​ប្រែ​សម្រួល : កញ្ញា​ដា​លី​ស (​ស្ត្រេ​ថែមស៍​) ៖ ពី​បាតសមុទ្រ​រហូត​ដល់​កំពូលភ្នំ មនុស្ស​បាន​ចោល​សំរាម​ប្លា​ស្ទិកតូចៗ​ពាសវាល​ពាសកាល​។​យើង​ថែមទាំង​បាន​ស្រូប​យក​មីក្រូ​ប្លា​ស្ទិក​ទាំងនេះ​ទៅ​ក្នុងខ្លួន​​ប្រាណ​របស់​យើង ជាមួយនឹង​ផលប៉ះពាល់​ច្រើន​រាប់​មិន​អស់​ទៀត​ផង​។​

​រូបភាព​នៃ​ការបំពុល​ប្លា​ស្ទិក​បាន​ក្លាយជា​រឿង​ធម្មតា​ទៅ​ហើយ ពោល​ដូចជា កន្ធាយ​ថប់ដង្ហើម​ដោយសារ​ក្បាល​ជាប់​ថង់​ជ័រ​ដាក់​អីវ៉ាន់ ដប​ទឹក​ទើរ​លើ​ឆ្នេរ​ខ្សាច់ ឬ​”​សំរាម​គរ​លើ​គ្នា​ក្លាយជា​មហា​​សមុទ្រ​សំរាម​”​។​

​ប្លា​ស្ទិក​រាប់​លាន​តោន ដែល​ផលិត​ភាគច្រើន​ពី​ឥន្ធនៈហ្វូស៊ីល​រៀងរាល់​ឆ្នាំ បាន​ហូរ​ចូលទៅ​ក្នុង​បរិស្ថាន ហើយ​ខូច​ទ្រង់ទ្រាយ​ក្លាយទៅជា​បំណែក​ជ័រ​តូចៗ​។​

​លោក​បណ្ឌិត ហ្សង់​ហ្វ្រង់​ស័ស ហ្គី​ក្លីញូញ (Jean-Francois Ghiglione) ជា​អ្នកស្រាវជ្រាវ​នៅ​មន្ទីរពិសោធន៍​មីក្រូ​ជីវសាស្ត្រ​មហាសមុទ្រ​ក្នុងប្រទេស​បារាំង​បាន​និយាយថា​”​កាលពី​១០​ឆ្នាំ​មុន​យើង​មិន​​ដែល​នឹកស្មានថា​អាច​មាន​មីក្រូ​ប្លា​ស្ទីកតូចៗ​មើល​មិន​ឃើញ​ដោយ​ភ្នែក​ទទេ​ច្រើន​ដល់​ម្លឹង​ទេ ហើយ​ពួក​វា​មាន​គ្រប់​ទី​កន្លែង​នៅ​ជុំវិញ​ខ្លួន​ពួក​យើង​។ ហើយ​យើង​មិនទាន់​ស្រមៃ​អំពី​ពួកវា​ស្ថិត​នៅក្នុង​ខ្លួន​មនុស្ស​ផង​ទេ​”​។​

​លោក​បណ្ឌិត​បាន​ហ្គី​លៀន​បាន​ប្រាប់​ទីភ្នាក់ងារ​សារព័ត៌មាន AFP​ថា ឥឡូវនេះ ការសិក្សា​តាម​បែប​វិទ្យាសាស្ត្រ​កំពុង​បង្កើន​ការរកឃើញ​មីក្រូ​ប្លា​ស្ទិកនៅ​ក្នុង​សរីរាង្គមួយ​ចំនួន​របស់​មនុស្ស រួមទាំង “​សួត លំពែង តម្រង​នោម និង​សូម្បី​សុក​”៕

មនុស្ស​ចោល​សំរាម​ពាសពេញ​ពិភពលោក​រាប់​ចាប់ពី​បាតសមុទ្រ​រហូត​ដល់​កំពូលភ្នំ​