​ប្រែ​សម្រួល : កញ្ញា​ដា​លី​ស (​ស្ត្រេត​ថែមស៍​) ៖ យោងតាម​ប្រភព​នានា​បាន​ឱ្យដឹងថា ជនសង្ស័យ​នៅក្នុង​ការបាញ់សម្លាប់​អតីត​នាយករដ្ឋមន្ត្រី ស៊ិន​ហ្សូ អាបេ បាន​និយាយថា​កាំភ្លើង​ច្នៃ​រាង​ម៉ាស៊ីន​ថត​​របស់​អ្នកកាសែត​ដែល​ប្រើ​ក្នុង​ការវាយប្រហារ “​ត្រូវបាន​រចនា​ឡើង​ដើម្បី​បាញ់​គ្រាប់​ចេញ​ម្តង​ចំនួន​ប្រាំមួយ​គ្រាប់​ក្នុងពេល​តែមួយ​”​។​

​កាំភ្លើង​ស្រដៀង​គ្នា​នេះ​មួយចំនួន​ត្រូវបាន​រកឃើញ​នៅផ្ទះ​របស់​ជនសង្ស័យ​ឈ្មោះ តេត​ស៊ូ​យ៉ា យ៉ាម៉ា​ហ្គាមី (Tetsuya Yamagami)​អាយុ ៤១ ឆ្នាំ ជា​អតីត​សមាជិក​កងកម្លាំង​ស្វ័យការពារ​ដែនសមុទ្រ គ្មាន​ការងារ​ធ្វើ​។​

​ប៉ូលិស​ខេត្ត​ណា​រ៉ា​ជឿថា យ៉ាម៉ាហ្គា​មីបា​ន​បង្កើត​គំរូ​កាំភ្លើង​ច្នៃ​ជាច្រើន ហើយ​ជ្រើសរើស​កាំភ្លើង​សាហាវ​បំផុត​ដើម្បី​ប្រព្រឹត្ត​បទឧក្រិដ្ឋ​។​

​យ៉ាម៉ាហ្គា​មី​ត្រូវបាន​ចាប់ខ្លួននៅក​ន្លែ​ង​កើត​ហេតុ​នៃ​ការបាញ់ប្រហារ​កាលពី​ថ្ងៃ​សុក្រ ទី ៨ កក្កដា​។​

​លោក​អាបេ​អាយុ ៦៧ ឆ្នាំ​ត្រូវបាន​បាញ់ប្រហារ​នៅ​ទីក្រុង​ណា​រ៉ា​ភាគ​ខាង​លិច​នៅ​ម៉ោង ១១៖៣០ ព្រឹក​ថ្ងៃ​សុក្រ ហើយ​បាន​ស្លាប់​នៅ​មន្ទីរពេទ្យ​។​

​លោក​អាបេ ជា​នាយករដ្ឋមន្ត្រី​កាន់​អំណាច​យូរ​បំផុត​របស់​ជប៉ុន​បាន​កំពុង​ធ្វើ​យុទ្ធនាការ​សម្រាប់​បេក្ខជន​គណបក្ស​ប្រជាធិបតេយ្យ​សេរី​ក្នុងការ​ឈរឈ្មោះ​បោះឆ្នោត​សភា​ជាន់ខ្ពស់​នៅ​ថ្ងៃអាទិត្យ​ទី​១០​កក្កដា​។ គាត់​កំពុង​ថ្លែង​សុន្ទរកថា​នៅ​ជិត​ស្ថានីយ​រថភ្លើង​យ៉ាម៉ា​តូ​-​សៃ​ដៃជី (Yamato-Saidaiji) នៅ​ពេល​គាត់​ត្រូវ​គេ​បាញ់​ពី​ខាងក្រោយ​៕

​ជនសង្ស័យ​បាញ់សម្លាប់​អាបេ ឈ្មោះ តេត​ស៊ូ​យ៉ា យ៉ាម៉ា​ហ្គាមី​