​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ អ្នកលក់​ត្រី​ម្នាក់​បាន​ទិញ​ត្រី​ហា​លី​បាត់ (Halibut)​ទម្ងន់ ១២១ គីឡូក្រាម និង​ប្រវែង ១,៨២ ម៉ែត្រ ដែល​ប្រើ​មនុស្ស​បួន​នាក់​ជួយ​លើក​ទើប​រួច​។​

​នាង ក្លែ វែលស៍ (Clare Welsh) ទទួល​បាន​ត្រី​ធំ​សម្បើម ដែល​ថ្លឹង​ជញ្ជីង​មាន​ទម្ងន់ ១២១ គ​.​ក​នេះ​កាលពីដើម​សប្តាហ៍​នេះ ហើយ​បាន​និយាយថា​វា​ត្រូវការ​មនុស្ស​បួន​នាក់​ជួយ​លើក​ទើប​​រួច​នៅ​ឯ​ហាង​លក់​ត្រី Welsh Fishmongers ក្នុង​ទីក្រុង​អេដី​ន​បឺក (Edinburgh) ។​

​ស្ត្រី​វ័យ ៣៣ ឆ្នាំ​រូប​នេះ​បាន​និយាយថា ត្រី​នេះ​ត្រូវ​គេ​ចាប់បាន​នៅ​សមុទ្រ​ខាងជើង​កាលពី​ថ្ងៃ​ចន្ទ​សប្តាហ៍​មុន ហើយ​បាន​នាំយក​ទៅ​ទីក្រុង​ភី​ត​ធឺ​ហេ​ដ (Peterhead)​ជា​កន្លែង​ដែល​នាង​ទិញ​​វាពី​អ្នកនេសាទ មុន​ពេល​ដឹក​វា​ទៅ​កាន់​ទីក្រុង​អេឌីន​បឺ​កនៅ​ថ្ងៃ​អង្គារ ទី​៥ កក្កដា​។​

​អ្នកលក់​ត្រី​ឈ្មោះ ជី​មមី ម៉ាក (Jimmy Mac) បាន​ដេក​ថត​ជាមួយនឹង​ត្រី​ដ៏​ធំ​សម្បើម​នេះ ដោយ​បង្ហាញ​មាឌ​ដ៏​ធំ​របស់​វា​ធៀប​ទៅ​នឹង​កម្ពស់ ១,៧៧ ម៉ែត្រ​របស់គាត់​។​

​ឥឡូវនេះ ត្រី​នេះ​ត្រូវបាន​កាត់​ជា​កង់ៗ​ច្រក​ប្រអប់​ចំនួន ៤៥០ ហើយ​នឹង​ត្រូវ​លក់​ទៅ​ភោជនីយដ្ឋាន​នានា​ជុំវិញ​រដ្ឋធានី ក៏​ដូចជា​ហាង​ដែល​បើក​ជា​លក្ខណៈ​គ្រួសារ​នៅ​ស្កុត​ឡែន​ផងដែរ​៕

​អ្នកលក់​ត្រី​ឈ្មោះ ជី​មមី ម៉ាក ដេក​ថត​ជាមួយនឹង​ត្រី​ហា​លី​បាត់ (Halibut) ទម្ងន់ ១២១ គីឡូក្រាម និង​ប្រវែង ១,៨២ ម៉ែត្រ​