ប្រែ​សម្រួលៈ​បំណង​(​ដេល្លី​ម៉េល​)៖​ប៉ូលិស​អេ​ស្ប៉ាញ​បាន​ចាប់​បាន​ដ្រូ​ន​ក្រោម​ទឹក​(​នាវាមុជទឹក​គ្មាន​មនុស្ស​បើក​)​ចំនួន​បី​គ្រឿង​ដែល​ត្រូវបាន​ស្ថាបនា​ឡើង​សំរាប់​លួច​ដឹក​ជញ្ជូន​ថ្នាំញៀន​ឆ្លងកាត់​ច្រក​សមុទ្រ​​ចេញពី​ប្រទេស​ម៉ារ៉ុក​។​

​នាវាមុជទឹក​គ្មាន​មនុស្ស​បើក​នេះ ទំនងជា​អាច​ផ្ទុះ​ទំនិញ​ម្តង​បាន​២០០​គីឡូក្រាម​។​

​ជា​ផ្នែក​នៃ​ការស៊ើបអង្កេត​អស់​១៤​ខែ មនុស្ស​ប្រាំ​បីនាក់​ត្រូវបាន​ចាប់ខ្លួន​នៅ​ទីក្រុង​ចំនួន​បី​នៅអេ​ស្ប៉ាញ​។​ក្រុម​ឧក្រិដ្ឋជន​មួយ​ដែល​មាន​ភារកិច្ច​សាងសង់​និង​ផ្គត់ផ្គង់​យាន​ប្រភេទ​នេះ​ទៅ​អោយ​ពួក​ឈ្មួញ​​ថ្នាំញៀន​នៅ​ពាសពេញ​អឺរ៉ុប​ក៏​ត្រូវ​បង្ក្រាប​។​

​ប៉ូលិស​អេ​ស្ប៉ាញ​បាន​និយាយថា វា​ជា​លើកដំបូង​ដែល​ពួកគេ​បាន​រកឃើញ​យាន​ក្រោម​ទឹក​គ្មាន​មនុស្ស​បើក​ដូច្នេះ​។​យាន​បែបនេះ​អាច​អោយ​ពួក​ឈ្មួញ​ដឹក​ជញ្ជូន​ថ្នាំញៀន​ខុសច្បាប់​កាត់​ចក្រ​សមុទ្រ​ជី​ប្រា​ល់​​តា​(Gibraltar)​ដែល​ខណ្ឌ​ម៉ា​រុក​និង​អេ​ស្ប៉ា​ញ​។​

​ប៉ូលិស​ក៏​រឹបអូស​បាន​ថ្នាំញៀន​ជាង​ម្ភៃ​គីឡូក្រាម លុយ​និង​ដ្រូ​ន​អាកាស​ចំនួន​ប្រាំមួយ​។​

​បំពាក់​ដោយ​ប្រព័ន្ធ​នាវាចរណ៍​GPS យាន​នេះ​អាច​ត្រូវ​ពួក​ឈ្មួញ​ថ្នាំញៀន​ប្រតិបត្តិការ​នៅ​កន្លែង​ណាមួយ​ក្នុង​លោក​ដោយ​ប្រើ ឧបករណ៍​អ៊ីនធឺណិត​យ៉ាង​សាមញ្ញ​ដូច​កូន​កុំព្យូទ័រ​ថេ​ប្លិត​អ៊ីចឹង​។​

​មុន​នេះ​ក្នុង​ឆ្នាំ​២០២២​នេះ កូន​វា​នា​មុជទឹក​មួយ​ដឹក​ថ្នាំញៀន​កូកាអ៊ីន​បួន​តោន​ត្រូវបាន​កងទ័ពជើងទឹក​កូឡុំប៊ី​ស្ទាក់​ចាប់​បាន​ក្នុង​ដំណើរ​ឆ្ពោះ​ទៅ​អាម៉េរិក​កណ្តាល​។​

​កាលពី​ឆ្នាំ​២០១៩ ប៉ូលិស​អេ​ស្ប៉ាញ​ចាប់​បាន​កូន​នាវាមុជទឹ​ក​មួយ​ដឹក​ដឹក​ថ្នាំញៀន​កូកាអ៊ីន​ជាង​បី​តោន ដោយ​ទំនងជា​មក​ពី​កូឡុំប៊ី​៕