​ដោយៈ​ក្រុមហ៊ុន​/​ភ្នំពេញៈ​ក្រុមហ៊ុន ហ្គោល​ដិ​ន​(​ខេ​ម​បូ​ឌា​)​សេន​ជូ​រី ប្រ​ផឺ​ធី ឯ​.​ក ( GC Property)​និង​មា​យ ស​ខិ​ន ហូ​ម ស៊ី​អិ​ម​២​អេ​ច​(​ខេ​ម​បូ​ឌា​) ឯ​.​ក (My Second Home CM2H) បានសហការ​លើ​ការផ្តល់​សិទ្ធិ​លក់​កញ្ចប់​សេវាកម្ម​កម្មវិធី ” កម្ពុជា​ផ្ទះ​ទី​២​របស់ខ្ញុំ ” ។​

​ពិធី​ចុះហត្ថលេខា​នា​សៀ​ល​ថ្ងៃទី​៦​ខែមិថុនា នៅ​ការិយាល័យ ក្រុមហ៊ុន GC-Property បាន​ប្រារព្ធ​ឡើង​ក្រោម​វត្តមាន​លោក នូវ សុខភាព ប្រធាន​ក្រុមប្រឹក្សាភិបាល​សមាគម​មូលនិធិ​គ្រួសារ​ខ្មែរ អ្នកនាង សឺ​រ៉ែ​ន (Sharen Liew) លោក ហ្វី​លិច យ៉ុង (Felix Youg)​តំណាង​ក្រុមហ៊ុន ហ្គោ​ដិ​ន​(​ខេ​ម​បូ​ឌា​)​សេន​ជូ​រី ប្រ​ផឺ​ធី ឯ​.​ក (GC Property) ។​

​កម្ពុជា​ផ្ទះ​ទី​២​របស់ខ្ញុំ​(CAMBODIA MY 2ND HOME) គឺជា​គម្រោង​ផ្តួចផ្តើម​ដោយ​ម៉ា​យ សេ​ខិ​ន ហូ​ម ស៊ី​អិ​ម​2​អេ​ច (​ខេ​ម​បូ​ឌា​) ឯ​.​ក រួម​ជាមួយនឹង​ក្រសួងមហាផ្ទៃ នៃ​ព្រះរាជាណាចក្រ​កម្ពុជា ជាមួយនឹង​គោលដៅ​ក្នុងការ​ណែនាំ​អំពី​ប្រទេស ដ៏​ស្រស់ស្អាត​មួយ​នេះ ទៅកាន់​ពិភពលោក​ឲ្យ​បាន​ស្គាល់​។​រដ្ឋាភិបាល​អនុញ្ញាត​ឲ្យ​ប្រជាជន នៅ​ទូទាំង​ពិភពលោក​ទាំងអស់​ក្លាយជា​សមាជិក“​កម្ពុជា​ផ្ទះ​ទី​២​របស់ខ្ញុំ​” ដើម្បី​ទទួលបាន​នូវ​សេវាកម្ម និង​ការប្រឹក្សា យោបល់​ដ៏​ទូលំទូលាយ​បំផុតរួមមានការធ្វើ​អន្តោប្រវេសន៍ ពាណិជ្ជកម្ម ការអប់រំ ក្រុមគ្រួសារ ជាដើម​។​

​ក្រសួងមហាផ្ទៃ​បានសម្រេច​ប្រកាស​នូវ​គម្រោង​“​កម្ពុជា​ផ្ទះ​ទី​២​របស់ខ្ញុំ​”​ដែលជា​គម្រោង​វិនិយោគ​អន្តោប្រវេសន៍​ដើម្បី​បើកចំហរ​សារជាថ្មី​សម្រាប់​ការ​អន្តោប្រវេសន៍​មកកាន់​ប្រទេស​កម្ពុជា​។​គម្រោង​ទាំងមូល បាន​ផ្ដោត​សំខាន់​ទៅលើ​វិស័យ​ជាច្រើន រួមទាំង​ការលុបបំបាត់​ក្រុមហ៊ុន អន្តោប្រវេសន៍​ដែល​គ្មាន​ការអនុញ្ញាត ការចាប់ផ្ដើម​សេដ្ឋកិច្ច​ឡើងវិញ និង​ការ​ជំរញ​ការវិនិយោគបរទេស​មកកាន់​ប្រទេស​កម្ពុជា​។​គម្រោង “​កម្ពុជា​ផ្ទះ​ទី​២​របស់ខ្ញុំ​” បាន​ទាក់ទាញ​ភ្ញៀវ​វិនិយោគ​បរទេស​ជាច្រើន​ចូលមក ប្រទេស​កម្ពុជា​ដែល​ផ្ដល់នូវ​ឱកាស ការងារ​ជាច្រើន​ដល់​ប្រជាជន​កម្ពុជា និង​ជួយ​គាំទ្រ​ការអភិវឌ្ឍន៍ នៅក្នុង​ប្រទេស​ស្របតាម​គោលនយោបាយ​របស់​រាជ​រដ្ឋាភិបាល​។​

​លោក នូវ សុខភាព ប្រធាន​ក្រុមប្រឹក្សាភិបាល​សមាគម​មូលនិធិ​គ្រួសារ​ខ្មែរ និង តំណាងឱ្យ​ក្រុមហ៊ុន ម៉ា​យ សេ​ខិ​ន ហូ​ម ស៊ី​អិ​ម​២​អេ​ច បាន​មានប្រសាសន៍​ថា​៖​កន្លងមក​នេះ​ការ​រាតត្បាត​ជា​សាកល​នៃ​ជំងឺ​កូ​រីដ​១៩​បាន​នាំមក​នូវ​វិបត្តិ​និង​ផលប៉ះពាល់​បង្កើតជា​គ្រោះមហន្តរាយ​ដល់​សេដ្ឋកិច្ច​លើ​គ្រប់​វិស័យ ជាពិសេស​វិស័យ​ទេសចរណ៍ សេវា​កម្ម​កំសាន្ត និង​អាកាសចរណ៍ ក្នុងនោះ​កម្ពុជា ក៏បាន​ទទួលរង​ឥទ្ធិពល​អវិជ្ជមាន ផងដែរ​។

​ដើម្បី​ចូលរួម​ស្តារ​សេដ្ឋកិច្ច​ឡើងវិញ សមាគម​មូលនិធិ​គ្រួសារ​ខ្មែរ ត្រូវបាន បង្កើតឡើង ក្នុង​គោលបំណង​ដើម្បី​ជួយ​ដល់​ចាស់ជរា ស្ត្រី និង​កុមារ ជាពិសេស​ជន​ដែល ងាយ​រងគ្រោះ ផ្សេងៗ​ទៀត​ដោយមាន​ការជួយជ្រោមជ្រែង​ពី​សប្បុរសជន ដើម្បី​ជួយ​ដល់​សង្គម​និង​លើក កម្ពស់​វិស័យ សង្គម​ក្នុង​ព្រះរាជាណាចក្រ​កម្ពុជា ។ ដោយមាន​ការទុក​ចិត្ត និង​គាំទ្រ​ពី​សំណាក់​សមាជិក​របស់ សមាគម​មូលនិធិ​គ្រួសារ​ខ្មែរ កម្មវិធី “​កម្ពុជា​ផ្ទះ​ទី​២​របស់ខ្ញុំ​” ដែលជា​កម្មវិធី​គាំទ្រ​ដោយ ក្រសួងមហាផ្ទៃ ស្របតាម​ច្បាប់​អន្តោ​ប្រវេ​ស​ន៏ នឹង​គោលនយោបាយ​របស់​រាជ​រដ្ឋាភិបាល​កម្ពុជា ត្រូវបាន​បង្កើតឡើង​។​

​សូមបញ្ជាក់​ផងដែរ​ថា នៅ​ទសវត្សរ៍​៩០ រាជរដ្ឋាភិបាល​នៃ​កម្ពុជា បាន​បង្កើត​ច្បាប់ អន្តោប្រវេសន៍ ដើម្បី​ទាក់ទាញ​នូវ​ការវិនិយោគ​ក្រៅប្រទេស ចូលមក​ប្រទេស​កម្ពុជា​។ នា​ពេលនោះ ផែន​ការដែល​បង្កើតឡើង​ទទួលបាន​ភាពជោគជ័យ​យ៉ាងខ្លាំង ហើយ​បាន ក្លាយជា​កម្លាំង​ស្រប​ទាញ នៃ​ការអភិវឌ្ឍន៍​សេដ្ឋកិច្ច​នៅក្នុង​ស្រុក និង​បាន​បង្កើន នូវ​កម្រិត GDP នៃ​ប្រទេស​កម្ពុជា ក្នុងអំឡុង​ឆ្នាំ​(1994-2018) ជាមួយនឹង​លទ្ធផល គួរ​ឲ្យ​ភ្ញាក់ផ្អើល​។ តែ​យ៉ាងណា ដោយសារតែ​ប្រព័ន្ធគ្រប់គ្រង នាពេលនោះ មិនទាន់មាន​ភាព​លំអិត​នៅឡើយ ដូច្នេះ​មាន​ក្រុមហ៊ុន​មិន​ត្រឹមត្រូវ​ជាច្រើន​បាន​ឆ្លៀត​ឳ​កាស​ឆបោក ចំពោះ​ការរត់​ការ​អន្ត ប្រវេសន៍ បណ្តាល​ឲ្យ​មាន​ករណី ឆបោក​អន្តោប្រវេសន៍​ជា​ច្រើន នាពេលនោះ​។​

​បន្ទាប់ពី​ឆ្លងកាត់ ការពិភាក្សា​និង​ត្រួតពិនិត្យ យ៉ាង​លម្អិត រាជរដ្ឋាភិបាល​កម្ពុជា តាមរយៈ ក្រសួងមហាផ្ទៃ បាន​យល់ឃើញថា នេះ​ជា​ពេលវេលា​ដ៏​សក្តិសម​បំផុត ក្នុងការ​អនុវត្តន៍ ជំហាន​ដំបូង នៃ​ច្បាប់​អន្តោប្រវេសន៍​ថ្មី​នេះ​។ ដូច្នេះ​ក្រសួងមហាផ្ទៃ​តាមរយៈ អគ្គនាយក ដ្ឋា​ន​អន្តោប្រវេសន៍ បានសម្រេច ប្រកាស​គាំទ្រ​នូវ​កម្មវិធី “​កម្ពុជា​ផ្ទះ​ទី​២​របស់ខ្ញុំ​“​ជា​ផ្លូវការ​។​

​សូមបញ្ជាក់ថា​៖​ចំពោះ​អ្នក​ដែល​បាន​ចុះឈ្មោះ ជាមួយនឹង​កម្មវិធី កម្ពុជា​ផ្ទះ​ទី​២​របស់ខ្ញុំ​នឹង​ទទួលបាន​សេវាកម្ម ពិសេសៗ​ជាច្រើន សម្រាប់​ការរស់នៅ និង​អាជីវកម្ម​របស់​ខ្លួន​រួមមាន​កញ្ចប់​ទិ​ដ្ឋ​ការ​មាស រយៈពេល​១០​ឆ្នាំ លើសពីនេះ​ក្រុមហ៊ុន​នឹង​ជួយ​សម្របសម្រួល ក្នុងការ​អភិវឌ្ឍន៍​អាជីវកម្ម របស់​សមាជិក ការប្រឹក្សា​យោបល់​ផ្នែក​ច្បាប់ ការ​បង់​ពន្ធអាករ គឺ​បន្ទាប់ពី​ចូល​ជា​សមាជិក កម្មវិធី កម្ពុជា​ផ្ទះ​ទី​២​របស់ខ្ញុំ​នឹង​ការចុះបញ្ជី​ពាណិជ្ជកម្ម ជាដើម​។ ហើយ​អ្វីដែល​កាន់តែ​ពិសេស​នោះ​ជនបរទេស​ឬ​វិនិយោគិន​ទាំងឡាយ​អាច​ស្នើសុំ​លិខិតឆ្លងដែន​ព្រះរាជាណាចក្រ​កម្ពុជា​បន្ទា​ប់​ពី​រយះពេល​៥​ឆ្នាំ​ថែម​ទៀតផង​៕​Ph