​ដោយៈ សុផល​/​ភ្នំពេញៈ ក្រសួងទេសចរណ៍​នៃ​ព្រះរាជាណាចក្រ​កម្ពុជា និង​រដ្ឋបាល​ទេសចរណ៍​ជាតិ វៀតណាម បាន​ឯកភាពគ្នា​លើ​និមិត្តសញ្ញា​ដែល​បាន​រចនា​ថ្មី​ដើម្បី​អបអរសាទរ​ខួប​ទី​៥៥ ន​ទំនាក់ទំនង​ការទូត​រវាង កម្ពុជា​-​វៀតណាម​។​

​ក្រសួងទេសចរណ៍​ចេញ​សេចក្តីជូនដំណឹង​នេះ​ជម្រាបជូន​គ្រប់​សមាគម​ទេសចរណ៍ ផ្នែក​រដ្ឋ​-​ឯកជន​ពាក់ព័ន្ធ​ទាំង​ក្នុង និង​ក្រៅប្រទេស សារព័ត៌មាន​ជាតិ​-​អន្តរជាតិ និង​សាធារណជន ។​

​ការឯកភាព​លើ​និមិត្តសញ្ញា​នេះ​គឺ​យោង​ស្មារតី នៃ​ជំនួប​រវាង សម្តេច​អគ្គមហាសេនាបតី​តេ​ជោ​នាយករដ្ឋមន្ត្រី ជាមួយ នាយករដ្ឋមន្ត្រី​វៀតណាម នៅ​ទីក្រុង វ៉ាស៊ីនតោន និង​ស្របតាម “​ផែនទី​ចង្អុល​ផ្លូវ​ស្តីពី​ផែនការ​ស្តារ និង​លើកស្ទួយ​វិស័យ​ទេសចរណ៍​កម្ពុជា ក្នុង និង​ក្រោយ ដំណាក់កាល​នៃ​វិបត្តិ​ជំងឺ​ក្ខ​វីដ​-១៩” ដំណាក់កាល​ទី​២ (Recovery) ក៏ដូចជា ការប្រកាស​បើកទទួល​ទេសចរ​វ៉ាក់សាំង របស់​រាជរដ្ឋាភិបាល​កម្ពុជា និង​ដើម្បី​ជំរុញ​ការផ្សព្វផ្សាយ​ទេសចរណ៍​កម្ពុជា “​កម្ពុជា​ជា​គោលដៅ​ទេសចរណ៍​កីឡា តាមរយៈ​ព្រឹត្តិការណ៍​ស៊ី​ហ្គេម​ឆ្នាំ​២០២៣ (SEA Games 2023) អាស៊ាន​ប៉ា​រ៉ា​ហ្គេម (ASEAN Para Games) និង ព្រឹត្តិការណ៍​កីឡា​យុវជន​អាស៊ី​ឆ្នាំ​២០២៩ (Asian Youth Games 2029) ដែល​កម្ពុជា​ធ្វើជា​ម្ចាស់ផ្ទះ និង​ស្របតាម ស្មារតី​នៃ​កិច្ចប្រជុំ​ក្រុមការងារ​បច្ចេកទេសរ​វាង​តំណាង​ក្រសួងទេសចរណ៍​នៃ​ព្រះរាជាណាចក្រ​កម្ពុជា និង​តំណាង រដ្ឋបាល​ទេសចរណ៍​ជាតិ​វៀតណាម កាលពី​ថ្ងៃទី​១៨ ខែមិថុនា ឆ្នាំ​២០២២ នៅ​ទីក្រុង​ហាណូយ ដែល​បាន​ឯកភាព រួមគ្នា​ជំរុញ​ការផ្សព្វផ្សាយ​វិស័យ​ទេសចរណ៍​នៃ​ប្រទេស​ទាំងពីរ រួមជាមួយ​ការអបអរសាទរ​ខួប​អនុស្សាវរីយ៍​ទី​៥៥ នៃ​ទំនាក់ទំនង​ការទូត​កម្ពុជា​-​វៀតណាម ។​

​ក្រសួងទេសចរណ៍ សូម​អំពាវនាវ​ដល់​គ្រប់​សមាគម​ទេសចរណ៍​ផ្នែក​រដ្ឋ​-​ឯកជន​ពាក់ព័ន្ធ​ក្នុង និង​ក ប្រទេស សារព័ត៌មាន​ជាតិ​-​អន្តរជាតិ និង​សាធារណជន​ចូលរួម​ប្រើប្រាស់ និង​ផ្សព្វផ្សាយ​អំពី​និមិត្តសញ្ញា​អបអរសាទរ ខួប​ទី​៥៥ ទំនាក់ទំនង​ការទូត​កម្ពុជា​- វៀតណាម នៅក្នុង​ព្រឹត្តិការណ៍​ជាតិ​-​អន្តរជាតិ កិច្ចប្រជុំ​ផ្សេងៗ វីដេអូ ក៏ដូចជា នៅក្នុង​ការ​រចនា​ផ្ទាំង​រូបភាព លើ​បដា​។​ល​។​៕​