​ប្រែ​សម្រួល : កញ្ញា​ដា​លី​ស (​ស៊ីនហួ​) ៖ ពាណិជ្ជកម្ម​ក្រៅ​ប្រទេស​របស់​ចិន​បាន​ឃើញ​កំណើន​ពីរ​ខ្ទង់​ក្នុង​ខែមិថុនា ដែល​ជា​សូចនាករ​វិជ្ជមាន​មួយ​បង្ហាញ​ថា​សេដ្ឋកិច្ច​ធំ​ទី​ពីរ​របស់​ពិភពលោក​កំពុង​​ងើប​ឡើងវិញ​ពី​ការផ្ទុះកូ​វីដ​១៩​។​

​ទិន្នន័យ​ពី​អគ្គ​រដ្ឋបាល​គយ (GAC)​កាលពី​ថ្ងៃ​ពុធ​ទី​១៣​កក្កដា​បាន​បង្ហាញថា កំណើន​ពាណិជ្ជកម្ម​បរទេស​របស់​ចិន​បាន​បង្កើន​ល្បឿន​ដល់ ១៤,៣ ភាគរយ​នៅក្នុង​ខែមិថុនា ធៀប​នឹង ៩,៥ ភាគរយ​ក្នុង​ខែ​ឧសភា និង ០,១ ភាគរយ​ក្នុង​ខែ​មេសា​។​

​ចាប់ពី​ខែ​មករា​ដល់​ខែ​មិថុនា ពាណិជ្ជកម្ម​ក្រៅ​ប្រទេស​របស់​ចិន​បាន​កើនឡើង ៩,៤ ភាគរយ​ធៀប​ឆ្នាំមុន គឺ​ស្មើនឹង ១៩,៨ ទ្រី​លាន​យ័ន (​ប្រហែល ២,៩៤ ទ្រី​លាន​ដុល្លារ​)​។​

​ការនាំ​ចេញ​បាន​កើនឡើង ១៣,២ ភាគរយ​ធៀប​ឆ្នាំមុន ស្មើនឹង ១១,១៤ ទ្រី​លាន​យ័ន ខណៈ​ការ​នាំចូល​បាន​កើនឡើង ៤,៨ ភាគរយ​ធៀប​នឹង​ឆ្នាំ​មុន​ស្មើនឹង ៨,៦៦ ទ្រី​លាន​យ័ន​។​

​លោក លី គុយ​វិន (Li Kuiwen) អ្នកនាំពាក្យ​របស់ GAC បាន​និយាយថា “​សរុបមក ការ​នាំចូល​និង​ការនាំចេញ​របស់​ចិន​បាន​បង្ហាញ​ពី​ភាព​ធន់​រឹងមាំ​នៅក្នុង​ឆមាស​ទី​មួយ​នៃ​ឆ្នាំនេះ​”៕

​ការ​នាំចូល​និង​ការនាំចេញ​របស់​ចិន​បាន​បង្ហាញ​ពី​ភាព​ធន់​រឹងមាំ​នៅក្នុង​ឆមាស​ទី​មួយ​នៃ​ឆ្នាំនេះ​