ ដល់​ព្រំប្រទល់​ឃុំ​ណាំតៅ ស្រុក​ភ្នំស្រុក​។​

​គ្រឿងចក្រ​ដែល​ក្រសួង បាន​ប្រើប្រាស់​នៅ​ការដ្ឋាន​នេះ មាន​ចំនួន ៣៧ គ្រឿង រួមមាន នី​វី​ល័​រ ៣​គ្រឿង រ៉ូឡូ​៦​គ្រឿង អេ​ច​ស្កា​វ៉ា​ទ័​រ​១៥​គ្រឿង រថយន្ត​បែន​១០​គ្រឿង ឡានទឹក​៣​គ្រឿង​៕/V​