ដោយៈ​ទេ​ពក​ង្រី​/​កំពង់ឆ្នាំង​៖​ លោក ឈួ​រ សុ​បញ្ញា ប្រតិភូ រាជរដ្ឋាភិបាល ទទួលបន្ទុក​ជា​អគ្គនាយក នៃ​មូលនិធិ​ជាតិ​ជំនួយ​សង្គម​បាន​ផ្តាំផ្ញើ​ដល់​មន្ត្រី​ប្រតិបត្តិ​ទ​ទូល​បន្ទុក​អនុវត្ត​កម្មវិធី​ការចុះ​កំណត់​អត្តសញ្ញាណ​កម្ម​គ្រួសារ​ក្រីក្រ​នៅ​មូលដ្ឋាន​ឱ្យមាន​តម្លាភាព ត្រឹមត្រូវ​និង ច្បាស់លាស់​។

​លោក​បាន​ផ្តាំផ្ញើ​បែបនេះ​នៅ​ក្នង​ឱកាស​ដែល​លោក​អញ្ជើញ​អធិបតី​ក្នុង​ពិធី​បិទ​កិច្ចប្រជុំ​បូកសរុប​លទ្ធផល​ឆមាស​ទី​១​និង​លើក​ទិសដៅ​អនុវត្ត​ឆមាស​ទី​២​ឆ្នាំ​២០២២​កម្មវិធី​ឧ​ប​ត្ត​ម​សាច់ប្រាក់​ជូន​ស្ត្រី​មាន​ផ្ទៃពោះ​និង​កុមារ​អាយុ​ក្រោម​២​ឆ្នាំ​និង​ការកំណត់​អត្តសញ្ញាណ​កម្ម​ពិការភាព​និង​គម្រោង​គាំទ្រ​កម្មវិធី​ចាក់​វ៉ាក់់សាំង​កូ​វីដ​១៩​កាល រសៀល​ថ្ងៃទី​១១ ខែកក្កដា ឆ្នាំ​២០២២ នៅ​សាលប្រជុំ​សាលាខេត្ត​កំពង់ឆ្នាំង​។​

លោក ឈួ​រ សុ​បញ្ញា បាន​បញ្ជាក់ថា រាជរដ្ឋាភិបាល​ក្រោម​ការដឹកនាំ​របស់​សម្តេច​អគ្គមហាសេនាបតី​តេ​ជោ ហ៊ុនសែន​នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បានគិត​គូរ​ពី​ជីវភាព​រស់នៅ​និង​សុខមាលភាពរ​របស់​បង​ប្អូន​ប្រជាពលរដ្ឋ​គ្រប់​ទីកន្លែង​និង​គ្រប់ពេលវេលា ។​ទន្ទឹមនឹងនោះ​រាជរដ្ឋាភិបាល​បានផ្តល់​នូវ​ការឧបត្ថម្ភ​សាច់ប្រាក់ ជូន​ដល់​ស្ត្រី​មាន​ផ្ទៃពោះ និង​កុមារ​អាយុ​ក្រោម​២​ឆ្នាំ កម្មវិធី​ឧបត្ថម្ភ​សាច់ប្រាក់​ជូន​គ្រួសារ​ក្រក្រី និង​ងាយ​រងគ្រោះ​ក្នង​អំឡុងពេល​ប្រយុទ្ធ​និង​ជំងឺ​កូ​វីដ​១៩ ។

​ក្នុងឱកាស​នោះ​លោក​បាន​រំលឹក​ដល់​លោក លោកស្រី​ប្រធានការិយាល័យ​ជំនាញ ក្រុង ស្រុក មេឃុំ ចៅសង្កាត់ និង មន្ត្រី​ទទួលបន្ទុក​អនុវត្ត​កម្មវិធី​នៅ​ឃុំ សង្កាត់ និង មណ្ឌល​សុខាភិបាល​សាធារណ​តាម​មូលដ្ឋាន​ទាំងអស់​ទៅ​បម្រើ​ប្រជាពលរដ្ឋ​ដោយ​អនុវត្តតាម​ស្ថានភាព​ជាក់ស្ដែង​នៅ​មូលដ្ឋាន​របស់ខ្លួន​ដើម្បី​ចែករំលែក​បទពិសោធន៍​ការអនុវត្ត​ការងារ​នៅពេល​ពិភាក្សា​ក្នុង​កិច្ចប្រជុំ​នាពេលនេះ​៕​សរន​-PC