​ដោយៈ ភ្នំ​ស្វាយ / បន្ទាយមានជ័យ​៖ទីផ្សា​លំនៅដ្ឋាន​សមរម្យ ត្រូវបាន​យកមក​បង្ហាញជូន​មន្ត្រី​ថ្នាក់ដឹកនាំ និង​វិស័យ​ឯកជន​ដើម្បី​ទ្រទ្រង់​ជីវភាព​ពលរដ្ឋ​នៅ​ខេត្តបន្ទាយមានជ័យ ។​ការបង្ហាញ​នេះ​ធ្វើឡើង​នា​រសៀល​ថ្ងៃទី ១២ កក្កដា ២០២២​។​

​ក្នុង​សិក្ខាសាលា​ពិគ្រោះ​យោបល់​ស្ដីពី​លទ្ធផល​នៃ​ការស្រាវជ្រាវ​អំពី​ទីផ្សារ​លំនៅដ្ឋាន​តម្លៃ​សមរម្យ​នៅ​កម្ពុជា ដែល​រៀបចំឡើង​ដោយ​អគ្គនាយកដ្ឋាន​លំនៅឋាន នៃ​ក្រសួង​រៀបចំ​ដែនដី​នគរូបនីយកម្ម និង​សំណង់ សហការ​ដោយ​សាជីវកម្ម​ហិរញ្ញវត្ថុ​អត្តរ​ជាតិ (IFC) ក្រោម​វត្តមាន​ចូលរួម​ពី លោក បេង​ហុង សុជាតិ ខេ​ម​រ៉ូ អគ្គនាយកដ្ឋាន​លំនៅដ្ឋាន លោក​វិស្វករ លី សារី អភិបាលរង​ខេត្ត អ្នកស្រី លូ​លូ បាក់​លា​ហ្កា​ន មន្ត្រី​វិនិយោគ​ជាន់ខ្ពស់​នៃ សាជីវកម្ម​ហិរញ្ញវត្ថុ​អត្តរ​ជាតិ (IFC) (Ms LuLu S.Baclagon,) និង​មន្ត្រី​តំណាង​មន្ទីរ​ស្ថាប័ន​ចំណុះ​រដ្ឋបាលខេត្ត និង​ក្រុង​ប៉ោយប៉ែត ក្រុមហ៊ុន​ឯកជន ធនាគារ​និង​គ្រឹះស្ថាន​ហិរញ្ញវត្ថុ ។​

​លោក​វិស្វករ លី សារី អភិបាលរង​ខេត្តបន្ទាយមានជ័យ មានប្រសាសន៍ថា​៖​រា​រាជ​រដ្ឋា​បាល និង​ក្រសួង រៀបចំ​ដែនដី​នគរូបនីយកម្ម និង​សំណង់ បាននិងកំពុង​គិតគូរ​ពី​ការរៀបចំ​រចនាសម្ព័ន្ធ ផ្លូវថ្នល់​ប្រព​ន្ធ័​លូ ទឹកស្អាត​និង​អគ្គិសនី ពិសេស​លំនៅដ្ឋាន​សមរម្យ​សម្រាប់​ការ​ស្នាក់នៅ​របស់​ប្រជាពលរដ្ឋ ដែល​ទាមទា​ឱ្យ​វិស័យ​ឯកជន ដោយឡែក​ក្រុមហ៊ុន​អចលនទ្រព្យ​ចូលរួម​។​

​លោក​វិស្វករ លី សារី បន្តទៀតថា សិក្ខាសាលា​ពិគ្រោះ​យោបល់​ស្ដីពី​៖​លទ្ធផល​នៃ​ការស្រាវជ្រាវ​អំពី​ទីផ្សារ​លំនៅឋាន​តម្លៃ​សមរម្យ​នៅ​កម្ពុជា និង​យកមក​បង្ហាញ​ដល់​សិក្ខាកាម ដើម្បី​រៀបចំ​លំនៅ​ក្នុង​មូលដ្ឋាន​អោយស្រប​តាមច្បាប់ និង​ដើម្បី​ធានាបាន​ការរស់នៅ​រប​ស់​ពលរដ្ឋ​ប្រកបដោយ​សុខ​ដម​រម្យ​នា​។​

​ចំណែក​លោក បេង​ហុង សុជាតិ ខេ​ម​រ៉ូ មានប្រសាសន៍ថា​៖ សិក្ខាសាលា​ពិគ្រោះ​យោបល់​នេះ នឹង​ទទួលបាន​ធាតុ​សំខាន់ៗ បន្ថែមទៀត​។​ពោលគឺ​បន្ទាប់ពី​ការចុះពិនិត្យ​សិក្សា​ជាក់ស្ដែង ដើម្បី​ជា​មូលដ្ឋាន​ដ៏​មាន​សារៈសំខាន់ ក្នុងការ​អភិវឌ្ឍ​លំនៅដ្ឋាន​តម្លៃ​សមរម្យ​សម្រាប់​គ្រួសារ​ដែលមាន​ប្រាក់ចំណូល​មធ្យម ចំណូល​ទាប ព្រមទាំង​គ្រួសារ​ងាយ​រងគ្រោះ បន្ទាប់ពី​ប្រទេស​យើង​បាន​ស្ងប់​ពី​មេរោគ​ជំងឺ​កូ​វីដ​១៩​។​

​លោក បេង​ហុង សុជាតិ ខេ​ម​រ៉ូ សង្ឃឹម​យ៉ាង​មុតមាំ​ថា សិក្ខាកាម​យកចិត្តទុកដាក់​លើ​បទ​បង្ហាញ​របស់រ​មន្ត្រី​ជំនាញ ព្រមទាំង​ចូលរួម​ទាំង​ចំនុចខ្លាំង​និង​ចំណុចខ្សោយ ក្នុងការ​អនុវត្ត​ការងារ​លំនៅឋាន​នាពេល​កន្លងមក សំដៅ​រួមចំណែក​កែលំអ និង​បំពេញបន្ថែម អោយ​ការអនុវត្ត​លំនៅដ្ឋាន​តម្លៃ​សមរម្យ​កាន់តែ​មាន​ប្រសិទ្ធភាព​ខ្ពស់​បន្ថែមទៀត​៕​សរន​.mara