ដោយ​: បូកគោ​/​កំពត​: ក្រុមហ៊ុន​ស៊ី​ណូ​ហាយ​ដ្រូ​​កាលពី​យប់​ថ្ងៃទី​១២ ខែកក្កដា ឆ្នាំ​២០២២ បានសម្រេច​បើកទ្វារ​បង្ហូរទឹក​ចេញ ខណ​:​ដែល​កម្ពស់​ទឹក​ក្នុង​អាង​ស្តុក​នៃ​ទំនប់​វា​រី​អគ្គិសនី​កំចាយ​ឡើងដល់​កម្រិត​អតិបរិមា​។​

​សេចក្តីប្រកាស​របស់​ក្រុមហ៊ុន​ខាងលើ​មាន​ខ្លឹមសារ​ថា នៅវេលា​ម៉ោង​១០​យប់ ថ្ងៃទី​១២ ខែកក្កដា ក្រុមបច្ចេកទេស​បាន​បើក​បង្ហូរទឹក​ចេញពី​អាង​ស្តុក​ព្រោះ​កម្រិត​ទឹកបាន​ឡើងដល់​កម្ពស់​១៤៦,៩២​ម៉ែត្រ ដោយ​ទឹក​ហូរ​ចូល​មាន​ចំណុះ ១.៦២០,៤០​ម៉ែត្រត្រីគុណ​ក្នុង​មួយ​វិនាទី​។

​ក្រុមការងារ​បច្ចេកទេស​បាន​បើកទ្វារ​ទឹក​ចំនួន​បួន​ដោយ​លើក​ផុតពី​បាត​ទំនប់​កម្ពស់​២​ម៉ែត្រ​។ ការបើក​បង្ហូរទឹក​ចេញ​មាន​ចំណុះ​១.០១៩,៧០​ម៉ែត្រត្រីគុណ​ក្នុង​មួយ​វិនាទី​៕​