​ដោយ​: សម្បត្តិ / ភ្នំពេញ​៖ លោក​ឧ​ត្ត​ម​សេនីយ៍​ទោ បេង ដា​ណា​រ៉ា ស្នងការរង​ទទួល​ផែនការ​ងារ​ភ​ស្ថុ​ភារ និង​ហិរញ្ញវត្ថុ ដែលជា​តំណាង​លោក​ឧ​ត្ត​ម​សេនីយ៍​ឯក ស ថេត អគ្គ​ស្នងការរង​នគរបាលជាតិ និង​ជា​ស្នងការ​នគរបាល​រាជធានី​ភ្នំពេញ ជា​អនុប្រធាន​ក្រុមការងារ​រាជរដ្ឋាភិបាល​ចុះជួយ​ខណ្ឌមានជ័យ ព្រមទាំង​មន្ត្រី​នគ​បាល​ជាច្រើន​នាក់ នា​ព្រឹក​ថ្ងៃ​សុក្រ ថ្ងៃទី​១៥ ខែកក្កដា ឆ្នាំ​២០២២ បាន​នាំយក​ទៀន​ព្រះវស្សា ទេយ្យទាន និង​បច្ច័យ​មួយចំនួន ប្រគេន​ព្រះសង្ឃ គង់នៅ​វត្ត​សន្សំ​កុសល ស្ថិតក្នុង​សង្កាត់​បឹងទំពន់​ទី​១ ខណ្ឌមានជ័យ នៅ​ក្នុងឱកាស​ពិធីបុណ្យ​ចូល​ព្រះវស្សា​។

​នៅក្នុង​ឱកាស​នោះ លោក​ឧ​ត្ត​ម​សេនីយ៍​ទោ បេង ដា​ណា​រ៉ា ព្រមទាំង​លោក លោកស្រី ស្នងការរង បាន​ប្រគេន​ទៀន​ព្រះវស្សា ទេយ្យទាន និង​បច្ច័យ រួមមានៈ​ទៀន​ព្រះវស្សា ចំនួន​១​គូ​, សាដក​ចំនួន​៩, អង្ករ​ចំនួន​១០០​គីឡូក្រាម​, ស្ករស ២៥​គីឡូក្រាម​, មី ១​កេស​ធំ​, ត្រីខ ១​កេស​ធំ​, ទឹកស៊ីអ៊ីវ ១០​យួរ​, ទឹកត្រី ១០​យួរ​,​ទឹកបរិសុទ្ធ ៣០​កេស​,​ទឹកក្រូច ២០​កេស​, ផ្លែឈើ ២​កន្ត្រក​, បច្ច័យ ២.០០០.០០០ រៀល សម្រាប់​វត្ត និង​បច្ច័យ​ប្រគេន​ព្រះសង្ឃ ចំនួន​១១២​អង្គ សរុប​ចំនួន ២.២០០.០០០ រៀល​៕/V​