ដោយ​: អង្គា​រ៍​ហេង / ភ្នំពេញ​: យុវជន​ម្នាក់​បាន​រងរបួស​យ៉ាងធ្ងន់ធ្ងរ ដោយសារ​ក្រុម​ជនដៃដល់​មាន​គ្នា​៤​នាក់ ប្រើ​កាំបិត​បុ័ងតោ និង​ចបកាប់​ព្រួត​គ្នា​កាប់​។ ហេតុការណ៍​នេះ បាន​កើតឡើង​កាលពី​វេលា​ម៉ោង​ជិត​១១​យប់​ថ្ងៃទី​២​កក្កដា​ឆ្នាំ​២០២២ នៅ​ចុំ​ណុ​ច​បន្ទប់​ជួល​ក្នុង​ក្រុមទី​២ ភូមិ​បឹង​ឈូក សង្កាត់​គីឡូម៉ែត្រ​លេខ​៦ ខណ្ឌឫស្សីកែវ រាជធានី​ភ្នំពេញ​។

​ជនសង្ស័យ​ទាំង​៤​នាក់ ត្រូវបាន​កម្លាំង​នគរបាល​ខណ្ឌ​និង​ប៉ុស្តិ៍​ឃាត់ខ្លួន​ភ្លាមៗ​ផងដែរ​។

​ជនរងគ្រោះ​ឈ្មោះ ថន រតនៈ ភេទ​ប្រុស អាយុ​១៧​ឆ្នាំ ជនជាតិខ្មែរ មុខរបរ​លក់​សាច់គោ ស្នាក់នៅ​បន្ទប់​ជួល​ក្បែរ​កន្លែងកើតហេតុ រងរបួស​ក្បាល​និង​ដៃ​ធ្ងន់ ត្រូវ​ក្រុមគ្រួសារ​បញ្ជូនទៅ​សង្គ្រោះ​នៅ​មន្ទីរពេទ្យ​កាល់ម៉ែ​ត្រ​។ ចំណែក​បុរស​ជនសង្ស័យ​ទាំង​៤​នាក់ ទី​១- ឈ្មោះ​អឿ ភា​លី អាយុ​៣០​ឆ្នាំ ។ ទី​២-​ឈ្មោះ ផល រ៉ា អាយុ​២៧​ឆ្នាំ​។ ទី​៣-​ឈ្មោះ​នី ស៊ី​ម៉េង អាយុ​២០​ឆ្នាំ​។ ទី​៤-​ឈ្មោះ​ស្រ៊ុន ម៉េង​ស្រួ អាយុ​១៦​ឆ្នាំ​។ ជនសង្ស័យ​ទាំង​៤​នាក់ មាន​មុខរបរ​កម្មក​រ​សំណង់ ស្នាក់នៅ​បន្ទប់​ជួល​កន្លែង​កេ​ត​ហេតុ​។​

​លោក​វរសេនីយ៍ឯក ហ៊ាង ថា​រ៉េត អធិការនគរបាល​ខ​ណ្ឌ​ឫស្សីកែវ​បានឱ្យដឹងថា បច្ចុប្បន្ន​ជនសង្ស័យ​ទាំង​៤​នាក់ រួមទាំង​វត្ថុតាង​ដកហូត​បាន ត្រូវ​មន្ត្រី​ជំនាញ​អធិការដ្ឋាន​កសាង​សំណុំរឿង​បញ្ជូនទៅ​ស្នងការដ្ឋាន​តាម​នីតិវិធី​ច្បាប់​៕​