​ប្រែ​សម្រួលៈ​បំណង​(​ដេល្លី​ម៉េល​)៖​យ៉ាងហោច​ណាស់​មនុស្ស​បី​នាក់​បាន​ស្លាប់​និង​ផ្ទះ​រាប់សិប​រង​ការខូចខាត​ដោយ​ការផ្ទុះ​ជាច្រើន​នៅក្នុង​ទីក្រុង​បែ​ល​ហ្គោ​រ៉ូត​(Belgorod)​របស់​រុស្ស៊ី​នៅក្បែរ​ព្រំដែន​​អ៊ុ​យក្រែន នៅពេល​កងកម្លាំង​អ៊ុយ​ក្រែន​វាយប្រហារ​មូលដ្ឋានយោ​ធារុ​ស្ស៊ី​មួយ​នៅក្នុង​ប្រទេស​អ៊ុយ​ក្រែន​ខាងត្បូង​ដែល​រុស្ស៊ី​កំពុង​កាន់កាប់​។​

​ទីក្រុង​បែ​ល​ហ្គោ​រ៉ូតដែ​លមាន​មនុស្សជិត​៤​សែន​នាក់​រស់នៅ​និង​នៅ​ចម្ងាយ​៤០​គីឡូម៉ែត្រ​ពី​ព្រំដែន​អ៊ុយ​ក្រែន​រង​ការផ្ទុះ​ខ្លាំង​ជាច្រើន​នៅ​ព្រឹក​ថ្ងៃអាទិត្យ​

​អភិបាលក្រុង​បែ​ល​ហ្គោ​រ៉ូ​តលោក វ្យ៉ា​ឆេ​ស្លាវ ក្លាត​កូវ​(Vyacheslav Gladkov)​នៅ​ព្រឹក​ថ្ងៃអាទិត្យ​បាន​រាយការណ៍​អំពីការ​ផ្ទុះ​មួយចំនួន​នៅក្នុង​ទីក្រុង​ដែល​នៅ​ចម្ងាយ​ប្រមាណ​៤០​គីឡូម៉ែត្រ​​ពី​ព្រំដែន​អ៊ុ​យក្រែន​។​អាគារ​ផ្ទះល្វែង​យ៉ាងតិច​១១​និង​ផ្ទះ​ចំនួន​៣៩​បាន​រង​ការខូចខាត​។​

​ក្នុងពេល​ជាមួយគ្នា​សមាជិក​សភា​រុស្ស៊ី​ជាន់ខ្ពស់​ម្នាក់​បាន​ចោទប្រកាន់​អ៊ុយ​ក្រែនថា​បាញ់ផ្លោង​ដាក់​ទី​ក្រុង​បែ​ល​ហ្គោ​រ៉ូត និង​ស្នើ​ការឆ្លើយតប​ខ្លាំងក្លា​។​

​សូមបញ្ជាក់​ថា រដ្ឋាភិបាល​ទីក្រុង​មូ​ស្គូ​បាន​ចោទប្រកាន់អ៊ុ​យក្រែ​ន​ចំពោះ​ការវាយប្រហា​រជា​ច្រើន​លើក​លើ​ទីក្រុង​បែ​ល​ហ្គោ​រ៉ូត​និង​នៅ​តំបន់​ដទៃ​ទៀត​នៅ​ជាប់​ព្រំដែន​អ៊ុយ​ក្រែន​ចាប់តាំងពី​ពេល​ខ្លួន​បើក​​ប្រតិបត្តិការ​ពិសេស​ចូល​អ៊ុយ​ក្រែន​មក​។​អ៊ុយ​ក្រែន​មិន​បាន​ប្រកាស​ទទួល​ខុស​ត្រូវទេ តែ​បាន​ពណ៌​នាវា​ជា​ផល​ត្រឡប់​ឬ​«​កម្ម​»​ចំពោះ​ការវាយប្រហារ​របស់​រុស្ស៊ី​លើប្រជាជនអ៊ុយក្រែន។

​នៅ​មិនទាន់​មាន​ការអះអាង​យ៉ាង​ណា​ពី​អ៊ុយ​ក្រែន​នៅឡើយ​ទេ​ចំពោះ​ឧបទ្ទវហេតុ​នៅ​បែ​ល​ហ្គោ​រ៉ូត​នេះ និង​ទីភ្នាក់ងារសារព័ត៌មាន​បរទេស​ក៏​មិន​អាច​បញ្ជាក់​ពី​រុស្ស៊ី​បានដែរ​។​

​ទោះជា​យ៉ាងណា នាយសេនាធិការ​កងទ័ព​អ៊ុ​យក្រែន បាន​និយាយ​ថា​កងកម្លាំង​អាកាស​របស់ខ្លួន​បាន​បញ្ជូន​ចេញ​យន្តហោះ​ប្រមាណ​១៥​ជើង​ចូល​ទៅ​កាន់​គោលដៅ​សត្រូវ ដោយ​បំផ្លាញ​គ្រឿង​បរិក្ខា​យោធា​​សត្រូវ​២០​កង​និង​ឃ្លាំង​គ្រាប់​ចំនួន​ពីរ​។​

​នៅក្នុង​ទីក្រុង​ម៉េ​លី​តូប៉ូល​(Melitopol)​របស់​អ៊ុយ​ក្រែន​ដែល​រុស្ស៊ី​កាន់កាប់ កងកម្លាំង​អ៊ុយ​ក្រែន​បាន​វាយប្រហារ​មូលដ្ឋា​ន​យោធា​មួយ​ជាមួយនឹង​ការបាញ់​ចូល​ជាង​៣០​គ្រាប់​។​

​សូមបញ្ជាក់​ថា រុស្ស៊ី​កំពុង​ផ្តោត​លើ​ការ​វាយ​បណ្តេញ​កងកម្លាំង​អ៊ុយ​ក្រែន​ចេញពី​ខេត្ត​លុន​ហា​ន់​ស​ខ៍​(Luhansk)​និង​ដុន​ណិ​ត​ស​ខ៍​(Donetsk) កន្លែង​ដែល​ពួក​ផ្តាច់​ទឹកដី​គាំទ្រ​ដោយ​រុស្ស៊ី​កំពុង​ប្រយុទ្ធ​​ទល់​នឹង​ទាហាន​អ៊ុយ​ក្រែន​ចាប់តាំងពី​អន្តរាគម​ន៍​យោធា​រុស្ស៊ី​ជួយ​ពួក​គេ​កាលពី​ថ្ងៃ​២៤​កុម្ភៈ​។​

​ទាហាន​អ៊ុយ​ក្រែន​នៅ​តាម​ខ្សែ​ខាងកើត​បាន​ពណ៌នា​ការបាញ់​ផ្លោង​ដោយ​កាំភ្លើង​ធំ​របស់​រុស្ស៊ី​មកលើ​ខ្លួន​និង​តំបន់​ប្រជាជន​រស់នៅ​ថា​ខ្លាំងក្លា ជាពិសេស​ជុំវិញ​និង​ក្នុង​ទីក្រុង​លី​ស៊ី​ចាន់​ស​ខ៍​(Lysychansk) ដែល​ជា​មូលដ្ឋាន​រឹងមាំ​ចុងក្រោយ​របស់​កងកម្លាំង​អ៊ុយ​ក្រែន​នៅ​ខេត្ត​លុន​ហាន់​ស​ខ៍​។​

​កងកម្លាំង​រុស្ស៊ី​ទើប​ចាប់​យក​ទីក្រុង ស៊ី​វី​រ៉ូ​ដូណិត​ស​ខ៍​(Sievierodonetsk)​នៅក្បែរ​ក្រុង​លី​ស៊ី​ចាន់​ស​ខ៍ ក្រោយ​ការឡោមព័ទ្ធ​បាញ់​ជ្រុំ​ដាក់ខ្លាំង​បំផុតអ​ស់រាប់​សប្តាហ៍​៕

ទីក្រុង ស៊ី​វី​រ៉ូ​ដូណិត​ស​ខ៍ ក្រោយការបាញ់ផ្លោងរបស់រុស្ស៊ីរាប់សប្តាហ៍