​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ ក្រុមហ៊ុន Apple​បាន​និយាយថា ខ្លួន​នឹង​ដាក់​ចេញ​នូវ​ជម្រើស “Lockdown” សម្រាប់ iPhone, iPad និង​កុំព្យូទ័រ Mac ក្នុង​បំណង​ការពារ​ប្រឆាំងនឹង Spyware ដែល​បញ្ចេញ​ដោយ​ពួក​ហ៊ែ​ក​ឃើ (Hacker) ដែល​ឧបត្ថម្ភ​ដោយ​រដ្ឋ​ណាមួយ​តែ​ទោះ​យ៉ាងណា​ការបើក​ដំណើរការ​កម្មវិធី​ការពារ​នេះ​ក៏​នឹង​ធ្វើឱ្យ​ឧបករណ៍​ទាំងនេះ​លែង​មាន​ប្រយោជន៍​​ផងដែរ​។​

​ប្រព័ន្ធ​ការពារ ដែល​បាន​ប្រកាស​កាលពី​ថ្ងៃ​ពុធ​ទី​៦​កក្កដា គឺជា​ការទទួលស្គាល់​ស្ងាត់ៗ​ថា សូម្បី​តែ​ក្រុមហ៊ុន Apple ដែលជា​ក្រុមហ៊ុន​ថ្លៃ​បំផុត​របស់​ពិភពលោក ក៏​មិន​អាច​ការពារ iPhone​និង​ផលិត​​ផល​ផ្សេង​ទៀត​របស់​ខ្លួន​ប្រឆាំង​នឹង​ការទន្ទ្រាន​ពី​ពួក​ហ៊ែ​ក​ឃើ ដែល​គាំទ្រ​ដោយ​រដ្ឋ​ផ្សេងៗ និង Spyware​ពាណិជ្ជកម្ម​បាន​ដែរ​។ រដ្ឋាភិបាល​នានា​បាន​ប្រើប្រាស់​ឧបករណ៍​ទាំងនេះ​ដើម្បី​រំលោភ​លើ​ឯក​​ជន​ភាព​របស់​អ្នកសារព័ត៌មាន អ្នកប្រឆាំង​នយោបាយ និង​សកម្មជន​សិទ្ធិមនុស្ស​។​

​មុខងារ​ថ្មី​ដែល​គេ​ហៅថា “Lockdown Mode” ជាដំបូង​នឹងត្រូវ​ផ្តល់​ជូន​ជា​កំណែ​សាកល្បង ដើម្បី​ឱ្យ​អ្នក​ស្រាវជ្រាវ​សុវត្ថិភាព​អាចជួយ Apple កំណត់​អត្តសញ្ញាណ​មេរោគ (Bug) ឬ​ចំណុចខ្សោយ​​ណាមួយ​។ ជាធម្មតា Apple បញ្ចេញ​អាប់​ដេត (Update) សំខាន់ៗ​របស់​ខ្លួន​ចំពោះ​ប្រព័ន្ធ​ប្រតិបត្តិកា​រលើ​ឧបករណ៍​របស់​ខ្លួន​នៅ​ចុង​ខែ​កញ្ញា​។​

​ខណៈ​ប្រទេស​មួយចំនួន​តូច​ហាក់​មាន​ធនធាន​សម្រាប់​បង្កើត​ឧបករណ៍​លួច​ចូល​មើល​ទូរស័ព្ទ​គេ ក្រុមហ៊ុន​ឯកជន​ដូចជា NSO Group​របស់​អ៊ីស្រាអែល​បាន​លក់​កម្មវិធី​លួច​ចូល​ទូរស័ព្ទ​ទៅ​បណ្តា​ទី​ភ្នាក់​​ងារ​រដ្ឋាភិបាល​នានា​ជុំវិញ​ពិភពលោក​អស់​ជាច្រើន​ឆ្នាំ​មកហើយ​។​

​បញ្ហា​ពាក់ព័ន្ធ​នឹង​ការជួល​ពួក​ហ៊ែ​ក​ឃើម​ក​វាយប្រហារ​ច្រើនឡើងៗ​បែប​នេះ​ហើយ​បាន​ជំរុញ​ឱ្យ Apple ដាក់ពាក្យ​ប្តឹង​សហព័ន្ធ​កាលពី​ចុងឆ្នាំ​មុន​ប្រឆាំងនឹង​ក្រុមហ៊ុន NSO Group សម្រាប់​ការ​លួច​ចូល iPhone និង​ផលិតផល Apple ផ្សេងទៀត​។ នៅក្នុង​ពាក្យបណ្តឹង​របស់​ខ្លួន Apple បាន​ចោទប្រកាន់​និយោជិត​នៅ​ក្រុមហ៊ុន NSO Group ថា​ជា “​ទាហាន​ស៊ីឈ្នួល​ឥត​គុណធម៌​ក្នុង​សតវត្ស​ទី ២១ ដែល​បាន​បង្កើត​ម៉ាស៊ីន​ចារកម្ម​តាម​អ៊ីនធឺណិត​ដ៏​ទំនើប ដែល​ទាក់ទាញ​ការបំពាន​ជាប្រចាំ​”​។​

​ក្រុមហ៊ុន NSO ដែល​ត្រូវបាន​ចុះ​ក្នុង​បញ្ជីខ្មៅ​ដោយ​ក្រសួង​ពាណិជ្ជកម្ម​អាម៉េរិក បាន​បដិសេធ​រាល់​ការប្រព្រឹត្ត​ខុស​ទាំងឡាយ ហើយ​និយាយ​ថា ផលិតផល​របស់​ខ្លួន​ត្រូវបាន​ប្រើប្រាស់​ដើម្បី​រារាំង​ជន​រំលោភ​កុមារ​និង​ភេរ​វករ​៕

​មុខងារ​ថ្មី​ដែល​គេ​ហៅថា “Lockdown Mode” ជាដំបូង​នឹងត្រូវ​ផ្តល់​ជូន​ជា​កំណែ​សាកល្បង ដើម្បី​ឱ្យ​អ្នក​ស្រាវជ្រាវ​សុវត្ថិភាព​អាចជួយ Apple កំណត់​អត្តសញ្ញាណ​មេរោគ (Bug)​ឬ ចំណុចខ្សោយ​ណាមួយ