​ប្រែ​សម្រួលៈ​បំណង​(Xinhua)៖​ម៉ា​វ​ឡា​វី មែន​សួរ​(Mawlawi Mansoor) ប្រធាន​អាជ្ញាធរ​គ្រប់គ្រង​គ្រោះធម្មជាតិ​នៃ​ខេត្ត​ប៉ាក់​ទី​កា​(Paktika)​របស់​អា​ហ្វ​ហ្គានី​ស្ថាន កាលពី​ថ្ងៃ​សៅរ៍​បាន​អរគុណ​ចិន​​ចំពោះ​ការបញ្ជូន​ជំនួយ​មនុស្សធម៌​ដល់​ក្រុមគ្រួសារ​ដែល​រងគ្រោះ​ដោយ​រញ្ជួយ​ដី​។​

​លោក​មែន​សួរ បាន​ប្រាប់​ទីភ្នាក់ងារ​សារព័ត៌មាន​ចិន​ស៊ីនហួរ​ថា «​យើង​សូម​អរគុណ​ចិន​ចំពោះ​ការបញ្ជូន​ជំនួយ ជាពិសេស​ជម្រក​តង់​ដល់​ជនរងគ្រោះ​នៅ​ទីនេះ និង​ខ្ញុំ​សង្ឃឹម​ថា​ប្រទេស​ក្បែរ​មួយ​នេះ​អាច​​ជួយ​ស្ថាបនា​ផ្ទះ​ដែល​បាក់បែក​ឡើងវិញ​»​។​

​លោក​បាន​និយាយថា ក្រុម​របស់​លោក​បាន​ចែក​ជម្រក​តង់​ប្រមាណ​៣០០​ទៅ​អោយ​ជនរងគ្រោះ​នៅក្នុង​ស្រុក​បា​ម៉ាល់​(Barmal)​ក្នុង​ខេត្ត​ប៉ាក់​ទី​កា​កាលពី​ថ្ងៃ​សៅរ៍ ដែល​ជា​ផ្នែក​នៃ​ជំនួយ​តង់​និង​សម្លៀក​​បំពាក់​ចំនួន​៩២០​ដុំ​ធំ​ដែល​ចិន​ជួយ​។​

​ចិន​បាន​សន្យា​ជួយ​៥០​លាន​យ័ន​(៧,៥​លាន​ដុល្លា​)​ក្នុង​ជំនួយ​មនុស្សធម៌​គ្រាអាសន្ន​សំរាប់​ជនរងគ្រោះ​ដោយ​រញ្ជួយ​ដី​នៅ​អា​ហ្វ​ហ្គានី​ស្ថាន​។​

​ប្រទេស​មួយចំនួន​រួមមាន ចិន ឥណ្ឌា ប៉ា​គី​ស្ថាន តួ​ក​គី​និង​អ៊ុយ​បេគី​ស្ថាន សុទ្ធតែ​បាន​បញ្ជូន​ឬ ប្រកាស​ផ្តល់​ជំនួយ​ដល់​តំបន់​រងគ្រោះ​ដោយ​រញ្ជួយ​ដី​នៅក្នុង​ប្រទេស​ដ៏​ក្រីក្រ​នេះ​។​

​រញ្ជួយ​ដី​ដ៏​ហិនហោច​មួយ​កាលពី​ថ្ងៃ​២២​មិថុនា​បាន​វាយប្រហារ​អា​ហ្វ​ហ្គានី​ស្ថាន​ខាងកើត​ក្បែរ​ព្រំដែន​ប៉ា​គី​ស្ថាន ដែល​បណ្តា​អោយ​ស្លាប់​មនុស្ស​ជាង​១.០០០​នាក់​និង​ជាង​១.៥០០​នាក់​ទៀត​រងរបួស​នៅក្នុង​​ខេត្ត​ប៉ាក់​ទី​កា និង​ខេត្ត​ខូស​(Khost)៕

​រូបថត​កាលពី​ថ្ងៃ​២​កក្កដា ឆ្នាំ​២០២២ បង្ហាញ​បុរស​អា​ហ្វ​ហ្គានី​ស្ថាន កាន់​និង​លី ជំនួយ​របស់​ចិន​នៅក្នុង​ខេត្ត​ប៉ាក់​ទី​កា