​ប្រែ​សម្រួលៈ​បំណង​(CNA)៖ សិង្ហ​បុរី​បាន​រាយការណ៍រកឃើញ​អ្នក​ឆ្លងកូវី​ដ​១៩​ថ្មី​ចំនួន​១២.៧៨៤​នាក់​សំរាប់​ថ្ងៃ​អង្គារ​ទី​៥​កក្កដា ក្នុងនេះ​៥៣៦​នាក់​ជា​ករណី​នាំចូល​មកពី​ក្រៅ​ប្រទេស​។​

​វា​ជា​ការឆ្លង​ក្នុង​ចំនួន​ច្រើន​បំផុត ដោយ​ពេល​ចុង​ក្រោយ​ដែល​សិង្ហបុរីបានរាយការណ៍ចំនួន​ឆ្លងកូវី​ដ​១៩​ខ្ពស់​ជាង​នេះ​គឺ​នៅ​ថ្ងៃ​២២​មីនា ឆ្នាំ​២០២២​នេះ​ដែល​នោះ​មនុស្ស​១៣ .១៦៦​នាក់​បាន​ឆ្លង​។​

​មាន​អ្នកស្លាប់​ដោយកូវី​ដ​ចំនួន​ពីរ​នាក់​ផង​ដែរ​សំ​រាប់​ថ្ងៃ​ម្សិលមិញ ដោយ​ធ្វើអោយ​សិង្ហ​បុរី​មាន​អ្នកស្លាប់​ដោយកូវី​ដ​១៩​ឡើងដល់ ១.៤២១​នាក់​។​

​ឥឡូវ​មាន​អ្នកជំងឺ​កូវី​ដ​៦៨៣​នាក់​កំពុង​សម្រាក​ដេក​ក្នុង​មន្ទីរពេទ្យ ក្នុងនេះ​៧៧​នាក់​ត្រូវការ​អុកស៊ីសែន​ជំនួយ​។​

​កំណើន​នៃ​ការ​ឆ្លងកូវី​ដ​១៩​នៅ​សិង្ហ​បុរី​កើតឡើង​បន្ទាប់​ពី​រដ្ឋមន្ត្រី​សុខាភិបាល​ប្រទេស​នេះ​បាន​និយាយ​កាលពី​ខែ​មុន​ថា ប្រទេស​នេះ​រំពឹងថា​នឹង​ជួប​ការផ្ទុះកូ​វីដ​១៩​នៅ​រលក​ថ្មី​មួយ​នៅ​ខែកក្កដា​ឬ​សីហា​​នៅពេល​ភាពស៊ាំ​ង​នឹង​ជំងឺ​របស់​ប្រជាជន​សិង្ហ​បុរី​ពី​ការចាក់​វ៉ាក់សាំង ចាប់ផ្តើម​ចុះ​ខ្សោយ​។​

​ក្នុងចំណោម​អ្នក​កាលពី​ថ្ងៃ​អង្គារ​ម្សិលមិញ ១១.៤៤៦​នាក់​ត្រូវ​បាន​បញ្ជាក់ថា​វិជ្ជមាន​តាមរយៈ​ការ​ធ្វើតេស្តិ៍​រហ័ស ហើយ​ពួកគេ​មាន​រោគសញ្ញា​ស្រាល​និង​បង្ក​ហានិភ័យ​ទាប​។​

សូមបញ្ជាក់ថា ​សិង្ហ​បុរី​បាន​រក​ឃើញ​អ្នក​ឆ្លងកូវី​ដ​១៩​សរុប ១.៤៨៥.៩៦៤​នាក់​ចាប់​តាំងពី​ជំងឺឆ្លង​សកល​នេះ​ចាប់ផ្តើម​មាន​វត្តមាន​នៅ​ទី​នេះ​កាលពី​ដើមឆ្នាំ​២០២០​មក​៕

​ប្រជាជន​សិង្ហ​បុរី​មាន​សិទ្ធិ​ចាក់​វ៉ាក់សាំង​ចំនួន​៩៦​ភាគរយ​បាន​ចាក់​វ៉ាក់សាំង​ការពារកូ​វីដ​១៩​និង​៧៨​ភាគរយ​បាន​ចាក់ដូស​ជំរុញ តែ​វា​ដល់ពេល​វ៉ាក់សាំង​ធ្លាក់​ប្រសិទ្ធភាព​