​ប្រែ​សម្រួលៈ​បំណង​(​ដេល្លី​ម៉េល​,​ឆាយ​ណា​ដេល្លី​)៖​រដ្ឋមន្ត្រីការបរទេស​ចិន​លោក វ៉ាង យី បាន​ទទូច​សុំ​អោយ​សម​ភាគី​អូស្ត្រាលី​លោកស្រី ផេននី វ៉ុង​(Penny Wong)«​ចាត់ទុក​ចិន​ជា​ដៃគូ កុំ​ជា​ជន​ប្រឆាំង​» ​និង​ប្រមូលផ្តុំ​«​ថាមពល​វិជ្ជមាន​»​ដើម្បី​ធ្វើអោយ​ល្អប្រសើរ​ទំនាក់ទំនង​រវាង​ប្រទេស​ទាំង​ពីរ​។​

​នៅក្រៅ​កិច្ចប្រជុំ​រដ្ឋមន្ត្រីការបរទេស​ក្រុម​ប្រទេស​G20​កាលពី​ថ្ងៃ​សុក្រ លោក​វ៉ាង​បាន​សម្តែង​ក្តីសង្ឃឹម​ថា អូស្ត្រាលី​អាច​«​ចាប់​យក​ឳ​កាស​»​នេះ ចាត់វិធានការ​មាំទាំ​និង​ស្វែង​យ​ល់អោយ​ត្រឹមត្រូវ​អំពី​ចិន​​នេះ​បើ​តាម​ក្រសួង​ការបរទេស​ចិន​ចេញផ្សាយ​របាយការណ៍​សង្ខេប​មួយ​កាលពី​ថ្ងៃ​សៅរ៍​។​

​លោក​វ៉ាង​បាន​និយាយថា « មូលហេតុ​ឬ​សគល់​នៃ​បញ្ហា​នៅក្នុង​ការទាក់ទង​រវាង​អូស្ត្រាលី​និង​ចិន​នៅ​ប៉ុន្មាន​ឆ្នាំ​មកនេះ ស្ថិត​លើ​ការ​ចចេស​រឹងរូស​របស់​រដ្ឋាភិបាល​អូស្ត្រាលី​មុនៗ ដែល​ចាត់ទុក​ចិន​ជា​”​គូប្រ​​ឆាំង​”​មួយ និង​ជា​”​ការ​គំរាម​”​មួយ​។​សម្តី​និង​អំពើ​របស់​អូស្ត្រាលី​បែប​កន្លងមកមិន​ទទួលខុសត្រូវ​»​។​

​សូមបញ្ជាក់​ថា ចិន​បាន​និង​កំពុង​រឹតបន្តឹង​ការនាំ​ចូល​ធ្យូងថ្ម​និង​ផលិតផល​ដទៃ​ទៀត​ពី​អូស្ត្រាលី​ចាប់តាំងពី​ឆ្នាំ​២០២០​។ ក្នុងចំណោម​ទុក្ខសោក​របស់​រដ្ឋាភិបាល​ទីក្រុង​ប៉េកាំងចំពោះរដ្ឋាភិបាលទីក្រុងកង់បេរ៉ា គឺ​រួមមាន ការអំពាវនាវ​របស់​​រដ្ឋាភិបាល​ទីក្រុង​កង់​បេរ៉ា​អោយ​បើ​កការស៊ើបអង្កេត​ពេញលេញ​ជា​អន្តរជាតិ​អំពី​ប្រភព​ជំងឺ​កូវី​ដ​១៩ ការស៊ើបអង្កេត​លើ​ការចោទប្រកាន់ថា ចិន​ជ្រៀតជ្រែក​នយោបាយ​អូស្ត្រាលី និង​បំរាម​មិន​អោយ​ក្រុម​​ហ៊ុន​បច្ចេកវិទ្យា​ហួរ​វ៉េ (Huawei)​ចូល​ក្នុង​បណ្តាញ​5G​របស់​អូស្ត្រាលី​។​

​រដ្ឋមន្ត្រីការបរទេស​អូស្ត្រាលី បាន​និយាយ​កាលពី​ថ្ងៃ​សុក្រ​ថា ជំនួប​ជាមួយ​សម​ភាគី​ចិន ជា​ជំហាន​ដំបូង​ឆ្ពោះទៅ​កាន់​ការធ្វើអោយ​ទំនាក់ទំនង​មាន​ស្ថិរភាព​តែ​ថា​វា​ត្រូវការ​ពេល​សំរាប់​រដ្ឋាភិបាល​ទីក្រុង​​ប៉េកាំង​ដកចេញ​ការ​រាំងខ្ទប់​ពាណិជ្ជកម្ម​លើ​អូស្ត្រាលី​។​

​អូស្ត្រាលី​ក៏​បាន​សម្តែង​ការព្រួយបារម្ភ​អំពី​វត្តមាន​កាន់តែ​កើន​ឡើង​របស់​ចិន​នៅ​តំបន់​ប៉ាស៊ីហ្វិក ដោយ​នាយក​រដ្ឋមន្ត្រី អ៊ែន​ថូ​នី អាល់​បា​នី​ស បាន​ព្រមាន​កាលពី​ថ្ងៃ​សុក្រ​ថា រដ្ឋាភិបាល​ទីក្រុង​ប៉េកាំ​ង​បាន​និងកំពុងតែ«​​គឃ្លើននិង​បំពាន​ឡើង​»​។​

តែ​លោក​វ៉ាង​ក៏​បាន​ប្រាប់​លោក​ស្រី​វ៉ុង​ថា ចិន​បាន​«​ធ្វើ​ការដោះដូរ​ពាណិជ្ជកម្មនិង​សហការ​បែប​ស្មើភាព​»​ជាមួយ​បណ្តា​ប្រទេស​ដែន​កោះ​នៅ​ប៉ាស៊ីហ្វិក ដោយ​ផ្អែក​លើ​សំណើ​និង​តំរូវការ​របស់​គេ ៕

​រដ្ឋមន្ត្រីការបរទេស​ចិន​លោក វ៉ាង យី និង សម​ភាគី​អូស្ត្រាលី​លោកស្រី ផេននី វ៉ុង នៅក្រៅ​កិច្ចប្រជុំ​G20​នៅ​កោះ​បាលី ប្រទេស​ឥណ្ឌូនេស៊ី​កាលពី​ថ្ងៃ​សុក្រ​។​លោក​វ៉ាង​បាន​សង្កត់ធ្ងន់​អំពី​សារសំខាន់​នៃ​ការ​​ប្រកាន់​ពហុភាគី​និយម​និង​អភិវឌ្ឍ​ភាពជា​ដៃគូ​ក្នុងចំណោម​ប្រទេស