ដោយ​: ភ្នំ​ស្វាយ / បន្ទាយមានជ័យ​: រដ្ឋបាលខេត្ត​បន្ទាយមានជ័យ​និង​ស្រុក​ក្រុង​អោយដឹង​កាលពី​ថ្ងៃទី​០៩​ខែកក្កដា​ថា រដ្ឋបាល​បានបញ្ចប់​ទាំងស្រុង​ហើយ​នូវ​ពិធី នៃ​ការប្រកាស​សុពលភាព​ស​មា​ជិ​ក​ក្រុមប្រឹក្សាឃុំ​/​សង្កាត់ ទាំង​៦៧​នៃ​០៩​ស្រុក​/​ក្រុង ក្រោយ​ក្រសួងមហាផ្ទៃ ទទួលលទ្ធផល​ផ្លូវការ​ពី​គណ​:​ក​ម្មា​ធិ​ការ​ជាតិ​រៀបចំ​ការបោះឆ្នោត​ជ្រើសរើស​ក្រុមប្រឹក្សាឃុំ​/​សង្កាត់ ថ្ងៃអាទិត្យ​ទី​០៥​ខែមិថុនា​ឆ្នាំ​២០២២ កន្លងទៅ​។​

​នា​ថ្ងៃ​ចុងក្រោយ ពោលគឺ​នៅ​រសៀល​ថ្ងៃទី​០៨​ខែកក្កដា​ឆ្នាំ​២០២២ លោក​អ៊ុ រាត្រី អភិបាលខេត្ត​បន្ទាយមានជ័យ លោក​នួ​ម សោភ័ណ អ្នកតំណាងរាស្ត្រ ប្រធាន​ក្រុមការងារ​ថ្នាក់កណ្តាល​ចុះជួយ​ស្រុក​អូរជ្រៅ បាន​អញ្ជើញ​ជា​អធិបតី​ក្នុង​ពិធី​ប្រកាស​សុពលភាព ក្រុមប្រឹក្សាឃុំ​កូប​ស្រុក​អូរជ្រៅ​ដែលមាន :១/ លោក ម៉ាក់ សុខឿន មេឃុំ ជំនួស​លោក​ហ៊ឹម ផា​ណូ អតីត​មេឃុំ​ដែល​មិនបាន​ឈរឈ្មោះ​ជាថ្មី ២/​លោកស្រី​មួង សារុន ជំទប់​ទី​២ និង​ទី​៣/​លោក​សែង ឌឿ​ន ជំទប់​ទី​២ ។​និង​សមាជិក​៥​រូប​ទៀត ។​

​នា​ថ្ងៃ​ដដែល​នោះដែរ លោក ហ៊ឹ​ល រ៉ា​យ៉ា អភិបាលក្រុង​សិរីសោភ័ណ និង​លោក សុក ចាន់ថា ប្រធាន​ក្រុមការងារ​ខេត្ត​ចុះជួយ​សង្កាត់​អូរ​អំបិល បាន​អញ្ជើញ​ជា​អធិបតី ប្រកាស​សុពលភាព​សមា​ជិ​ក​ក្រុមប្រឹក្សា​សង្កាត់​អូរ​អំបិល អាណត្តិ​ទី​៥ ដែល​រួមមាន ៖ ១- លោកស្រី ធូ ណាគ្រី ជា​ចៅសង្កាត់ (​ដដែល​) ២- លោក សូ សារី ជា​ចៅសង្កាត់រង​ទី​១ ៣- លោកស្រី អ៊ូ ចាន់​នេ​ត ជា​ចៅសង្កាត់រង​ទី​២ និង​សមាជិក​ក្រុមប្រឹក្សា​សង្កាត់​នេះ​៩​នាក់​ទៀត ។​

​លោ ភិន ឈួ​ង អភិបាល រង ស្រុក ស្វាយ ចេក និង​លោក​ឧ​ត្ត​ម​សេនីយ៍​ត្រី រ៉ែ​ម វីរៈ ប្រធាន​ក្រុមការងារ​ខេត្ត​ចុះជួយ​ឃុំ​ជា​អធិបតី​ក្នុង ពិធី​ប្រកាស​សុពលភាព​សមាជិក​ក្រុមប្រឹក្សាឃុំ ស្វាយ ចេក ដែលមាន​លោក​ងិន សុ​ទ្ធី ជា​មេឃុំ​(​ថ្មី​)​លោក​ជំទប់​ទី​១ អ្នកស្រី​ជំទប់​ទី​២ និង​សមាជិក​ក្រុមប្រឹក្សា​៥​រូប​ទៀត ។​

​លោកស្រី ស្រ៊ាង គឹម​ស៊ា​ង អភិបាលរងក្រុង​សិរីសោភ័ណ និង​លោក​អ៊ុង ស៊ី​ផាន ឧ​ត្ត​ម​អត្ថា​នុ​រក្ស​ថ្នាក់​លេខ​២​និង​ជា​ប្រធាន​ក្រុមការងារ​ថ្នាក់​ខេត្ត​ចុះជួយ​សង្កាត់​ទឹកថ្លា​អញ្ជើញ​ជា​អធិបតី​ក្នុង​ពិធី​ប្រកាស​សុពលភាព ក្រុមប្រឹក្សា​សង្កាត់​ទឹកថ្លា .​ដែល​រួមមាន : ១/ លោក ខាំ សរ ជា​ចៅសង្កាត់​(​កាន់​អាណត្តិ​ទី​៥) ២/ លោក​សឿន​ចា​ន់ស ជា​ចៅសង្កាត់រង​ទី​១ និង​ទី​៣/​លោក​ព្រឿង ប៊ុនធឿន ជា​ចៅសង្កាត់រង​ទី​២​។​និង​សមាជិក​៩​រូប​ទៀត ។​

​ចំណែក​លោក​លី សុ​វណ្ណា​រឺ​ទ្ធិ អភិបាលរង​ខេត្តបន្ទាយមានជ័យ លោកស្រី​នួ​ម សោភ័ណ អ្នកតំណាងរាស្ត្រ -​ប្រធាន​ក្រុមការងារ​ថ្នាក់កណ្តាល​ចុះជួយ​ស្រុក​អូរជ្រៅ​អញ្ជើញ​ជា​អធិបតី​ក្នុង​ពិធី​ប្រកាស​សុពលភាព ក្រុមប្រឹក្សាឃុំ​អូរ​បី​ជាន់ស្រុក​អូរជ្រៅ ដែល​រួមមាន : ១/ លោក តុល សារិន មេឃុំ (​កាន់​អា​ណ្ត​ត្តិ​)២/ លោក​ប៉ែន សុផល ជំទប់​ទី​១ និង​ទី​៣/ លោក​យ៉ុ​ន សុខា ជំទប់​ទី​២ ។​និង​សមាជិក​៥​រូប​ទៀត ។​
​រសៀល ថ្ងៃទី​០៨​ខែកក្កដា​ឆ្នាំ​២០២២ ។​

​លោក​អភិបាលខេត្ត អភិបាលរង​ខេត្ត អភិបាលស្រុក អភិបាលក្រុង បាន​ណែនាំ​លោក​លោកស្រី​មេឃុំ ចៅសង្កាត់ ជំទប់​ទី​១ ជំទប់​ទី​២ ចៅសង្កាត់រង​ទី​១ ចៅសង្កាត់រង​ទី​២ និង​សមាជិក​ក្រុមប្រឹក្សា ទោះជា​មន្ត្រី​គណបក្ស​ណាក៏ដោយ ក៏ត្រូវ​បម្រើ​ការងារ​ជា​មន្ត្រី​សាធារណ​:​របស់​រដ្ឋបាល​ដូ​ច្ន​ព​សូម​ឲ្យ​រក្សា​គោ​ជំហរ មិន​លំអៀង​ឬ​អគតិ មិន​រើសអើង​និន្នាការ​នយោបាយ សាសនា ឋាន​: ឡើយ ។​ពោលគឺ​ត្រូវ​រួបរួមសាមគ្គី ឯកភាពគ្នា​ហើយ​តម្រង់​ទិសដៅ​បម្រើ​ប្រជា​ពល​រដ្ន​និង​អភិវឌ្ឍន៍​មូលដ្ឋាន ក៏ដូចជា​ដោះស្រាយ​បញ្ហា​នានា​ដោយផ្ទាល់​ជាមួយ​ពលរដ្ឋ​អោយបាន​ល្អ រហ័ស មាន​ប្រសិទ្ធភាព និង​ប្រកបដោយ​ការទទួលខុសត្រូវ ៕​