​ដោយ​: សុវណ្ណ​កុម្ភៈ​/​ភ្នំពេញ​: ព្រឹត្តិការណ៍​នៃ​ការប្រកួត​ក្នុងការ​ប្រ​កួ AFF U19 championship រវាង​ក្រុម​កម្ពុជា​ជាមួយ​ឡាវ​នៅ​ប្រទេស​ឥណ្ឌូនេស៊ី​យប់មិញ​នេះ​កម្ពុជា​ចាញ់​ក្រុម​ឡាវ ១​ទល់​២ ។​នេះ​ជាការ​ប្រកួត​លើក​ទី​៣​របស់ខ្លួន​ដែល​ទាំង​៣​ប្រកួត​នេះ​ក្រុម​កម្ពុជា​រកបាន​តែ​៣​ពិន្ទុ​ប៉ុណ្ណោះ​គឺ​ឈ្នះ​សឹង្ហ​បូរី ១​ទល់​០ ចាញ់​ម៉ាឡេស៊ី​១​ទល់​២ និង​យប់មិញ​នេះ​ចាញ់​ឡាវ ១​ទល់​២ ដែរ​។​

​ទោះបី​ក្រុម​កម្ពុជា​នៅសល់​មួយ​ប្រកួត​ទៀត​ជាមួយ​ទី​ម័​រ​ខាងកើត​នៅ​ថ្ងៃទី​១១ កក្កដា​ក៏​​ដោយ តែ​ការប្រកួត​ជាមួយ​ក្រុម​ឡាវ​យប់មិញ​នេះ​ពិតជា​សំខាន់​ព្រោះនេះ​ជាការ​ប្រកួត​មួយ​​ដែល​កម្ពុជា​ត្រូវការ​ឈ្នះ​ដាច់ខាត​ដើម្បី​ទទួលបាន​កៅអី​ឡើង​លេង​នៅ​វគ្គ​បន្ត​។ ចំពោះ​ឡាវ​​លេង​បាន​២​ប្រកួត​ឈ្នះ​ទាំង​២​ប្រកួត​មាន​៦​ពិន្ទុ​ក្នុង​ដៃ​ហើយ​បាន​កក់​កៅអី​សម្រាប់​វគ្គ​បន្ត​ក៏​ថា​​បាន​ព្រោះ​ឡាវ​នៅសល់​២​ប្រកួត​ក្នុង​ដៃ​ទៀត ។​

​មានការ​បន្ទោស​ថា​ក្រុម​កម្ពុជា​ចូលចិត្ត​លេង​អូស​បាល់​ច្រើន​និង​នៅមាន​ភាព​ដំអក់​​ដោយសារតែ​ចង់​បង្កើត​ស្នាដៃ​ខ្លួនឯង​លើ​ទីលាន ។​

​ចំពោះ​ការប្រកួត​រវាង​ក្រុម​ជម្រើសជាតិ​នារី​ជាមួយ​ក្រុម​ជម្រើសជាតិ​វៀតណាម​ក្នុង​ពានរង្វាន់ AFF WOMEN’S CHAMPIONSHIP 2022 នៅ​ប្រទេស​ហ្វីលីពីន​យប់មិញ​នេះ​ក្រុម​កម្ពុជា​ចាញ់​ក្រុម​ម្ចាស់​មេដាយមាស​ស៊ី​ហ្គេម​លើក​ទី​៣១​គឺ​ក្រុម​វៀតណាម​នេះ​០​ទល់​៣ ។​

​ក្រុមបាល់ទាត់​នារី​កម្ពុជា​លេង​បាន​២​ប្រកួត​ស្មើ​មួយ​ប្រកួត​ជាមួយ​ឡាវ និង​ចាញ់​មួយ​​ប្រកួត​មាន​១​ពិន្ទុ​ក្នុង​ដៃ ។​ក្រុម​នារី​កម្ពុជា​នៅសល់​២​ប្រកួត​ទៀត​ជាមួយ​ម៉​យ៉ាន់​ម៉ា និង​ក្រុមទី​​ម័​រ​ខាងកើត ៕​