​ដោយៈ ជា សីហៈ​/​ភ្នំពេញៈ នៅ​ថ្ងៃទី​១៤ ខែកក្កដា ឆ្នាំ​២០២២ ក្រុមការងារ​ជំនាញ​របស់​កម្ពុជា​ចម្រុះ​ស្ថាប័ន​បាន​ចូលរួម​សិក្ខាសាលា​ថ្នាក់​តំបន់ ស្តីពី​ការបង្ហាញ​ឧបករណ៍ កសាង​ផែនការ​ចក្ខុវិស័យ​រួម​នៅ​អាង​ទន្លេមេគង្គ​ដែល​រៀបចំឡើង​នៅ​ទីក្រុង​វៀង​ច័ន្ទ​ប្រទេស​ឡាវ ។

​មន្ត្រី​កម្ពុជា​ដែល​ចូលរួម រួមមានៈ តំណាង​ក្រសួងផែនការ​ដោយ លោក ផន ចិន្តា អគ្គ​នាយរង នៃ​វិទ្យាស្ថាន​ជាតិ​សិ្ថ​តិ តំណាង​គណៈកម្មាធិការ​ជាតិ​ទន្លេមេគង្គ​កម្ពុជា​(​គ​.​ជ​.​ទ​.​ម​.​ក​)​ដោយ លោក​សួស ប៊ុនថន ប្រធាន​នាយកដ្ឋាន​ផែនការ និង​សហប្រតិបត្តិការ​អន្តរជាតិ លោក​ធួន សុខ​ជា អនុប្រធាននាយកដ្ឋាន​ផែនការ និង​សហប្រតិបត្តិការ​អន្តរជាតិ លោក ងួន វិចិត្រ អនុប្រធាននាយកដ្ឋាន​បណ្តា​គម្រោង និង​កម្មវិធី និង​ក្រសួង​ធនធានទឹក និង​ឧតុនិយម លោក​តុង សេង ប្រធានការិយាល័យ​ស្រាវជ្រាវ និង​ព្យាករណ៍​ទឹកជំនន់ នៃ​នាយកដ្ឋាន​ជ​សាស្ត្រ និង​ការងារ​ទន្លេ​។​

សិក្ខាសាលា​នេះ​បាន​សម្របសម្រួល​ដោយ​លេខាធិការដ្ឋាន​គណកម្មាធិកា​រ​ទន្លេមេគង្គ និង​មានការ​អ្នកចូលរួម​ពី​បណ្តា​ប្រទេស​ជា​សមាជិក​មេគង្គ គឺ​មកពី​កម្ពុជា ឡាវ ថៃ និង​វៀតណាម ក្រុមការងារ​លេខ​ធិ​ការដ្ឋាន និង​ជំនាញការ​អន្តរជាតិ​មកពី​សកលវិទ្យា​ល័យរ​ដ្ឋ​អា​រី​ហ្សូ​ណា និង USACE, សហរដ្ឋអាមេរិក សរុប​៣៤​រូប ។​

​គោលបំណង​នៃ​សិក្ខាសាលា​គឺ​ដើម្បី ផ្តល់​មតិយោបល់ និង​កំណែ​សាកល្បង នៃ​ការកសាង​ផែនការ​ចក្ខុវិស័យ​រួម ក៏ដូចជា បង្ហាញ​សាកល្បង​ឧបករណ៍​កសាង​ផែនការ​ចក្ខុវិស័យ និង ពិភាក្សា​ជំហាន​បន្ត​សម្រាប់​សិក្ខាសាលា​។​.mara