​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ មន្ទីរ​បញ្ច​កោណ​និង​អង្គការ​ក្នុងស្រុក​នានា​បាន​និយាយថា បុរស​ម្នាក់​ដែល​មន្ត្រី​អាម៉េរិក​ហៅថា​ជា​មេដឹកនាំ​ក្រុម​សកម្មប្រយុទ្ធ​រដ្ឋ​អ៊ីស្លាម​នៅក្នុង​ប្រទេស​ស៊ី​រី ត្រូវបាន​សម្លាប់​កាលពី​ថ្ងៃ​អង្គារ​ទី​១២​កក្កដា​នៅក្នុង​ការវាយប្រហារ​ដោយ​ដ្រូ​ន ខណៈ​ជននេះ​កំពុង​ជិះ​ម៉ូតូ​នៅ​តំបន់​ភាគ​ខាងជើង​ប្រទេស​។​

​អ្នកនាំពាក្យ​របស់​ទីបញ្ជាការ​កណ្តាល​របស់​មន្ទីរ​បញ្ច​កោណ​លោក​វរសេនីយ៍ទោ ដេ​វ អ៊ី​សបឺន (Dave Eastburn) ប្រាប់​ទីភ្នាក់ងារ​សារព័ត៌មាន AFP​ថា លោក ម៉ា​ហឺ អាល់ អា​ហ្គាល់ (Maher al-Agal) ត្រូវបាន​សម្លាប់​នៅ​ជិត​ទីក្រុង​ជីន​ឌី​រ៉េ​ស (Jindires) ភាគ​ខាងជើង​ប្រទេស​ស៊ី​រី ហើយ​ជំនួយការ​កំពូល​របស់​គាត់​ម្នាក់​បាន​រងរបួស​ធ្ងន់ធ្ងរ​នៅក្នុង​ការវាយប្រហារ​នេះ​។​

​កងកម្លាំង​ការពារ​ជន​ស៊ីវិល​ស៊ី​រី​ស្ម័គ្រចិត្ត ដែល​គេ​ស្គាល់​ថា ក្រុម​”​មួកសុវត្ថិភាព​ពណ៌​ស​” បាន​និយាយថា​ការវាយប្រហារ​នេះ​បាន​កំណត់​គោលដៅ​លើ​អ្នក​ទាំង​ពីរ​ខណៈ​ពួកគេ​កំពុង​ជិះ​ម៉ូតូ​នៅ​ក្រៅ​ក្រុង​​អាឡិប​ប៉ូ (Aleppo)​។​

​ប្រធានាធិបតី ចូ បៃ​ដិន បាន​និយាយថា ការវាយប្រហារ​នេះ “​បាន​ដកចេញ​ភេរ​វករ​ដ៏​សំខាន់​មួយ​ចេញពី​ទីលាន ហើយ​ធ្វើឱ្យ​ខូច​សមត្ថភាព​របស់ ISIS យ៉ាងខ្លាំង​ក្នុង​ការរៀបចំ​ផែនការ ធនធាន និង​ប្រតិបត្តិការ​របស់​ពួកគេ​នៅក្នុង​តំបន់​”៕

​មនុស្ស​កំពុង​នាំ​គ្នា​មើល​ទីតាំង​ដែល​ដ្រូ​ន​អាម៉េរិក​សម្លាប់​មេដឹកនាំ​រដ្ឋ​អ៊ីស្លាម លោក ម៉ា​ហឺ អាល់ អា​ហ្គាល់ ក្បែរ​ក្រុង​ជីន​ឌី​រ៉េ​ស (Jindires) ភាគ​ខាងជើង​ប្រទេស​ស៊ី​រី