​ប្រែ​សម្រួលៈ​បំណង​(​ដេល្លី​ម៉េល​)៖​ជា​លើកដំបូង​ក្នុង​រយៈពេល​២០​ឆ្នាំ​មកនេះ ដែល​ប្រាក់​ដុល្លារ​អាម៉េរិក និង​ប្រាក់​អឺរ៉ូ​មាន​តំលៃ​ស្មើ​គ្នា ។​

​ប្រាក់​អឺរ៉ូ​បាន​ថ្លៃ​១២​ភាគរយ​គិត​ចាប់តាំងពី​ដើមឆ្នាំ​២០២២ និង​នៅ​ទីបំផុត​មក​នៅ​ស្មើ​ប្រាក់​ដុល្លារ​ជា​លើកដំបូង​ចាប់តាំងពី​ឆ្នាំ​២០០២ គឺ​មួយ​អឺរ៉ូ ដូរ​បាន​មួយ​ដុល្លារ​កាលពី​ថ្ងៃ​អង្គារ​ទី​១២​កក្កដា​។​ការធ្លាក់​​ថ្លៃ​នេះ​អាច​បណ្តាល​មក​ពី​សង្គ្រាម​របស់​រុស្ស៊ី​នៅ​អ៊ុ​យក្រែន នៅពេល​អឺរ៉ុប​ព្យាយាម​ពឹង​លើ​ប្រេង​និង​ហ្គាស​រុស្ស៊ី​កាន់តែ​តិច​ទៅ​ដែលនាំអោយ​មាន​ការបារម្ភ​អំពី​វិបត្តិថាម​ពលមួយ​។​

​កាលពី​ថ្ងៃ​អង្គារ​ប្រាក់​អឺរ៉ូ​និង​ដុល្លារ​មាន​តំលៃ​ស្មើគ្នា​ជា​លើកដំបូង​គិត​ចាប់តាំងពី​ឆ្នាំ​២០០២

​មុន​សង្គ្រាម អឺរ៉ុប​ទទួល​ហ្គាស​រុស្ស៊ី​ប្រមាណ​៤០​ភាគរយ​ឆ្លងតាម​បំពង់​បង្ហូរ​ហ្គាស​រុស្ស៊ី ភាគច្រើន​តាម​បំណង​បង្ហូរ​ណត ស្ទ្រី​ម ទីមួយ​(Nord Stream 1)​។​ឥឡូវ​Nord Stream 1​បាន​បិទ​ដប់​ថ្ងៃ​ដើម្បី​​ធ្វើការ​ថែ​ទាំនិង​ជួសជុល​ប្រចាំឆ្នាំ តែ​ពួក​មន្ត្រី​អឺរ៉ុប​បារម្ភ​ថា​បំពង់​បង្ហូរ​ថាមពល​នេះ​នឹង​មិន​បើក​ឆាប់ៗ​នេះ​ទេ​ដោយសារ​តែ​សង្គ្រាម​។​

សូមបញ្ជាក់ថា ​បំពង់​បង្ហូរ​ហ្គាស​នេះ​ស្ថិតនៅ​ក្រោម​សមុទ្រ​បាល់​ទិច​និង​នាំ​ហ្គាស​៥៥​លាន​ម៉ែត្រគូប​ក្នុង​មួយ​ឆ្នាំ​ទៅ​កាន់​អាល្លឺម៉ង់ ដែលបន្ទាប់មក​បែងចែក​វា​ទៅកាន់​បណ្តា​ប្រទេស​អឺរ៉ុប​ដទៃទៀត​។​

Nord Stream 1​បាន​បិទ​ដប់​ថ្ងៃ​ដើម្បី​ធ្វើការ​ថែ​ទាំនិង​ជួសជុល​ប្រចាំឆ្នាំ តែ​ពួក​មន្ត្រី​អឺរ៉ុប​បារម្ភ​ថា​បំពង់​បង្ហូរ​ថាមពល​នេះ​នឹង​មិន​បើក​ឆាប់ៗ​នេះ​ទេ​ដោយសារ​តែ​សង្គ្រាម​

​កាលពី​ថ្ងៃ​អង្គារ​ប្រាក់​អឺរ៉ូ​និង​ដុល្លារ​មាន​តំលៃ​ស្មើគ្នា​ជា​លើកដំបូង​គិត​ចាប់តាំងពី​ឆ្នាំ​២០០២ ជំរុញ​ឡើង​ដោយ​ការដំឡើង​អត្រា​ការប្រាក់​យ៉ាងគំហុក​របស់​ធនាគារ​កណ្តាល​អាម៉េរិក​និង​វិបត្តិ​ថាមពល​នៅ​អឺរ៉ុប​​។​នៅ​មួយឆ្នាំ​មកនេះ ថ្លៃ​ប្រាក់​អឺរ៉ូ​បាន​ចុះ​អស់​១៥​ភាគរយ មានន័យថា​ប្រជាជន​អាម៉េរិក​កាន់តែ​ស្រួល​ចាយវាយ​លុយ​របស់​គេ​នៅ​ពេល​ធ្វើដំណើរ​ទៅ​អឺរ៉ុប​។​

​ប្រាក់​ដុល្លារ​បាន​ឡើងថ្លៃ​ហួស​ការរំពឹង​ទុក នៅពេល​ធនាគារកណ្តាល​អាម៉េរិក​ដំឡើង​អត្រា​កា​ប្រាក់​ដើម្បី​ដោះស្រាយ​អតិផរណា​។

​នៅ​មួយឆ្នាំ​មកនេះ ថ្លៃ​ប្រាក់​អឺរ៉ូ​បាន​ចុះ​អស់​១៥​ភាគរយ

​រុស្ស៊ី​កាលពីពេល​ថ្មីៗ​បាន​កាត់បន្ថយ​ការបញ្ជូន​ហ្គាស​ទៅកាន់​អឺរ៉ុប​ចំនួន​៦០​ភាគរយ នាំ​អោយ​បណ្តា​ប្រទេស​ដែល​កំពុង​ដាក់ទណ្ឌកម្ម​រុស្ស៊ី​ស្គាល់​រសជាតិ​បំរាម​នាំចូល​ថាមពល​របស់​រុស្ស៊ី​។​

​ថ្លៃ​ហ្គាស​អឺរ៉ុប​ក៏​រង​ឥទ្ធិពល​ពី​កូដកម្ម​នៅ​បណ្តា​ទីតាំង​បូម​ប្រេង​ធំៗ​របស់ន័​រវេស​ផងដែរ​។​

​ន័​រវេស ឥឡូវ​ជាប្រទេស​ផ្គត់ផ្គង់​ហ្គាស​ធំ​បំផុត​ទី​ពីរ​ទៅ​កាន់​សហភាព​អឺរ៉ុប​បន្ទាប់​ពី​រុស្ស៊ី ដោយ​បង្ខំ​អោយ​រដ្ឋាភិបាលន័​រវេ​សត្រូ​វ​ចូលធ្វើ​អន្តរាគមន៍​បញ្ឈប់​កូដកម្ម​៕