ដោយៈ ទេ​ពក​ង្រី / កំពង់ឆ្នាំងៈ នៅ​ថ្ងៃទី​៧ ខែកក្កដា ឆ្នាំ​២០២២ លោកស្រី ប៊​ន សុ​ភី អភិបាលរង​ខេត្ត​កំពង​ឆ្នាំង បាន​អញ្ជើញ​ចូលរួម ក្នុង​ពិធី​ប្រកាស​សុពលភាព សមាជិក​ក្រុមប្រឹក្សា​សង្កាត់​ប្អេ​រ ។​

​បើ​យោងតាម​សេចក្តីប្រកាស​របស់ ក្រសួងមហាផ្ទៃ ស្តីពី​ការទទួលស្គាល់​សមាសភាព ប្រធាន​ក្រុមប្រឹក្សាឃុំ មេឃុំ ជំទប់​ទី​១ ជំទប់​ទី​២ និង សមាជិក​ក្រុមប្រឹក្សា​សង្កាត់​ប្អេ​រ ក្រុង​កំពង់ឆ្នាំង ដែល​អាន​ដោយ​លោក លៀង ជុំ​សុបិន នាយករង​រដ្ឋបាលខេត្ត​កំពង់ឆ្នាំង ដែល​បានសម្រេច​ទទួលស្គាល់​ស​មាស​ភាព​ប្រធាន​ក្រុមប្រឹក្សា​សង្កាត់ ចៅសង្កាត់រង​ទី​១ ចៅសង្កាត់​ទី​២ និង​សមាជិក​ក្រុមប្រឹក្សា​សង្កាត់​ប្អេ​រ ចំនួន​៨​រូប ក្នុងនោះ បានទទួល​ស្គាល់ លោក ស៊ិន សូត ជា​ចៅសង្កាត់​ប្អេ​រ លោកស្រី ឌុ​ច មូលី ចៅសង្កាត់រង​ទី​១ និង​លោក នី វាសនា ចៅសង្កាត់រង​ទី​២ ។​

​ក្នុងការ​ប្រកាស​សុពល​ភាព ចៅសង្កាត់​នេះ លោកស្រី ប៊​ន សុ​ភី បាន​សំដែង​នូវ​ការចូលរួម អបអរសាទរ​ចំពោះ សមាសភាព​ក្រុមប្រឹក្សា​សង្កាត់ ក្នុង​អាណ​ត្ដិ​ទី​៥ ចៅសង្កាត់ ចៅសង្កាត់រង​ទី​១ ចៅសង្កាត់រង​ទី​២ ទាំងអស់ ដែល​បានទទួល​នូវ​ទំនុកចិត្ត ពី​ប្រជាពលរដ្ឋ តាមរយៈ​ការបោះឆ្នោត​ជ្រើសរើស​ក្រុមប្រឹក្សាឃុំ សង្កាត់ កាលពី​ថ្ងៃអាទិត្យ ទី​៥ ខែមិថុនា ឆ្នាំ​២០២២ កន្លងមក ដែល​បាន​ប្រព្រឹត្តទៅ ប្រកបដោយ​លក្ខណៈ​សេរី ត្រឹមត្រូវ គណនេយ្យភាព និង​យុត្ដិធម៌ ។​

​លោកស្រី ប៊​ន សុ​ភី បាន​មានប្រសាសន៍ថាៈ ក្រុមប្រឹក្សា​សង្កាត់​ថ្មី អាណត្តិ​ទី​៥ ឆ្នាំ​២០២២ នេះ ត្រូវ​បន្ត​អនុវត្ត​លិខិតបទដ្ឋាន​នានា ដែល​នៅ​ជា​ធរមាន និង​បន្តការងារ​ដែល​នៅ​សេសសល់ ពី​អាណត្តិ​មុន ដោយ​ក្រុមប្រឹក្សា​ថ្មី ត្រូវ​រក្សា​ឲ្យ​បាន​នូវ​វប្បធម៌ សាមគ្គីភាព សម្របសម្រួល កុំ​បែងចែក​និន្នាការ​នយោបាយ ហើយ​បំរើ​ប្រជាពលរដ្ឋ ឲ្យ​បាន​ប្រសើរឡើង បង្កើន​ទំនាក់ទំនង រវាង​មន្ត្រី​-​មេឃុំ ឲ្យ​បានល្អ និង​ស្គា​ល់ពី​សុខទុក្ខ​ប្រជាពលរដ្ឋ ដើម្បី​លើកកម្ពស់​ការចូលរួម​បំពេញការងារ​ជា​ក្រុម របស់​ក្រុមប្រឹក្សា​ទាំងអស់ តាមរយៈ​ការដកពិសោធន៍ ពីគ្នា​ទៅវិញទៅមក​។ ត្រូវ​បន្ដ​អនុវត្ដ​ការងារ​គ្រប់គ្រង និង​ការអភិវឌ្ឍ​មូលដ្ឋាន ពី​ក្រុមប្រឹក្សាឃុំ សង្កាត់ អាណ​ត្ដិ​ចាស់ សំដៅ​ធានា​ឲ្យ​មាន​និរន្ដរភាព ក្នុង​កិច្ចការរដ្ឋបាល និង​ការផ្ដល់សេវា ព្រមទាំង​ការអភិវឌ្ឍ​នៅ​មូលដ្ឋាន ឲ្យ​កាន់​តែមាន ប្រសិទ្ធភាព​ថែមទៀត ដើម្បី​ឆ្លើយតប​ទៅនឹង​តម្រូវការ​របស់​ប្រជាពលរដ្ឋ លើ​សេវា​សារ​ធារ​ណៈ ឱ្យបាន​កាន់តែ​រហ័ស និង​ធ្វើការ​សម្របសម្រួល លើ​បញ្ហា​ផ្សេងៗ ឱ្យមាន​តម្លាភាព​ត្រឹមត្រូវ តាម​លទ្ធិប្រជាធិបតេយ្យ អភិក្រម​ទាំង​៥ ។ ត្រូវខិតខំ​លុបបំបាត់ នូវ​ល្បែងស៊ីសង គ្រប់​ប្រភេទ និង​បទ ល្មើស​ផ្សេងៗ ដែល​កើតមាន​ក្នុង​មូលដ្ឋាន​របស់ខ្លួន និង​អនុវត្តន៍​ឱ្យមាន​ប្រសិទ្ធភាព នូវ​គោលនយោបាយ ភូមិ ឃុំ សង្កាត់ មាន​សុវត្ថិភាព ៕/V​