​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ ប្រធានាធិបតី​រុស្ស៊ី​លោក វ្ល៉ា​ឌី​មៀ ពូ​ទីន បាន​ចុះហត្ថលេខា​លើ​ក្រឹត្យ​មួយ​ដើម្បី​ពន្លឿន​ការផ្តល់​សញ្ជាតិ​រុស្ស៊ី​ដល់​ពលរដ្ឋ​អ៊ុយ​ក្រែន​ទាំងអស់​នៅក្នុង​តំបន់​ដែល​ខ្លួន​​កាន់កាប់​។​

​រហូតមក​ទល់​ពេល​ថ្មីៗ​នេះ​មាន​តែ​អ្នកស្រុក​នៃ​តំបន់​ដូណិត​ស៍​និង​លូ​ហាន​ស៍ភាគ​ខាងកើត​នៃ​ប្រទេស​អ៊ុយ​ក្រែន​ក៏ដូចជា​ប្រជាជន​នៅតំ​បន់​ហ្សា​ប៉ូរី​ហ្ស​ហ្សា (Zaporizhzhia) និង​ឃើ​សិន (Kherson) ភាគខាងត្បូង ដែល​ជា​ផ្នែក​ធំ​មួយ​ស្ថិត​ក្រោម​ការគ្រប់គ្រងរ​បស់​រុស្ស៊ី​ប៉ុណ្ណោះ មាន​សិទ្ធិ​ទទួលបាន​នីតិវិធី​ទទួល​សញ្ជាតិ​សាមញ្ញៗ​នេះ​។​

​នៅ​ចន្លោះ​ឆ្នាំ ២០១៩ នៅពេល​ដែល​នីតិវិធី​នេះ​ត្រូវបាន​ណែនាំ​ជា​លើក​ដំបូង​សម្រាប់​អ្នកស្រុក​ដូណិត​ស៍​និង​លូ​ហានស៍ ហើយ​នៅ​ឆ្នាំ​នេះ​អ្នកស្រុក​ជាង ៧២០.០០០​នាក់​នៃ​តំបន់​កាន់កាប់​ដោយ​ក្រុម​​ឧទ្ទាម​នៅក្នុង​តំបន់​ទាំងពីរ ពោល​ប្រហែល ១៨ ភាគរយ​នៃ​ចំនួន​ប្រជាជន​ទាំង​នេះ បាន​ទទួល​លិខិត​ឆ្លងដែន​រុស្ស៊ី​។​

​នៅ​ចុងខែ​ឧសភា​ឆ្នាំនេះ ពោលគឺ​បី​ខែ​បន្ទាប់​ពី​រុស្ស៊ី​ចូលលុកលុយ​អ៊ុ​យក្រែន នីតិវិធី​លឿនៗ​នេះ​ក៏​ត្រូវបាន​ផ្តល់ជូន​អ្នកស្រុក​នៃ​តំបន់​ហ្សា​ប៉ូរី​ហ្ស​ហ្សា​និង​ឃើ​សិន​ដែរ​។​

​កាល​ពី​មួយ​ខែ​មុន លិខិតឆ្លងដែន​រុស្ស៊ី​ដំបូង​គេ​ត្រូវបាន​រាយការណ៍​ថា​បានប្រគល់​នៅ​ទីនោះ​។​

​ក្រឹត្យ​នេះ​ក៏​អនុវត្ត​ចំពោះ​ជន​គ្មាន​សញ្ជាតិ​ទាំងឡាយ ដែល​បច្ចុប្បន្ន​កំពុង​រស់នៅ​អ៊ុយ​ក្រែន​ផងដែរ​។​

​មន្ត្រី​អ៊ុយ​ក្រែន​មិនទាន់​មាន​ប្រតិកម្ម​ចំពោះ​ការប្រកាស​របស់​លោក​ពូ​ទីន​នៅឡើយ​ទេ​។​

​ចំណាត់ការ​ចេញ​លិខិត​ឆ្លងដែន​នេះ​ហាក់ជា​ផ្នែក​មួយ​នៃ​យុទ្ធសាស្ត្រ​របស់​មេដឹកនាំ​រុស្ស៊ី ដែល​អាចពាក់ព័ន្ធ​នឹង​ការ​កាត់​យក​ទឹកដី​បញ្ចូល​ទៅក្នុង​សហព័ន្ធរុស្ស៊ី​ផងដែរ​។​

​គាត់​បានកំណត់​ដំណាក់កាល​សម្រាប់​ការ​ចំណាត់ការ​បែបនេះ​សូម្បី​មុនពេល​ការ​លុកលុយ​ទៅទៀត ដោយ​លោក​សរសេរ​អត្ថបទ​មួយ​កាល​ពី​រដូវក្តៅ​ឆ្នាំមុន ដោយ​អះអាងថា​ជនជាតិ​រុស្ស៊ី​និង​អ៊ុ​យក្រែន​​គឺ​ជា​ប្រជាជន​តែមួយ និង​ព្យាយាម​បន្ថយ​ភាពស្របច្បាប់​របស់​អ៊ុយ​ក្រែ​នក្នុងនាម​ជា​ប្រទេស​ឯករាជ្យ​មួយ​៕

​ប្រធានាធិបតី​រុស្ស៊ី​លោក វ្ល៉ា​ឌី​មៀ ពូ​ទីន​