​ប្រែ​សម្រួលៈ​បំណង (BLOOMBERG,ST)៖​អាជ្ញាធរ​ក្រុង​សៀង​ហៃ​នៅ​ថ្ងៃ​ព្រហស្បតិ៍​ទី​៧​កក្កដា​នេះ​បាន​រាយការណ៍​ករណី​ឆ្លងកូវី​ដ​១៩​ច្រើន​បំផុត​គិត​ចាប់​តាំង​ពៅ​ខែ​ឧសភា​មក ជាហេតុ​នាំ​អោយ​អ្នក​រស់នៅ​​ក្រុង​ហិរញ្ញវត្ថុ​មួយ​នេះ​បារម្ភ​ខ្លាចក្រែង​អាជ្ញាធរ​ធ្វើ​ការបិទ​ខ្ទប់​សាជាថ្មី​ដើម្បី​ទប់ស្កាត់​ការឆ្លង​រាលដាល​។​

​ទីក្រុង​នេះ​បានប្រកាស​ការ​ឆ្លងកូវី​ដ​១៩​ថ្មី​ចំនួន​៥៤​នាក់​សំរាប់​ថ្ងៃ​ពុធ រួម​មាន​ពីរ​នាក់​ត្រូវបាន​រកឃើញ​នៅ​ក្រៅ​កន្កែង​ចត្តា​ឡីស័​ក​ដែល​នាំអោយ​មាន​ការបារម្ភ​ថា វីរុស​នេះ​អាច​ឆ្លង​រាលដាល​ស្ងាត់ៗ​នៅ​​ពាសពេញ​សហគមន៍​។​

​ក្រុង​សៀង​ហៃ បាន​បង្កើន​ការ​ធ្វើតេស្តិ៍​ទ្រង់ទ្រាយ​ធំ​របស់​ខ្លួន​នៅ​ដប់​សង្កាត់​និង​ផ្នែក​ខ្លះ​នៃ​សង្កាត់​ពីរ​ទៀត ក្នុងចំណោម​១៦​សង្កាត់​ក្នុង​ទីក្រុង​នេះ​។​

​សៀង​ហៃ​បានប្រកាស​រក​ឃើញ​អ្នក​ឆ្លងកូវី​ដ​១៩​ថ្មី​ចំនួន​៥៤​នាក់ រួម​មាន​ពីរ​នាក់​នៅ​ក្រៅ​មណ្ឌល​ចត្តា​ឡីស័​ក​សំ​រាប់ថ្ងៃ​៦​កក្កដា

​ការឆ្លង​ឡើងវិញ​នៅ​សៀង​ហ​ឌៃ​កើតឡើង​មិនយូរប៉ុន្មាន​ក្រោយ​ពី​មនុស្ស​២៥​លាន​នាក់​ទើប​ចេញ​ផុត​ពី​ការបិទ​ខ្ទប់​អស់​ពីរ​ខែ​ដែល​បាន​ប៉ះពាល់​សេដ្ឋកិច្ច​និង​សង្គម​។​

​នៅ​កន្លែង​ផ្សេងទៀត ទីក្រិង​ប៉េកាំង​បានប្រកាស​រកឃើញ​អ្នកឆ្លង​ថ្មី​បួន​នាក់​ផង​ដែរ​។​

​អាជ្ញាធរ​បាន​និយាយ​កាលពី​ថ្ងៃ​ពុធ​ថា គេ​បាន​រកឃើញ​វីរុស​បំប្លែង​ខ្លួន​ចម្លង​លឿន​BA.5.2​នៅក្នុង​រដ្ឋធានីប៉េកាំង​។​

​នៅពេល​អាជ្ញាធរ​នៅ​អនុវត្ត​ការបិទ​ខ្ទប់​យ៉ាង​តឹងរ៉ឹង​នៅ​ផ្នែក​សំខាន់ៗ​របស់​ប្រទេស ប្រធានាធិបតី​ចិន​លោក​ស៊ី ជីន​ភីង​បាន​បញ្ជាក់​ឡើងវិញ​ថា​ប្រទេស​ចិន​នៅ​បន្ត​អនុវត្ត​យុទ្ធសាស្ត្រ​កូវី​ដ​សូន្យ និង​ថា​ចិន​​សុខចិត្ត​រង​ផលប៉ះពាល់​លើ​ការអភិវឌ្ឍ​សេដ្ឋកិច្ច​ជា​បណ្តោះអាសន្ន ជាជាង​ទុកអោយ​វីរុស​នេះ​ទន្ទ្រាន​យាយី​សុវត្ថិភាព​និង​សុខភាព​ប្រជាជន​៕