ដោយៈមុនីរ័ត្ន/​ភ្នំពេញ៖ប្រសិនជាពុំមានអ្វីប្រែប្រួលទេរដ្ឋមន្ត្រី​ក្រសួងការបរទេស​កម្ពុជា និង​រដ្ឋមន្ត្រីការបរទេស​ឡាវ នឹង​អញ្ជើញ​ធ្វើជា​សហប្រធានដឹកនាំ​កិច្ចប្រជុំ​លើក​ទី​១៤ នៃ គណៈកម្មការ​ចម្រុះ​សម្រាប់​កិច្ចសហប្រតិបត្តិការ​ទ្វេភាគី (14th JCBC) កម្ពុជា និង​ឡាវ ដែល​នឹង​ប្រព្រឹត្តទៅ​នៅ​ថ្ងៃទី​០៧ ខែកក្កដា ឆ្នាំ​២០២២ ខាងមុខនេះ ដែល​កម្ពុជា​ធ្វើជា​ម្ចាស់ផ្ទះ​។


លោក ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស​និង​សហប្រតិបត្តិការ​អន្តរជាតិ​នៃ​ព្រះរាជាណាចក្រ​កម្ពុជាលោក សា​លើ​ម​សៃ គុំ​ម៉ា​ស៊ីត ឧបនាយករដ្ឋមន្ត្រី រដ្ឋមន្ត្រីការបរទេស​នៃ​សាធារណរដ្ឋ​ប្រជាធិបតេយ្យ​ប្រជាមានិត​ឡាវ(រូបថតឯកសារ)

កិច្ចប្រជុំ​នេះដើម្បី​ពិនិត្យឡើងវិញ​នូវ​វឌ្ឍនភាព ដែល​សម្រេចបាន​ស្របតាម​កំណត់ហេតុ​នៃ​កិច្ចប្រជុំ JCBC កាលពី​លើក​មុន និង​រិះរក​វិស័យ​នានា ដែលមាន​សក្តានុពលភាព សម្រាប់​កិច្ចសហប្រតិបត្តិការ​នា​ពេលអនាគត សំដៅ​បន្ត​ពង្រឹង និង​ជំរុញ​បន្ថែមទៀត​នូវ​កិច្ចសហប្រតិបត្តិការ​ដ៏​ជិតស្និទ្ធ និង​គ្រប់​ជ្រុងជ្រោយ​រវាង​ប្រទេស​ទាំងពីរ ដើម្បី​ផល ប្រយោជន៍​ទៅវិញទៅមក​សម្រាប់​ប្រជាជន​នៃ​ប្រទេស​ទាំងពីរ​។

​ក្រសួងការបរទេសបានប្រកាសឱ្យដឹងនៅថ្ងៃទី៤ខែកក្កដាឆ្នាំ២០២២នេះថា តប​តាម​ការអញ្ជើញ​របស់​លោក ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស​និង​សហប្រតិបត្តិការ​អន្តរជាតិ​នៃ​ព្រះរាជាណាចក្រ​កម្ពុជាលោក សា​លើ​ម​សៃ គុំ​ម៉ា​ស៊ីត ឧបនាយករដ្ឋមន្ត្រី រដ្ឋមន្ត្រីការបរទេស​នៃ​សាធារណរដ្ឋ​ប្រជាធិបតេយ្យ​ប្រជាមានិត​ឡាវ នឹង​អញ្ជើញ​ធ្វើជា​សហប្រធាន​ជាមួយ​លោក​ឧបនាយករដ្ឋមន្ត្រី ប្រាក់ សុខុន ដឹកនាំ​កិច្ចប្រជុំ​លើក​ទី​១៤ នៃ គណៈកម្មការ​ចម្រុះ​សម្រាប់​កិច្ចសហប្រតិបត្តិការ​ទ្វេភាគី (14th JCBC) កម្ពុជា និង​ឡាវ ដែល​នឹង​ប្រព្រឹត្តទៅ​នៅ​ថ្ងៃទី​០៧ ខែកក្កដានៅ​រាជធានី​ភ្នំពេញ​។

​ក្រសួងការបរទេស​បានបញ្ជាក់នៅក្នុងសេចក្តីប្រកាសព័ត៌មាន​ថា នៅមុន​កិច្ចប្រជុំ​កិច្ចប្រជុំ​គណៈកម្មការ​ចម្រុះ​លើក​ទី​១៤ លោក សា​លើ​ម​សៃ គុំ​ម៉ា​ស៊ីត នឹង អញ្ជើញ​ចូលជួប​សម្តែង​ការគួរសម​ចំពោះសម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រីនៃ​ព្រះរាជាណាចក្រ​កម្ពុជា​ផងដែរ។​

​ប្រភព​ដដែល​បាន​បន្តថា កិច្ចប្រជុំ​គណៈកម្មការ​ចម្រុះ​លើក​ទី​១៤ រវាង​កម្ពុជា និង​ឡាវ នឹង​ពិនិត្យឡើងវិញ​នូវ​វឌ្ឍនភាព ដែល​សម្រេចបាន​ស្របតាម​កំណត់ហេតុ​នៃ​កិច្ចប្រជុំ JCBC កាលពី​លើក​មុន និង​រិះរក​វិស័យ​នានា ដែលមាន​សក្តានុពលភាព សម្រាប់​កិច្ចសហប្រតិបត្តិការ​នា​ពេលអនាគត សំដៅ​បន្ត​ពង្រឹង និង​ជំរុញ​បន្ថែមទៀត​នូវ​កិច្ចសហប្រតិបត្តិការ​ដ៏​ជិតស្និទ្ធ និង​គ្រប់​ជ្រុងជ្រោយ​រវាង​ប្រទេស​ទាំងពីរ ដើម្បី​ផល ប្រយោជន៍​ទៅវិញទៅមក​សម្រាប់​ប្រជាជន​នៃ​ប្រទេស​ទាំងពីរ​។​

​នៅ​ចុងបញ្ចប់​នៃ​កិច្ចប្រជុំ​គណៈកម្មការ​ចម្រុះ​លើក​ទី​១៤ សហប្រធាន​ទាំងពីរ នឹង​ចុះហត្ថលេខា​លើ​កំណត់ហេតុ​នៃ​កិច្ចប្រជុំ​លើក​ទី​១៤ នៃ​គណៈកម្មការ​ចម្រុះ​សម្រាប់​កិច្ចសហប្រតិបត្តិការទ្វេភាគី​កម្ពុជា និង​ឡាវ​៕សរន​