ដោយៈ ភ្នំ​ស្វាយ / បន្ទាយ​មាន​ជ័​យៈ ក្រុមសិស្ស​ស្ម័គ្រចិត្ត មកពី​វិទ្យាល័យ​អា​រទូ​រ៉ូ សូ​រ្យា (Arturo Soria High School) រដ្ឋធានី​ម៉ា​ឌ្រី​ដ (Madrid) ប្រទេស​អេ​ស្ប៉ា​ញ និង​ក្រុមការងារ ចំនួន ២០ នាក់ បាន​នឹង​កំពុង​មក​ចូលរួម​សំអាត​ថ្ម ក្នុង​ការដ្ឋាន ជួសជុល រោងទង​ទី​បី ផ្នែក​ខាងជើង ឈាង​ខាងលិច ប្រាសាទបន្ទាយឆ្មារ ឃុំ​បន្ទាយឆ្មារ​ស្រុក​ថ្មពួក ខេត្តបន្ទាយមានជ័យ ។ នេះ​បើតាម​លោក តាត សុផល ប្រធាន​គ្រប់គ្រង​ទូទៅ នៃ​សហគមន៍ ទេសចរណ៍ ប្រាសាទបន្ទាយឆ្មារ បាន​ប្រាប់​កាសែត​រស្មី​កម្ពុជា នៅ​ព្រឹក​ថ្ងៃទី​១២ ខែកក្កដា ឆ្នាំ​២០២២ នេះ​។​

​លោក​បាន​បន្តថាៈ សិស្ស និង​ក្រុមការងារ​ស្ម័គ្រចិត្ត​អេ​ស្ប៉ា​ញ​នេះ ត្រូវ​មក​បំពេញ ការងារ ពីថ្ងៃ​ទី​១០ ដល់ ១៦ ខែកក្កដា ឆ្នាំ​២០២២ នៅ​បន្ទាយឆ្មារ មានដូចជា ការងារ​បង្ហា​ត់បាល់ ទាត់ ដល់​សិស្សសាលា​បឋមសិក្សា បន្ទាយឆ្មារ – ចូល​រួបរួម ជួសជុល ប្រាសាទបន្ទាយឆ្មារ – ដាំ​ដើមឈើ​បេង និង​ធ្នង់ ក្នុង​ប្រាសាទ​ចំនួន ៦០ ដើម ។​

​លោក តាត សុផល បាន​បន្តថាៈ ក្រុមការងារ​ជួសជុល​ប្រាសាទ និង​សហគមន៍ ទេសចរណ៍ នៅ​បន្ទាយឆ្មារ រីករាយ ទទួល​សម្របសម្រួល សហប្រតិបត្តិ​ជាមួយ ក្រុម​ស្ម័គ្រចិត្ត​សិស្ស អេ​ស្ប៉ា​ញ​នេះ ក៏​ដូច​ក្រុម​ផ្សេងទៀត ទាំង​បរទេស និង​ទាំង​ជាតិ ក្នុង​ការចូល​រួមការ​ងារ ក៏ដូចជា​ទស្សនា នៅ​តំបន់​ប្រាសាទបន្ទាយឆ្មារ ៕/V​-PC