​ប្រែ​សម្រួលៈ​បំណង​(CNA)៖ ប្រធានាធិបតី​សិង្ហ​បុរី​លោកស្រី ហា​លី​ម៉ា យ៉ា​កុប​(Halimah Yacob)​បាន​និយាយ​កាលពី​ថ្ងៃ​ចន្ទ​ទី​៤​កក្កដា​ថា លោក​បាន​តេស្តិ៍​វិជ្ជមាន​កូវី​ដ​១៩ ជាមួយ​នឹង​រោគ​សញ្ញា​ស្រាល​​ដូច​ផ្តាសាយ​ធម្មតា​។

​ប្រធានាធិបតី​សិង្ហ​បុរី​លោកស្រី ហា​លី​ម៉ា យ៉ា​កុប​

​លោកស្រី​បាន​សរសេរ​បង្ហោះ​ក្នុង​បណ្តាញ​សង្គម​ហ្វេ​សប៊ុក​ថា​« អរគុណ ខ្ញុំ​បាន​ចាប់​វ៉ាក់សាំង​កូវី​ដ​១៩ និង​ចាក់ដូស​ជំរុញ​។​ខ្ញុំ​សង្ឃឹមថា​នឹង​ជាសះស្បើយ​ឆាប់ៗ​និង​សោកស្តាយ​ដែល​ខកខាន​មិន​បាន​ចូលរួម​​ព្រឹត្តិការណ៍​នានា​នៅ​សប្តាហ៍​នេះ​»​។​

​លោកស្រី​ហា​លី​ម៉ា បាន​ចូលរួម​ពិធី​មួយ​កាលពី​ថ្ងៃ​សៅរ៍ និង​កាលពី​ថ្ងៃ​សុក្រ​បាន​ធ្វើ​ជា​អធិបតី​នៃ​ការ​ដង្ហែ​ក្បួន​យោធា​សិង្ហ​បុរី​មួយ​ដែល​មាន​អ្នកចូលរួម​ជាង​ពីរ​ពាន់​នាក់​។​

​នៅ​ថ្ងៃ​ចន្ទ​នេះដែរ ប្រធានសភា​សិង្ហ​បុរី​លោក តាន់ ជួន​ជីន​(Tan Chuan-jin)​ក៏​បាន​តេស្តិ៍​វិជ្ជមាន​កូវី​ដ​១៩ និង​មិន​អាច​ចូលរួម​កិច្ចប្រជុំសភា​នៅ​សប្តាហ៍​នេះ​ទេ​៕

ប្រធានសភា​សិង្ហ​បុរី​លោក តាន់ ជួន​ជីន