​ប្រែ​សម្រួល : កញ្ញា​ដា​លី​ស (​ស្ត្រេត​ថែមស៍​) ៖ ទីភ្នាក់ងារ​សុខភាពរ​បស់​សហភាព​អឺរ៉ុប​កាលពី​ថ្ងៃ​ចន្ទ​ទី ១១​ខែកក្កដា​បាន​ផ្តល់​អនុសាសន៍​ឱ្យ​ចាក់​វ៉ាក់សាំង​កូវី​ដ​១៩​ដូស​ជំរុញ​ទីពីរ​សម្រាប់​អ្នកគ្រប់គ្នា​​ដែល​មាន​អាយុ​លើសពី ៦០ ចំ​ពេល​មាន​ការកើនឡើង​ថ្មី​នៃ​ករណី​ឆ្លង​និង​ការ​សម្រាក​ព្យាបាល​នៅ​មន្ទីរពេទ្យ​នៅ​ទូ​ទាំង​ទ្វីបអឺរ៉ុប​។​

​ខណៈ​វ៉ាក់សាំង​ការពារ​មេរោគ​ដែល​មាន​ស្រាប់​នៅតែ​បន្ត​ផ្តល់​ការការពារ​ដ៏​ល្អ​ប្រឆាំង​នឹង​ការ​សម្រាក​ព្យាបាល​នៅ​មន្ទីរពេទ្យ​និង​ការស្លាប់ ប្រសិទ្ធភាព​នៃ​វ៉ាក់សាំង​បាន​រង​នូវ​ផល​ប៉ះពាល់​យ៉ាងខ្លាំង នៅពេល​ដែល​មេរោគ​កូរ៉ូ​ណាវិវ​ត្តខ្លួន​។​

​ស្នងការ​សុខភាព​សហ​ភាព​អឺរ៉ុប លោកស្រី ស្តែល​ឡា គី​រី​អាគី​ដេស (Stella Kyriakides) បាន​និយាយ​នៅក្នុង​សេចក្តីថ្លែងការណ៍​មួយ​ថា​”​វា​មាន​សារៈសំខាន់​ណាស់​ដែល​មនុស្ស​គ្រប់រូប​ដែល​​មាន​អាយុ​លើសពី ៦០ ឆ្នាំ និង​អ្នក​ដែល​ងាយ​រងគ្រោះ​ទាំងអស់​ចេញ​មក​ដើម្បី​ទទួលដូស​ជំរុញ​ទីពីរ​ឱ្យ​បាន​លឿន​តាម​ដែល​អាច​ធ្វើទៅបាន​”​។​

​ទីភ្នាក់ងារ​សុខភាព​ស​ហ​ភាព​អឺរ៉ុប​ចាប់តាំងពី​ខែ​មេសា​មក​បាន​ផ្តល់​អនុ​សាសន៍​ចាក់ដូស​ជំរុញ​ទីពីរ​សម្រាប់តែ​អ្នក​ដែល​មាន​អាយុ​លើសពី ៨០ ឆ្នាំ និង​អ្នក​ដែល​ងាយ​រងគ្រោះ​បំផុត​ប៉ុណ្ណោះ​។​

​អនុសាសន៍​ថ្មី​នេះ​ត្រូវ​គេ​រំពឹងថា​នឹង​ជួយ​សម្រួល​ដល់​ការសម្រេចចិត្ត​ថ្នាក់ជាតិ​ដើម្បី​បង្កើន​ល្បឿន​យុទ្ធនាការ​ចាក់​វ៉ាក់សាំង ដែល​កំពុង​មាន​ល្បឿន​យឺត​ដល់​កម្រិត​ជិត​បញ្ឈប់​ក្នុង​រយៈពេល​ប៉ុន្មាន​ខែ​ថ្មីៗ​នេះ​។​

​លោក​វេជ្ជបណ្ឌិត អង់​ដ្រេ អាម​ម៉ុន (Andrea Ammon) បាន​និយាយ​នៅក្នុង​សេចក្តីថ្លែងការណ៍​មួយ​ថា “​បច្ចុប្បន្ន​យើង​កំពុង​មើល​ឃើញ​ការកើនឡើង​អត្រា​ឆ្លង​ករណី​កូវី​ដ​១៩​និង​និន្នាការ​កើន​​ឡើង​ក្នុង​ការ​ចូល​ដេក​នៅ​មន្ទីរពេទ្យ និង​បន្ទប់ ICU​ជំរុញ​ដោយ​មេរោគ​បំប្លែង BA 5 របស់​មេរោគ​អូ​មី​ក្រុង​”៕

ទីភ្នាក់ងារ​សុខភាព​ស​ហ​ភាព​អឺរ៉ុប​ចាប់តាំងពី​ខែ​មេសា​មក​បាន​ផ្តល់​អនុ​សាសន៍​ចាក់ដូស​ជំរុញ​ទីពីរ​សម្រាប់តែ​អ្នក​ដែល​មាន​អាយុ​លើសពី ៨០ ឆ្នាំ និង​អ្នក​ដែល​ងាយ​រងគ្រោះ​បំផុត​ប៉ុណ្ណោះ