​ប្រែ​សម្រួលៈ​បំណង​(ST)៖ ចំនួន​មនុស្ស​ស្លាប់​ពី​ការបា​ក់ដី​សង្កត់​ដ៏​ធំ​នៅ​ឥណ្ឌា​កើន​ដល់​៣៧​នាក់​កាលពី​ថ្ងៃអាទិត្យ​នៅ​ពេល​អ្នក​ជួយសង្គ្រោះ​ខិតខំ​ជម្នះ​នឹង​ការ​ធ្លាក់ភ្លៀង​ខ្លាំងព្រមទាំងការបាក់ដីថ្មី​ដើម្បី​ស្វែងរក​អ្នក​បាត់​​ខ្លួន​២៥​នាក់​ទៀត​ក្រោយ​ឧបទ្ទវហេតុ​បី​ថ្ងៃ​។​

​ជញ្ជាំង​ភក់​និង​ថ្ម​បាន​បាក់​គ្រប​លើក​ម្មករ​ផ្លូវ​ដែក​និង​ទាហាន​ព្រមទាំង​សមាជិក​គ្រួសារ​របស់​គេ​នៅក្នុង​រដ្ឋ​ម៉ា​នី​ពួរ​(Manipur)​នៅ​ឥណ្ឌា​ភាគ​ឦសាន​ក្រោយ​ការ​ធ្លាក់ភ្លៀង​ខ្លាំង​កាលពី​ថ្ងៃ​ព្រហស្បតិ៍​​សប្តាហ៍​មុន​។​

​ក្រុម​ជួយសង្គ្រោះ​បាន​រកឃើញ​អ្នក​នៅ​មាន​ជីវិត​ចំនួន​១៨​នាក់​ផង​ដែរ​ក្រោយ​ការបា​ក់ដី​បានប៉ុន្មាន​ម៉ោង​។​

​អ្នកនាំពាក្យ​កងទ័ព​បានអោយដឹង​កាលពី​ថ្ងៃអាទិត្យ​ថា មនុស្ស​២៨​នាក់​ទៀត​នៅ​បាត់​ខ្លួនមុន​អាជ្ញាធរ​បាន​ប្រកាស​រកឃើញ​សាកសព​មនុស្ស​បី​នាក់​ទៀត​។​លោក​បាន​និយាយថា ប្រតិបត្តិការ​​ស្វែងរក​ថ្ងៃទី​បួន​នៅតែ​បន្ត​ទោះជា​ស្ថានភាព​អាកាសធាតុ​អាក្រក់ ដោយសារ​ការ​ធ្លាក់ភ្លៀង​ខ្លាំង​និង​ការបា​ក់ដី​បន្ថែម​។​

​សូមបញ្ជាក់​ថា ភាគ​ឦសាន​ឥណ្ឌា​ដ៏​ដាច់ស្រយាល​មាន​ហេដ្ឋារចនាសម្ពន្ធ​ផ្លូវ​ដែក​និង​ផ្លូវថ្នល់ដ៏​អន់ តែ​ឥណ្ឌា​នៅ​ប៉ុន្មាន​ឆ្នាំ​ចុងក្រោយ​នេះ​ជំរុញ​គំរោង​ដ៏​មហិច្ឆតា​របស់​ខ្លួន​ដើម្បី​ប្រជែង​នឹង​ចិន​ដែល​សាងសង់​​ផ្លូវ​ខ្វាត់ខ្វែង​ក្បែរ​ព្រំដែន​។​តំបន់​ព្រៃភ្នំ​នេះ បាន​រង​ការធ្លាក់ភ្លៀង​ខ្លាំង​នៅ​ប៉ុន្មាន​សប្តាហ៍​មក​នេះ​ដោយ​បង្ក​ការបា​ក់ដី​និង​ទឹកជំនន់​។​

​ទាហាន​និង​សមាជិក​គ្រួសារ​របស់​គេ​មួយចំនួន​បាន​ស្លាប់​ក្នុង​គ្រោះថ្នាក់​បាក់​ដី​នៅ​ការដ្ឋាន​ផ្លូវដែក​នេះ ដោយសារ​ពួកគេ​ត្រូវ​ទៅ​ឈរជើង​ការពារ​កម្មក​រ​ផ្លូវដែក​ដោយ​សារ​តំបន់​នោះ​មាន​ឧទ្ទាម​កម្ម​ប្រ​​ឆាំង​រដ្ឋាភិបាលកណ្តាល​៕

​ប្រតិបត្តិ​ការស្វែងរក​ជនរងគ្រោះ​នៅ​បន្ត​ក្រោយ​ឧបទ្ទវហេតុ​បាក់​ដី​អស់​បួន​ថ្ងៃ​