ប្រែ​សម្រួល : កញ្ញា​ដា​លី​ស (​ប៊ី​ប៊ីស៊ី​) ៖ អតីត​ប្រធាន FIFA លោក សេប ប្លាត​ធឺ (Sepp Blatter) និង​អនុប្រធាន​លោក មី​សែ​ល ផ្លា​ទីនី (Michel Platini)​ទាំង​ពីរ​នាក់​ត្រូវបាន​រកឃើញ​​ថា​មិន​មាន​ទោស​នោះទេ បន្ទាប់​ពី​ការកាត់ក្តី​អំពី​ការ​ក្លែងបន្លំ​កិបកេង​លុយ​របស់​ពួកគេ​នៅក្នុង​ប្រទេស​ស្វីស​។​

​អ្នក​ទាំង​ពីរ​បាន​ឡើង​សវនាការ​ជុំវិញ​ការទូទាត់​ប្រាក់​ចំនួន ២ លាន​ហ្វ្រង់​ស្វីស ដែល​ធ្វើឡើង​ដោយ​លោក​ប្លាត​ធឺ​ទៅកាន់​លោក​ផ្លា​ទីនី​ក្នុង​ឆ្នាំ ២០១១​។​

​បុរស​ទាំង​ពីរ​នាក់​បាន​បដិសេធ​មិន​បាន​ធ្វើ​ខុស​ទេ ហើយ​និយាយ​ថា​ការផ្ទេរ​លុយ​នេះ​គឺជា​ការទូទាត់​លុយ​យឺត​ជាង​កាល​កំណត់​សម្រាប់​ការងារ​ប្រឹក្សា​របស់​លោក​ផ្លា​ទីនី​សម្រាប់ Fifa ។​

​នៅ​ពេល​មកដល់​តុលាការ​កាលពី​ថ្ងៃ​សុក្រ​ទី​៨​កក្កដា លោក​ប្លាត​ធឺ​បាន​និយាយថា “​ខ្ញុំ​មិន​ស្អាតស្អំ​ស្អី​ទេ​ក្នុង​ជីវិត​របស់​ខ្ញុំ ប៉ុន្តែ​ក្នុងករណីនេះ ខ្ញុំ​ពិតជា​ស្អាតស្អំ​”​។​

​លោក​ប្លាត​ធឺ​អាយុ ៨៦ ឆ្នាំ និង​អតីត​ប្រធាន Uefa លោក​ផ្លា​ទីនី​អាយុ ៦៧ ឆ្នាំ​ត្រូវបាន​ហាមឃាត់​ពី​បាល់ទាត់​ក្នុង​ឆ្នាំ ២០១៥ ហើយ​ត្រូវបាន​ចោទប្រកាន់​ពីបទ​កិបកេង​លុយ​កាលពី​ខែ​វិច្ឆិកា​ឆ្នាំមុន​៕

លោក​ប្លាត​ធឺ​និង​លាក​ផ្លា​ទីនី​ពុំ​បាន​កិបកេង​លុយ Fifa ចំនួន ២ លាន​ហ្វ្រង់​ស្វីស​នោះទេ​