​ប្រែ​សម្រួល : កញ្ញា​ដា​លី​ស (​ប៊ី​ប៊ីស៊ី​) ៖ តារា​វាយ​តេ​ន្នី​ស ណូ​វ៉ាក់ ឌី​ចូ​កូវិក (Novak Djokovic) បាន​គូសបញ្ជាក់​ពី​ភាព​ខ្លាំង​របស់​ខ្លួន​នា​ពេល​ថ្មីៗ​នេះ​នៅ​កម្មវិធី Wimbledon​ជាមួយនឹង​ការ​វាយ​សម្រុក​និង​គ្រប់គ្រង​លើ​កីឡាករ​អូស្ត្រាលី នី​ក ឃី​រៀស (Nick Kyrgios) ដើម្បី​ឈ្នះ​ពាន​ឯកត្តជន​បុរស​ជា​លើក​ទី​បួន​ជាប់ៗ​គ្នា​។​

​កីឡាករ​ឌី​ចូ​កូវិក​សញ្ជាតិ​សែ​ប៊ី វ័យ ៣៥ ឆ្នាំ បាន​ចាញ់​សិតទី​១​បន្ទាប់​ពី​ការ​វាយ​កូន​បាល់​យ៉ាង​ស្អាត​ពី​ឃី​រៀស ប៉ុន្តែ​បាន​បញ្ចប់​ដោយ​ការ​ឈ្នះ​ក្នុង​ពិន្ទុ ៤-៦ ៦-៣ ៦-៤ ៧-៦ (៧-៣) នៅលើ​ទីលាន​។​

​វា​គឺជា​ជើង​ឯកបុរស SW19 ទី​ប្រាំពីរ​របស់​ឌី​ចូ​កូវិក ហើយ​មាន​តែ រ៉ូ​ជើ ហ្វេ​ដេរ័រ (Roger Federer) ប៉ុណ្ណោះ​ដែល​មានពាន​ច្រើនជាង​។​

​ជ័យជម្នះ​នេះ​ក៏​បាន​ធ្វើឱ្យ​រូបគេ​ចាញ់​តែ​១​ពាន​ប៉ុណ្ណោះ​ពី​កំណត់ត្រា​ពាន​វិញ្ញាសា​បុរស​ចំនួន ២២ របស់​រ៉ា​ហ្វា​អែល ណា​ដាល់ (Rafael Nadal)​។​

​កំពូល​តារាតេ​ន្នី​ស ឌី​ចូ​កូវិក បានចាប់ផ្តើម​ការប្រកួត​រាង​យឺត​ជាង​គូប្រកួត​អាយុ ២៧ ឆ្នាំ​របស់​គាត់ ដែល​ដំបូង​ឡើយ​ហាក់​មិន​ញញើត​ទាល់តែសោះ​នៅ​ក្នុង​ការប្រកួត​ផ្តាច់ព្រ័ត្រ Grand Slam ដំបូង​របស់​គេ​។​

​ប៉ុន្តែ​កីឡា​ករសែ​ប៊ី​រូបនេះ​មិន​បាត់បង់​ជំនឿ​ទេ ខណៈ​រូបគេ​បានបង្ហាញ​បទពិសោធន៍​ទាំងអស់​របស់​ខ្លួន និង បង្វែរ​ប្រៀប​ឈ្នះ​មកវិញ​។​

​ឃី​រៀស​បាន​និយាយ​នៅពេល​រូបគេ​អបអរសាទរ​ឌី​ចូ​កូវិក យ៉ាង​ដូច្នេះ​ថា “​គាត់​មានសំណាង​ជួយ ខ្ញុំ​មិន​និយាយ​កុហក​ទេ​។ ខ្ញុំ​គិតថា​ខ្ញុំ​លេង​ល្អ​ជាង​”៕

​ឌី​ចូ​កូវិក​ឈ្នះ​ពានរង្វាន់ Wimbledon ដែល​ជា​ពាន​ឯកត្តជន​បុរស​ជា​លើក​ទី​បួន​ជាប់ៗ​គ្នា​កាលពី​ថ្ងៃអាទិត្យ