ប្រែ​សម្រួលៈ​បំណង​(​ស៊ីន​ហួរ​)៖​អតិផរណា​អ្នកប្រើប្រាស់​នៅ​អាម៉េរិក​កាលពី​ខែ​មិថុនា​បាន​ឡើងដល់​៩,១​ភាគរយ​ធៀប​នឹង​ពេល​ដូចគ្នា​កាល​ពី​មួយ​ឆ្នាំ​មុន ដោយ​វា​ឈាន​ដល់​កំរិត​ខ្ពស់​ជា​ថ្មី​មួយទៀតធៀប​នឹង​អតិផរណា​​គ្រប់​ឆ្នាំ​ក្នុង​រយៈពេល​បួន​ទសវត្សរ៍​កន្លងមក នេះ​បើ​តាម​ការប្រកាស​របស់​ក្រសួង​ការងារ​អាម៉េរិក​កាលពី​ថ្ងៃ​ពុធ​។​

​ស​ន្ទ​ស្សន៍​ថ្លៃ​អ្នកប្រើប្រាស់​(CPI)​បាន​ឡើង​១,៣​ភាគរយ​ចាប់ពី​ខែ​ឧសភា​ដល់​មិថុនា ក្រោយ​ឡើង​១​ភាគរយ​ចាប់ពី​ខែ​មេសា​ដល់​ឧសភា ។​

CPI​ខែ​មិថុនា​កត់សំគាល់​កំណើន​ធំ​បំផុត​ក្នុងរយៈពេល​១២​ខែ​គិត​ចាប់តាំងពី​ខែ​វិច្ឆិការ​ឆ្នាំ​១៩៨១ និង​កើន​ពី​កំណើន​អតិផរណា​ចំនួន​៨,៦​ភាគរយ​កាលពី​ខែ​ឧសភា​។​

​សូមបញ្ជាក់​ថា​ស​ន្ទ​ស្សន៍​ថ្លៃ​អ្នកប្រើប្រាស់ CPI​នៅ​តែ​លើ​៦​ភាគរយ​ធៀប​នឹង​CPI​ប្រចាំឆ្នាំ​ចាប់តាំងពី​ខែតុលា​ឆ្នាំ​មុន និង​វា​បាន​ឡើង​លើ​៨​ភាគរយ​ជាប់​តាំងពី​ខែ​មីនា​ឆ្នាំ​នេះ ដែល​ជា​សញ្ញា​ព្រមាន​មួយ​​ថា​ធនាគារកណ្តាល​អាម៉េរិក​​នឹង​ចំណាយ​ពេល​យូរ​ដើម្បីចាត់ចែង​ធ្វើ​អោយ​អតិផរណា​ស្ថិត​មក​នៅក្រោម​ការគ្រប់គ្រង​វិញ​។​

តាមពិត​ធនាគារកណ្តាល​អាម៉េរិក​បាន​ដំឡើង​អត្រា​កា​ប្រាក់​ដ៏​ខ្ពស់​ដល់​ទៅ​មួយ​ភាគ​បួន​ភាគរយ​ឯណោះ ដោយ​ចេញ​ពី​សូន្យ​កាលពី​ខែ​មីនា ចាប់ផ្តើម​រឹតបន្តឹង​វដ្ត​របស់​វា​ដើម្បី​ទប់​កុំអោយ​អតិផរណា​ឡើង​។​នៅ​ខែ​​ឧសភា ធនាគា​របាន​បង្កើន​អត្រា​ការប្រាក់​ដល់​ទៅ​ពាក់កណ្តាល និង​ដំឡើង​បី​ភាគ​បួន​ភាគរយ​កាលពី​ខែមិថុនា ជា​ការដំឡើង​អត្រា​ការប្រាក់​ខ្ពស់បំផុត​នៅ​អាម៉េរិក​គិត​ចាប់តាំងពី​ឆ្នាំ​១៩៩៤​។​

​អ្វី​ដែល​គេ​ហៅថា​CPI​ស្នូល ដែល​ផាត់​ចេញ​ស្បៀង​និង​ថាមពល បាន​ឡើង​០,៧​ភាគរយ​នៅ​ខែ​មិថុនា ក្រោយ​ឡើង​០,៦​ភាគរយ​នៅ​មួយ​ខែ​មុន​នោះ​។​CPI​ស្នូល​នេះ​បាន​ឡើង​៥,៩​ភាគរយ​នៅ​១២​ខែ​មកនេះ​​ក្រោយ​ឡើង​៦​ភាគរយ​កាលពី​ខែ​ឧសភា​។​

​ស​ន្ទ​ស្សន៍​ថ្លៃ​អ្នក​ប្រើប្រាស់​គ្រប់​មុខនៅអាម៉េរិក​បាន​កើនឡើង តែ​ជម្រក​ស្នាក់នៅ រថយន្ត​ជជុះ​តូចធំ ការព្យាបាល​សុខភាព ការធានារ៉ាប់រង​យានយន្ត​និង​យានយន្ត​ថ្មី ជា​ទំនិញ​ដែល​ចូលរួម​ចំណែក​ធំ​ក្នុង​កំណើន​អតិ​​ផ​រណា​។​

​ហាង​លក់​គ្រឿងទេស​ ភេសជ្ជៈ​និងបន្លែនៅ​ទីក្រុង​វ៉ាស៊ីនតោន សហរដ្ឋ​អាម៉េរិក​។​អតិផរណា​ស្បៀង​នៅ​អាម៉េរិក​កើន​ឡើង​ជាង​ដប់​ភាគរយ​ក្នុង​រយៈពេល​១២​ខែ​

​ស​ន្ទ​ស្សន៍​ថាមពល​បាន​ឡើង​៧,៥​ភាគរយ​កាលពី​ខែ​មុន ដោយ​ស​ន្ទ​ស្សន៍​ប្រេងសាំង​ឡើង​១១,២​ភាគរយ​។ បើ​និយាយ​ស​ន្ទ​ស្សន៍​ថាមពលនៅអាម៉េរិក រយៈពេល​មួយ​ឆ្នាំ​មក​នេះ​វា​ឡើង​ដល់​ទៅ​៤១,៦​ភាគរយ ជា​កំណើន​រយៈ​​ពេល​១២​ខែ​ខ្ពស់បំផុត​គិត​ចាប់តាំងពី​ឆ្នាំ​១៩៨០​។​

​ទោះជា​យ៉ាងណា​ស​ន្ទ​ស្សន៍​ស្បៀង បាន​ឡើង​តែ​១​ភាគរយ​កាលពី​ខែ​មិថុនា តែបើគិត​រយៈពេល​១២​ខែ​បញ្ចប់​ត្រឹម​ខែ​មុន វា​កើន​១០,៤​ភាគរយ​​។​វា​ក៏​ជា​កំណើន​អតិ​ផរ​ស្បៀង​ខ្ពស់បំផុត​ផង​ដែរ​គិត​ចាប់តាំងពី​​ឆ្នាំ​១៩៨១៕