ប្រែ​សម្រួល : កញ្ញា​ដា​លី​ស (BBC) ៖ ខ្សែ​ប្រយុទ្ធ រ៉ា​ហ៊ីម ស្ទើ​លីង (Raheem Sterling)​របស់ Manchester City បាន​យល់ព្រម​លើ​លក្ខខណ្ឌ​ផ្ទាល់​ខ្លួន​ជាមួយ Chelsea ។​

​កីឡាក​រវ័យ ២៧ ឆ្នាំ​រូប​នេះ​នៅសល់​កុងត្រា​មួយ​ឆ្នាំ​ទៀត​នៅ Man City ហើយ​បាន​ទាក់ទាញ​ចំណាប់​អារម្មណ៍​ពី​ក្លិប​ធំៗ​នៅ​ក្រៅប្រទេស​។​

City បាន​ចុះហត្ថលេខា​ទិញ​ស្ទើ​លីង​ពី Liverpool ក្នុង​កិច្ចសន្យា​តម្លៃ ៤៩ លាន​ផោន​ក្នុង​ឆ្នាំ ២០១៥ ហើយ​រូបគេ​បាន​ស៊ុត​បញ្ចូល​ទី ១៣១ គ្រាប់​ក្នុង ៣៣៩ ប្រកួត​។​

​ប្រសិនបើ​កិច្ចព្រមព្រៀង​ត្រូវ​បាន​សំរេច​ជា​ស្ថាពរ ស្ទើ​លីង ដែល​ជាប់​ជម្រើសជាតិ​អង់គ្លេស​ចំនួន ៧៧ ដង នឹង​ក្លាយជា​កីឡាករ​ដ៏​សំខាន់​ដំបូង​គេ​របស់​Chelsea​ចាប់តាំងពី​ពួកគេ​ត្រូវ​បាន​កាន់កាប់​​ដោយ​សម្ពន្ធ​មួយ​ដឹកនាំ​ដោយ​លោក ថុត បូ​លី (Todd Boehly) នៅ​រដូវក្តៅ​នេះ​។​

​គេ​រំពឹងថា​កិច្ចព្រមព្រៀង​នឹង​ត្រូវ​ធ្វើឡើង​ទាន់​ពេលវេលា​សម្រាប់ស្ទើ​លី​ង​បាន​ចូលរួម​ជាមួយ​ក្រុម Chelsea​មុន​ពេល​ពួកគេ​ចាកចេញ​សម្រាប់​ដំណើរ​ប្រកួត​ទេសចរណ៍​មុន​បើក​រដូវ​កាល​ទៅកាន់​​សហរដ្ឋ​អាម៉េរិក​នៅ​សប្តាហ៍​ក្រោយ​៕

ស្ទើ​លីង​យល់ព្រម​លើ​លក្ខខណ្ឌ​ផ្ទាល់ខ្លួន​ជាមួយ Chelsea ហើយ