ដោយៈ​ទេ​ពក​ង្រី​/​កំពង់ឆ្នាំង​៖​នៅ​ថ្ងៃទី​១៥​កក្កដា​២០២២​ស្ថានភាព​ទឹកភ្លៀង​នៅតែ​បន្ត​ធ្លាក់ចុះ​នៅ​គ្រប់​ទីកន្លែង​ក្នុង​ខេត្តកំពង់ឆ្នាំង​ទាំង​នៅពេល​ថ្ងៃ​។​តំបន់​ខ្លះទៀត​ភ្លៀង​បាន​បន្ត​ធ្លាក់​តាំងពី​ពេលយប់​ដល់ពេល​ថ្ងៃ​ធ្វើឱ្យ​ទឹកស្ទឹង​ខាងលើ​ហូរ​ជន់​ធ្លា​ក់មក​បឹង​ធំ​ខាងក្រោម​។​ទន្ទឹមនេះ​ទ្វារ​ទឹក​បង្ហៀរ​នៅ​ចំណុច​ទំនប់​បារាំង​នៃ​ក្នុងភូមិ​កណ្តាល សង្កាត់​ផ្សា​ឆ្នាំង​ក្រុង​កំពង់ឆ្នាំង​ទឹកបាន​ហូរ​ចុះមក​កាន់​ទន្លេ​និង​បាន​កាត់ផ្តាច់​ផ្លូវ​នៅ​ទំនប់​បង្ហៀ​ទឹក​មួយកន្លែង​ដែលជា​ផ្លូវ​ត​ភ្ជាប់​មកកាន់​ទៅ​ផ្សារ​នៅ​ក្រុង​កំពង់ឆ្នាំង​ផងដែរ​។​

​លោក ដោក ប៊ុន​ថុ​ន ប្រធាន​មន្ទីរ​ធនធានទឹក​និង​ឧតុនិយម​ខេត្តកំពង់ឆ្នាំង​ឲ្យ​ដឹង​នៅ​រសៀល​ថ្ងៃទី​១៥ ខែកក្កដា នេះ​ថា​កម្ពស់​ទឹកទន្លេ​នៅ​ស្ថានីយ​ជលសា​ស្ត្រ​ផ្សារ​ក្រោម​មាន​កម្ពស់​៥,២១​ម៉ែត្រ បើ​ធៀប​នឹង​ថ្ងៃទី​១៥ ខែកក្កដា ឆ្នាំ​២០២១​ទឹកទន្លេ​មាន​កម្ពស់​៣,៥០​ម៉ែត្រ​។​ដោយឡែក​ស្ថានភាព​ទឹកភ្លៀង​ធ្លាក់​មាន​បួន​ស្រុក​ក្នុងនោះ​មាន​កម្រិត​៤១​មី​លី​ម៉ែត្រ​នៅ​ស្រុក​បរិបូរ​ណ៌​។​

​អភិបាលខេត្ត​កំពង់ឆ្នាំង​លោក ស៊ុន សុវណ្ណារិទ្ធ ក៏ដូចជា​ប្រធាន​មន្ទីរ​ធនធានទឹក​ខេត្ត​ក្រើនរំលឹក​ដល់ បងប្អូន​ប្រជាពលរដ្ឋនៅក្នុង​ខេត្តកំពង់ឆ្នាំង​ទាំងអស់​សូមឱ្យ​មានការ​ប្រុងប្រយ័ត្ន​ខ្ពស់​ចំពោះ​គ្រោះធម្មជាតិ​នានា​
​ដែល​អាច​កើតឡើង​ជាយថាហេតុ ។​

​សូមបញ្ជាក់ថា​នៅក្នុង​ខែកក្កដា​២០២២​នេះ​បើទោះជា​មាន​ភ្លៀងខ្យល់​កន្ត្រាក់​បង្កឡើង​ជា​ញឹកញាប់​តែ​នៅ​មិនទាន់​បង្ក​គ្រោះថ្នាក់​ដល់​ជីវិត​មនុស្ស​សត្វ​ទេ​៕​សរន​

ទិដ្ឋភាពអួរអាប់នៅខេត្តកំពង់ឆ្នាំងនៅថ្ងៃទី១៥ខែកក្កដានេះ(រូបថតទេពកង្រី)

ទិដ្ឋភាពទឹកនៅខេត្តកំពង់ឆ្នាំងថ្ងៃទី១៥ខែកក្កដា( រូបថតទេពកង្រី)