​ប្រែ​សម្រួលៈ​បំណង​(​ដេល្លី​ម៉េល​)៖ ទីក្រុង​ម៉ា​កាវ​របស់​ចិន​កាលពី​ថ្ងៃ​ចន្ទ​ទី​១១​កក្កដា បិទ​កាស៊ីណូ​ទាំងអស់​ជា​លើ​ដំបូង​ក្នុង​រយៈពេល​ជាង​ពីរ​ឆ្នាំ​មក​នេះ​នៅ​ពេល​អាជ្ញាធរ​ខិតខំ​តស៊ូ​ទប់​ការផ្ទុះកូ​វីដ​១៩​ដ៏​អាក្រក់​បំផុត​នៅ​មជ្ឈមណ្ឌល​ល្បែង​ធំ​បំផុត​របស់​ពិភពលោក​មួយ​នេះ​។​

​កាស៊ីណូ​ជា​ង​៣០​ក្នុង​ទីក្រុង ជាមួយ​នឹង​កន្លែង​អាជីវកម្ម​មិន​ចាំបាច់​ផ្សេងៗ​នឹង​បិទ​មួយ​សប្តាហ៍​ហើយ​ប្រជាជន​ក្នុង​ទីក្រុង​ត្រូវ​បញ្ជា​អោយ​ស្នាក់​នៅ​ក្នុងផ្ទះ​។​ប៉ូលិស​នឹង​តាមដាន​មើល​ចលនា​របស់​ប្រជា​​ជន​នៅក្រៅ​ផ្ទះ​ហើយ​នឹង​ដាក់​ពិន័យ​តឹងរ៉ឹង​ចំពោះ​អ្នក​មិន​គោរព​បទបញ្ជា​។​

​បណ្តា​មន្ទីរពេទ្យ ឳ​សថ​ស្ថាន ផ្សារ​ទំនើប ព្រមទាំង​ផ្សារ​អាហារ​បន្លែង​ស្រស់ ស្ថិត​ចំណោម​សេវា​សំខាន់​ចាំបាច់​ដែល​នៅ​បើក​ដំណើរការ​។​

​ក្រុង​ម៉ា​កាវ​បាន​កត់ត្រា​ឃើញ​អ្នក​ឆ្លងកូវី​ដ​១៩​ប្រមាណ​១.៥០០​នាក់​ចាប់​តាំងពី​ពាក់កណ្តាល​ខែ​មិថុនា​មក​។​ឥឡូវ​មនុស្ស​ប្រមាណ​១៩.០០០​នាក់​កំពុង​ក្នុង​មណ្ឌល​ចត្តា​ឡី​ស័ក នេះ​បើ​តាម​តួលេខ​របស់​រដ្ឋា​​ភិ​បាល​។​

​សូមបញ្ជាក់​ថា កាស៊ីណូ​នៅ​ម៉ា​កាវ​បាន​បិទ​ចុង​ក្រោយ​កាលពី​ខែ​កុម្ភៈ​ឆ្នាំ​២០២០​អស់​ពេល​១៥​ថ្ងៃ នៅក្នុង​ចំណាត់ការ​មិនដែល​ធ្លាប់​មាន​មួយ​ដើម្បី​ប្រយុទ្ធប្រឆាំង​នឹង​វីរុស​ឆ្លង​។​

​រដ្ឋាភិបាល​មាន​ការស្ទាក់ស្ទើរ​ក្នុង​ការបិទ​កាស៊ីណូ​ដោយសារ​ត្រូវ​រក្សា​ការងារ​ធ្វើ​។​ឧស្សាហកម្ម​នេះ​ជួល​មនុស្ស​ស្ទើរ​ទាំងអស់​ក្នុង​មួយ​ទីក្រុង​នេះ និង​ទទួលខុសត្រូវ​លើ​ចំណូល​ជាង​៨០​ភាគរយ​នៃ​តំបន់​រដ្ឋបាល​​ចិន​នេះ​។​

​តាមពិត​បណ្តា​កាស៊ីណូ​នៅ​ទីនោះ​គ្មាន​មនុស្ស​ចូល​លេង​អស់​ប៉ុន្មាន​សប្តាហ៍​មក​ហើយ​ដោយសារ​ការ​រឹតបន្តឹង​ប្រឆាំង​កូវី​ដ​១៩​។​

​ពួក​អ្នកវិភាគ​និយាយថា ការបិទ​លើក​នេះ​អាច​នឹង​ប្រើ​ពេល​ពីរ​បី​សប្តាហ៍​និង​ការ​រើប​រើ​ឡើងវិញ​នៃ​ចំណូល​អំពី​ល្បែង​អាច​នឹង​មាន​ឡើង​វិញ​នៅ​ចុង​ត្រីមាស​ទី​បី​ឬ​ទី​បួន​ឯណោះ​។​

​អាជ្ញាធរ​បាន​បន្ថែម​សណ្ឋាគារ​ពីរ​នៅ​រមណីយដ្ឋាន​កាស៊ីណូ​ដ៏​ពេញនិយម​ដើម្បី​ប្រើ​ជា​កន្លែង​ពិនិត្យ​ព្យាបាល​កូវី​ដ ក្នុងពេល​ខ្លួន​បង្កើន​សមត្ថភាព​ដោះស្រាយ​កំណើន​នៃ​ការឆ្លង​។​

​សូមបញ្ជាក់​ថា ប្រជាជន​ម៉ា​កាវ​ជាង​៩០​ភាគរយ​បាន​ចាក់​វ៉ាក់សាំង​ការពារកូ​វីដ​១៩​ពេញលេញ តែ​នេះ​ជា​លើកដំបូង​ដែល​ទីក្រុង​ល្បែង​នេះ​ជួប​ការវាយប្រហារ​ពី​វីរុស​អូ​មី​ក្រុង​បំប្លែង​ខ្លួន​ចម្លង​លឿន​៕

​អ្នកក្រុង​ម៉ា​កាវ ពាក់​ម៉ាស់​និង​ធ្វើតេស្តិ៍​រក​កូវី​ដ​១៩ នៅពេល​កាស៊ីណូ​និង​កន្លែង​អាជីវកម្ម​មិន​ចាំបាច់​ត្រូវ​បិទ​ក្នុង​ទីក្រុង​នេះ​កាលពី​ថ្ងៃ​ចន្ទ​