ដោយៈ ភ្នំ​សន្ទុក /​កំពង់ធំៈ សាខា​កាកបាទក្រហមកម្ពុជា ខេត្តកំពង់ធំ បានផ្ដល់​អំណោយ មនុស្សធម៌ ជា​សម្ភារៈ គ្រឿងឧបភោគ​បរិភោគ ជូន​ដល់ អ្នកស្រុក​បារាយណ៍ ដែលមាន​ជីវភាព​ខ្វះខាត ចំនួន ១០០​គ្រួសារ នា​ព្រឹក​ថ្ងៃទី​១៣ ខែកក្កដា ឆ្នាំ​២០២២ ។​

​លោក ងួន រតនៈ ប្រធាន​កាកបាទក្រហមកម្ពុជា សាខា​ខេត្តកំពង់ធំ បាន​ថ្លែង​នាឱកាស​នោះ ថាៈ ភូមិ ឃុំ ស្រុក ខេត្ត បាន​បង្កើត​ភ្នាក់ងារ ដើម្បី​ក្តាប់ និង​ផ្ដល់ព័ត៌មាន អំពី​បញ្ហា​ផ្សេងៗ ទាក់ទង​នឹង​ពលរដ្ឋ​ងាយ​រងគ្រោះ ឬ​រងគ្រោះ ដោយ​អគ្គិភ័យ និង​បញ្ហា​ផ្សេងៗ ជាពិសេស មេរោគ​កូ​វីដ​១៩ ហើយ​កន្លងមក អាជ្ញាធរ កាកបាទក្រហមកម្ពុជា បាន​យកចិត្តទុកដាក់​ខ្លាំង ណាស់ បញ្ហា​នេះ ។ ជាពិសេស​ទៀត​នោះ សម្តេច​កិត្តិ​ព្រឹទ្ធ​បណ្ឌិត​ប៊ុន រ៉ានី ហ៊ុនសែន តែងតែ យកចិត្តទុកដាក់​ខ្ពស់ ពី​ជីវភាព​ប្រជាពលរដ្ឋ គ្រប់​មជ្ឈដ្ឋាន​នានា និង​ឱ្យ​សាខា​នីមួយៗ យកចិត្ត ទុកដាក់ ឲ្យ​បាន​គ្រប់​ច្រកល្ហក និង​ក្តាប់​ព័ត៌មាន​ណា ដែល​បងប្អូន​ពលរដ្ឋ មានការ​លំបាក ជាពិសេស​ទាក់ទង​នឹង​ជីវភាព​ប្រជាពលរដ្ឋ មិនអាច​មើលរំលង បានឡើយ​៕/V